JDB ມອບລົດໂຕໂຍຕ້າ ວິອອດ ໂຄງການຍິ້ມຮັບ 3 ລະດູທີ່ປາກເຊ

 ວັນທີ 9 ພະຈິກ 2019 ທີ່ສູນການຄ້າແຟນຊີບມໍນະຄອນປາກເຊ ແຂວງຈໍາປາສັກ ທະນາຄານຮ່ວມພັດທະນາໄດ້ຈັດພິທີແຈກໂຊກໃຫຍ່ໃນໂຄງການຍິ້ມຮັບ 3 ລະດູ ລາງວັນໃຫ້ລູກຄ້າທີ່ໃຊ້ບໍລິການຜະລິດຕະພັນຂອງທະນາຄານຮ່ວມພັດທະນາເປັນກຽດເຂົ້າຮ່ວມໂດຍທ່ານ ສູນທອນ ຈັນທະວົງ ຮອງປະທານສະພາບໍລິຫານທະນາຄານຮ່ວມພັດທະນາມີ, ທ່ານ ວິໄລ ສີພະພອນ ຜູ້ອໍານວຍການໃຫຍ່ (ເຈດີບີ) ພ້ອມດ້ວຍຜູ້ບໍລິຫານລະດັບສູງ ແລະພະນັກງານທີ່ກ່ຽວຂ້ອງຕະຫຼອດລູກຄ້າ ແລະສື່ມວນຊົນຂອງແຂວງກໍໄດ້ເຂົ້າຮ່ວມ.

 

 ໃນພິທີໄດ້ມີການຈົກສະຫຼາກມອບລາງວັນລົດເກງໂຕໂຍຕ້າວີອອດໃຫ້ຜູ້ໂຊກດີທີ່ເຂົ້າຮ່ວມໂຄງການໂປໂມຊັນຍິ້ມຮັບ 3 ລະດູທີ່ໃຊ້ຜະລິດຕະພັນເຈດີບີ ໃນທົ່ວປະເທດ, ຜູ້ໂຊກດີທີ່ໄດ້ຮັບລາງວັນລົດໂຕໂຍຕ້າວິີອອດຄັ້ງນີ້ແມ່ນທ່ານນາງ ຄໍາແສງ ວິລະພັນ ບ້ານໜອງທາເໜືອ ນະຄອນຫຼວງວຽງຈັນ ໂທລະສັບ 020 99577781.

ສະໜັບສະໜຸນໂດຍ: ສ່ວນບຸກຄົນ

  ການດຳເນີນໂຄງການດັ່ງກ່າວກໍເພື່ອເປັນການສົ່ງເສີມການນໍາໃຊ້ທຸກຜະລິດຕະພັນຂອງທະນາຄານຮ່ວມພັດທະນາໃຫ້ຫຼາຍຂຶ້ນ ແລະເພື່ອເປັນການຄືນກຳໄລໃຫ້ລູກ ຄ້າທີ່ມານໍາໃຊ້ບໍລິການຜະລິດຕະພັນຂອງທະນາຄານຮ່ວມພັດທະນາ.

 ໃນຕອນຄໍ່າຂອງວັນດຽວກັນກໍໄດ້ມີງານລ້ຽງພົບປະລູກຄ້າ 4 ແຂວງ ພາກໃຕ້ທີ່ໂຮງແຮມຈໍາປາສັກແກຣນເພື່ອຮັດແໜ້ນຄວາມສາມະຄີຮັກແພງລະຫວ່າງລູກຄ້າ ແລະທະນາຄານໃຫ້ແໜ້ນ ແຟ້ນຍິ່ງຂຶ້ນ ໂດຍການເປັນກຽດເຂົ້າຮ່ວມຂອງທ່ານ ສຸລິວັນ ສະຫວັດທະສິນ ເຈົ້າຄອງນະຄອນປາກເຊ ແລະທ່ານ ນວນຕາ ແກ້ວມະນີ ຫົວໜ້າທະນາຄານແຫ່ງ ສປປ ລາວ ປະຈໍາພາກໃຕ້ ແລະລູກຄ້າຂອງທະນາຄານຮ່ວມພັດທະນາກໍ່ໄດ້ເຂົ້າຮ່ວມໃນງານລ້ຽງຄັ້ງນີ້ຢ່າງພ້ອມພຽງ.

