ງາມທຳມະຊາດນໍ້າຕົກຕາດເຍືອງ

 ການທ່ອງທ່ຽວທຳມະຊາດໃນ ສປປ ລາວ ໃນໄລຍະເດືອນ ພະຈິກນີ້ ຖືເປັນບັນຍາກາດໜຶ່ງທີ່ ງົດງາມຍິ່ງ, ເປັນການພະຈົນໄພຈາກເມືອງໃຫຍ່ສູ່ພູເຂົາ,ຈາກຄວາມວຸ້ນວາຍສູ່ທໍາມະຊາດທີ່ ງຽບສະຫງົບ ຊຶ່ງເປັນບັນຍາກາດ ທີ່ມີຄວາມສຸກ,ສະນັ້ນໃນມື້ນີ້ຜູ້ຂຽນຈະພາໄປຮັບຮູ້ເຖິງການທ່ອງທ່ຽວ ໃນໄລຍະເດືອນພະຈິກທີ່ “ນໍ້າຕົກ ຕາດເຍືອງ” ໜຶ່ງໃນສະຖານທີ່ ທ່ອງທ່ຽວທີ່ໜ້າສົນໃຈທີ່ສຸດສຳລັບການທ່ອງທ່ຽວໃນໄລຍະໜາວເປັນສະຖານທີ່ທ່ອງທ່ຽວທີ່ເກີດຈາກທໍາມະຊາດ  ແລະໄຮ້ຄວາມສັບສົນ, ເປັນດິນແດນແຫ່ງຄວາມສຸກ ແລະ ສະຫວັນເທິງດິນຂອງນັກສະແຫວງ ຫາຄວາມສຸກທີ່ແທ້ຈິງທີ່ກໍາລັງ ລໍຖ້າທ່ານໄປສໍາຜັດ.

ຕາດເຍືອງ  ກໍເປັນອີກແຫ່ງໜຶ່ງ ທີ່ມີຄວາມສວຍງາມເປັນເອກະລັກ ໄປອີກແບບໜຶ່ງທີ່ໃຜໆໄດ້ໄປປາກ ເຊແລ້ວບໍ່ຄວນພາດທີ່ຈະໄປຢ້ຽມ ຊົມ ແລະເປັນຕາດສູງຊັນປະມານ 50 ແມັດ, ແບ່ງເປັນ 2 ຖານ; ພັກ ເທິງ 10 ແມັດ, ພັກລຸ່ມເປັນ 4-5 ແມັດ, ສອງຟາກຝັ່ງເປັນຜາເຫວ ຊັນໄມ້ເຮ້ຍ,ປ່າກ້ວຍ,ປ່າຕົ້ນໄມ້ ໃຫຍ່ຈຳນວນໜຶ່ງ (ນັບແຕ່ປາກຕາດລົງດ້ານລຸ່ມຕາດ) ທາງລົງ ກ້ອງ ຫຼື ວັງນໍ້າຕົກແມ່ນລົງຕາມຂັ້ນໄດລີງຢູ່ຝັ່ງດ້ານລຸ່ມຕາດ, ຕາດ ດັ່ງກ່າວກໍາເນີດຈາກສາຍຫ້ວຍບັ້ງ ລຽງ ຕັ້ງຢູ່ໃນເຂດຮັບຜິດຊອບ ຂອງບ້ານຫຼັກ  40  ເມືອງປາກຊ່ອງ ແຂວງຈໍາປາສັກ ຫ່າງຈາກບ້ານ ໄປທາງທິດຕາເວັນຕົກສ່ຽງໃຕ້ປະມານ 1,3 ກິໂລ ແມັດ, ຫ່າງຈາກຕົວເມືອງປາກຊ່ອງ ມາທາງທິດຕາເວັນຕົກ 10 ກິໂລແມັດ.

ສະໜັບສະໜຸນໂດຍ: HONDA

------

 ກ່ອນເອີ້ນວ່າ: ຕາດເຍືອງ”ກໍ່ຍ້ອນວ່າຄາວປູ່ເຍີ ຜູ້ພາອາໄສຢູ່ຖິ່ນຖານແຫ່ງນີ້ເປັນບ່ອນດຳລົງຊີວິດ,ຊອກຢູ່ຫາກິນຕາມສາຍຫ້ວຍບັ້ງລຽງຍ່ານນີ້ເຄີຍພົບເຫັນເຍືອງ 2 ໂຕຜົວເມຍອາໄສຢູ່ໃນຖໍ້າດ້ານລຸ່ມຕາດເພື່ອຊອກຫາຕາມພາສາຂອງສັດ ແລະດ້ານໜຶ່ງສາຍຫ້ວຍຍ່ານນີ້ມີ 3-4 ຕາດເພື່ອຄວາມຈື່ຈຳຂົງເຂດບໍລິເວນທຳມາຫາກິນເຂົາເຈົ້າໄດ້ໃສ່ຊື່ຕາດແຫ່ງ ນີ້ວ່າ: “ຕາດເຍືອງ” ມາເທົ່າທຸກວັນນີ້.

---------------

ພາບ ແລະຂ່າວຈາກ  ໜັງສືພິມເສດຖະກິດ-ສັງຄົມ

แชร์