ກຽມຈັດກອງປະຊຸມລັດຖະມົນຕີສະຫວັດດີການສັງຄົມ ແລະການພັດທະນາອາຊຽນ

  ສປປ ລາວ ກຽມເປັນເຈົ້າພາບຈັດກອງປະຊຸມລັດຖະມົນຕີສະຫວັດດີການສັງຄົມ ແລະການພັດທະນາອາຊຽນຄັ້ງທີ 10 ກອງປະຊຸມເຈົ້າໜ້າທີ່ອາວຸໂສສະຫວັດດີການສັງຄົມ ແລະການພັດທະນາອາຊຽນ ຄັ້ງທີ 15 ແລະກອງປະຊຸມປິ່ນອ້ອມພາຍໃຕ້ຫົວຂໍ້ “ການສ້າງຄວາມເຂັ້ມແຂງວຽກປົກປ້ອງສັງຄົມສຳລັບເດັກດ້ອຍໂອກາດໃນອາຊຽນ” ຂຶ້ນໃນລະຫວ່າງວັນທີ18-22 ພະຈິກ 2019 ທີ່ນະຄອນຫຼວງວຽງຈັນ.

ສະໜັບສະໜຸນໂດຍ: HONDA

 ທ່ານ ຄຳແພງ ໄຊສົມແພງ ລັດຖະ ມົນຕີກະຊວງແຮງງານ ແລະສະຫວັດດີການສັງຄົມທັງເປັນປະທານກອງປະຊຸມລັດຖະມົນຕີສະຫວັດດີການສັງຄົມ ແລະການພັດ ທະນາອາຊຽນຄັ້ງທີ 10 ໄດ້ກ່າວໃນງານຖະແຫຼງຂ່າວທີ່ຈັດຂຶ້ນໃນວັນທີ 12 ພະຈິກ 2019 ທີ່ກະຊວງແຮງງານ ແລະສະຫວັນດີການສັງຄົມວ່າ: ບັນດາກອງປະຊຸມດັ່ງກ່າວແນໃສ່ ເພື່ອທົບທວນຄືນການຈັດຕັ້ງປະຕິບັດ ແຜນຍຸດທະສາດ, ວຽກງານສະຫວັດດີ ການສັງຄົມ ແລະການພັດທະນາອາຊຽນ ໄລຍະ 2016-2020 ແລະວາງທິດ ທາງແຜນການຮ່ວມມືກັບບັນດາປະເທດ ສະມາຊິກອາຊຽນ ແລະປະເທດບວກ ສາມໃນຕໍ່ໜ້າອອກຖະແຫຼງການຮ່ວມກອງປະຊຸມລັດຖະມົນຕີສະຫວັດດີການ ສັງຄົມ ແລະການພັດທະນາອາຊຽນຄັ້ງທີ 10 ແລະຖະແຫຼງການຮ່ວມ, ກອງປະຊຸມລັດຖະມົນຕີ ສະຫວັດດີການສັງຄົມ ແລະການພັດທະນາອາຊຽນບວກສາມຄັ້ງທີ 6 ຮັບຮອງບົດລາຍງານກອງປະ ຊຸມເຈົ້າໜ້າທີ່ອາວຸໂສສະຫວັດດີການສັງຄົມ ແລະການພັດທະນາອາຊຽນຄັ້ງທີ 15 ແລະບົດລາຍງານກອງປະຊຸມເຈົ້າໜ້າທີ່ອາວຸໂສສະຫວັດດີການສັງຄົມ ແລະການພັດທະນາອາຊຽນບວກສາມຄັ້ງທີ 14 ຮັບຮອງເອົາບັນດາໂຄງການ ການຮ່ວມມືແລະປຶກສາຫາລືບັນຫາຕ່າງໆໃນຂົງເຂດວຽກສະຫວັດດີການສັງຄົມ ແລະການພັດທະນາອາຊຽນ.

ພາບຂ່າວ:

  ສໍາລັບແຜນແມ່ບົດເສົາຄໍ້າວັດທະນະທໍາ-ສັງຄົມ 2025 ແມ່ນໃຫ້ຄໍາໝັ້ນໝາຍທີ່ຈະຍົກສູງຄຸນນະພາບຊີວິດຂອງປະຊາຊົນອາຊຽນໂດຍຜ່ານບັນດາກິດຈະກຳການຮ່ວມມືທີ່ໄປຕາມທິດຂອງປະຊາຊົນປະຊາຊົນເປັນແກນກາງເປັນມິດຕໍ່ສິ່ງແວດລ້ອມ ແລະສົ່ງເສີມການພັດທະນາແບບຍືນຍົງຊຶ່ງການຮ່ວມມືດ້ານສະຫວັດດີການສັງຄົມ ແລະການພັດ ທະນາອາຊຽນກໍເປັນໜຶ່ງຂະແໜງການທີ່ຢູ່ພາຍໃຕ້ເສົາຄໍ້າວັດທະນາທໍາ-ສັງຄົມອາຊຽນທີ່ຜັນຂະຫຍາຍຄໍາໜັ້ນໝາຍຂອງແຜນແມ່ບົດເສົາຄໍ້າວັດທະນະທໍາ-ສັງຄົມອາຊຽນເພື່ອການແກ້ໄຂບັນຫາສັງຄົມການປົກປ້ອງ ແລະສົ່ງເສີມສິດທິມະນຸດໂດຍສະເພາະແມ່ນເດັກນ້ອຍຜູ້ອາຍຸສູງຜູ້ພິການທີ່ດ້ອຍໂອກາດເພື່ອຫຼຸດຜ່ອນສິ່ງກີດຂວາງ  ແລະການເຂົ້າເຖິງການບໍລິການຕ່າງໆທີ່ບໍ່ເທົ່າທຽມກັນ.

ສະໜັບສະໜຸນໂດຍ: ສ່ວນບຸກຄົນ

__________

ຂຽນໂດຍ: ແພງຕາ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์