ສະໜັບສະໜຸນໂດຍ: HONDA

 ໃນງານລ້ຽງທ່ານ ວິໄລ ສິພະພອນ ຜູ້ອໍານວຍໄດ້ກ່າວຕ້ອນຮັບເປີດພິທີຢ່າງເປັນທາງການ ແລະໄດ້ຍົກໃຫ້ເຫັນບາດກ້າວການຂະຫບາຍຕົວຂອງເຈດີບີນັບແຕ່ປີ 2012 ມາເຖິງປະຈຸບັນແມ່ນມີການຂະຫຍາຍຕົວຢ່າງກ້າວກະໂດດໄດ້ຂະຫຍາຍຕາໜ່າງການບໍລິການຈາກ 4 ໜ່ວຍບໍລິການມາເປັນ 60 ໜ່ວຍບໍລິການໃນຂອບເຂດທົ່ວປະ ເທດ ແລະການພັດທະນາລະບົບໄອທີໃຫ້ມີຄວາມທັນສະໄໝອອກຜະລິດຕະພັນຢ່າງຫຼວງຫຼາຍເພື່ອຕອບສະໜອງຄວາມຕ້ອງການ ແລະຄວາມເພິ່ງພໍໃຈຂອງລູກຄ້າໃນການເຂົ້າເຖິງແຫຼ່ງທຶນເງິນກູ້ເພື່ອສ້າງເສດຖະກິດຄອບຄົວຜູ້ທີ່ມີລາຍຮັບນ້ອຍ ແລະສົ່ງເສີມທຸລະກິດ SME ທຸລະກິດຂະໜາດນ້ອຍ ແລະຂະໜາດກາງ, ນອກຈາກນັ້ນຍັງໄດ້ຍັງໄດ້ສະໜອງທຶນປ່ອຍ ສິນເຊື່ອໃຫ້ແກ່ໂຄງການຂອງລັດຖະບານ ຄື: ເສັ້ນທາງລົດໄຟລາວ-ຈີນ, ເສັ້ນ ທາງດ່ວນວຽງຈັນ ແຕ່ບືງທາດຫຼວງ-ດົງໝາກຄາຍ (ທ່າງອ່ນ) ໃນວັນທີ 3 ຕຸລາ 1989 ຫາ 3 ຕຸລາ 2019 ໄດ້ຄົບວັນສ້າງຕັ້ງທະນາຄານຮ່ວມພັດທະນາ 30 ປີ ແລະທະນາຄານຮ່ວມພັດທະນາໜ່ວຍບໍລິການປາກເຊ ກໍ່ຄົບຮອບ 6 ປີ ໄດ້ບັນລຸຜົນສໍາເລັດຫຼາຍຢ່າງໃນການບໍລິການທາງດ້ານການເງິນໃຫ້ກັບປະຊາຊົນບັນດາເຜົ່າ.

 ປະຈຸບັນລູກຄ້າມີຄວາມເຊື່ອໝັ້ນ ແລະໄວ້ວາງໃຈໃຫ້ຄວາມສະໜັບສະໜູນທະນາຄານ JDB ຕະຫຼອດມາທັງໝົດນີ້ກໍ່ຍ້ອນການຊີ້ນຳໆພາຢ່າງໃກ້ຊິດຈາກພັກ-ລັດຖະ ບານກໍ່ຄືຂັ້ນເທີງ ໂດຍສະ ເພາະກໍ່ແມ່ນທະນາຄານແຫ່ງ ສປປ ລາວ ເຮັດໃຫ້ເປັນທະນາຄານຮ່ວມພັດທະນາມີຄວາມທັນສະໄໝຕາມຍຸກ 4.0 ໄດ້ນໍາ ໃຊ້ເຕັກໂນໂລຍີທີ່ທັນສະໄໝເຂົ້າໃນການບໍລິການໃຫ້ມີການເຕີບໃຫ່ຍຂະຫຍາຍຕົວຢ່າງຕໍ່ເນື່ອງເພື່ອເຮັດໃຫ້ສັງຄົມຫຼຸດຜ່ອນການນໍາໃຊ້ເງິນສົດເທື່ອລະກ້າວໂດຍໄປຕາມຄໍາຂວັນຂອງທະ ນາຄານຮ່ວມພັດທະນາ “ເຕີບໃຫ່ຍໄປພ້ອມກັນ”.

__________

ຂຽນໂດຍ: ຄໍາຕົ້ນ ວໍລະຈັກ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

 

 

แชร์