ຈາກຝັນທີ່ບໍ່ທໍ້ຂອງໜຸ່ມ ຄໍາເລາະ ຈົນກາຍເປັນຂວັນໃຈສັງຄົມ

  ບັນດານັກຮ້ອງ ຫຼື ນັກສະແດງຫຼາຍໆຄົນກ່ອນຈະສ້າງມີຊື່ສຽງຊຶ່ງມັນບໍ່ແມ່ນເລືອງງ່າຍສະນັ້ນ,ສິ່ງສໍາຄັນຄືຄວາມອົດທົນ ແລະພະຍາຍາມເຮັດຜົນງານອອກ ມາໃຫ້ໂດດເດັ່ນດີທີ່ສຸດຄືດັ່ງໜຸ່ມຄໍາເລາະເຫາະເຫີນ ຈົນໄດ້ກ້າວມາເປັນນັກຮ້ອງ ແລະນັກສະແດງ ທີ່ມີຊື່ສຽງຂອງຄ້າຍເພງ TK ຊາວລາວທີ່ສັງຄົມຈັບຕາຈົນຮອດມື້ນີ້.

ທ່ານ ອະທິພົງ ສິຣິນາທານ ຫຼື ຄໍາເລາະເຫາະເຫີນ ໃຫ້ສໍາພາດ ວ່າ:ກວ່າຕົນເອງຈະມາຮອດຈຸດນີ້ທັງເປັນນັກຮ້ອງ ຫຼື ນັກສະແດງນອກຈາກຄວາມສາມາດສະເພາະໂຕແລ້ວຍັງຕ້ອງມີການພົວພັນກັບ ອີກຫຼາຍໆຢ່າງທັງກະແສສັງຄົມ ອື່ນໆອີກຫຼາຍຢ່າງໃນນາມທີ່ເປັນ ຄົນໜຶ່ງໃນວົງການບັນເທີງລາວບໍ່ ແມ່ນເລື່ອງງ່າຍທີ່ຈະມາຢູ່ຈຸດນີ້ໄດ້ເພາະຕົນເອງກໍເຄີຍທໍ້ແຕ່ບໍ່ເຄີຍ ຖອຍທຸກຢ່າງຕ້ອງມີອຸປະສັກ  ແລະ ບັນຫາມາໃຫ້ແກ້ໄຂ້ຢູ່ເລື້ອຍໆ ຊຶ່ງບັນຫາເລົ່ານັ້ນຈະກາຍເປັນຈຸດປ່ຽນໃຫ້ເຮົາເຂັ້ມແຂງ ແລະຜ່ານ ສິ່ງນັ້ນມາໄດ້ແນ່ນອນ.

ນອກຈາກນີ້,ກໍຢາກໃຫ້ກໍາລັງໃຈສັງຄົມ ຫຼື ນ້ອງໆທີ່ມີຄວາມໄຝ່ ຝັນບໍ່ວ່າຈະເປັນນັກຮ້ອງ ແລະ ນັກສະແດງຕົນເອງກໍຢາກໃຫ້ຄໍາ ແນະນໍາເພື່ອໃຫ້ກໍາລັງໃຈສູ້ຕໍ່ຖ້າມີ ຄວາມຝັນຂໍໃຫ້ຍ່າງຕໍ່ໄປຜ່ານຜ່າອຸປະສັກ, ມີຄວາມອົດທົນ, ມີ ຄວາມຕັ້ງໃຈ, ມີຄວາມສາມາດ, ມີຄວາມກ້າສະແດງອອກ ແລະ ຜ່ານສິ່ງທ້າທ້າຍອື່ນໆ ຖ້າມີໂອກາດກໍຢາກໃຫ້ຄວ້າໄວ້ຜ່ານການປະກວດໃນເວທີຕ່າງໆ ສິ່ງນັ້ນຈະເປັນໂຕສ້າງຈຸດແຂງໃຫ້ກັບເຮົາ ແລະຍັງເພີ່ມຄວາມກ້າໃນການສະແດງອອກໃຫ້ນ້ອງໆເພີ່ມຂຶ້ນນໍາ.

ຂໍຂອບໃຈທີ່ແຟນໆຕິດຕາມ ແລະໃຫ້ກໍາລັງໃຈຕົນເອງມາຕະຫຼອດ ຊຶ່ງຕົນເອງກໍມີພຽງຄວາມ ຫ່ວງໄຍທີ່ແຟນເພງໂທເຂົ້າມາຖາມຈຶ່ງຢາກບອກຕໍ່ເຖິງຄວາມ ຝັນກວ່າຈະມາເປັນ ຄໍາເລາະ ເຫາະ ເຫີນ ໃນມື້ນີ້ຝາກທັງຜົນງານເພງ ໃໝ່: ຂາດຄົນເຫັນໃຈ ແລະໃນ ໄວໆນີ້ກໍຍັງມີຜົນງານການສະແດງຮູບເງົາຮ່ວມກັບປະເທດໄທໃຫ້ຕິດຕາມກັນແນ່ນອນສາມາດຕິດຕາມ ໄດ້ທາງເຟສ໌ບຸກສ່ວນໂຕ: AthiphongSirinathan ຫຼື ຕິດຕາມຜົນງານເພງໄດ້ທາງຊ່ອງຢູທູບ: TK soundlao.

--------------

ພາບ ແລະຂ່າວຈາກ  ໜັງສືພິມເສດຖະກິດ-ສັງຄົມ

แชร์