ນາຍົກເນັ້ນພາກທຸລະກິດຢາກແຂ່ງຂັນໄດ້ ຄຸນນະພາບຕ້ອງຖືເປັນສຳຄັນ

  ໂອກາດທີ່ເຂົ້າຮ່ວມໂອ້ລົມກອງປະຊຸມທຸລະກິດລາວຄັ້ງທີ 12 ໃນເຊົ້າຂອງວັນທີ 12 ພະຈິກ 2019, ທີ່ຫໍປະຊຸມແຫ່ງຊາດ, ນະຄອນຫຼວງວຽງຈັນ, ທ່ານ ທອງລຸນ ສີສຸລິດ ນາຍົກລັດຖະມົນຕີແຫ່ງ ສປປ ລາວ, ໄດ້ມີຄຳເຫັນໂດຍເນັ້ນໃຫ້ພາກທຸລະກິດເຂົ້າໃຈວ່າຖ້າຢາກແຂ່ງຂັນກັບບັນດາປະເທດເພື່ອນບ້ານ ແລະ ສາກົນໃນຍຸກໂລກາພິວັດ ຫຼື ຍຸກ 4.0 ໄດ້, ພາກທຸລະກິດຕ້ອງຖືເອົາຄຸນນະພາບ ແລະ ຄວາມໂປ່ງໃສເປັນປັດໄຈສຳຄັນ, ຂະນະທີ່ພາກລັດເອງກໍຕ້ອງເພີ່ມທະວີການເອື້ອອຳນວຍ ແລະປົດລັອກບັນຫາຄົງຄ້າງເພື່ອໃຫ້ພາກທຸລະກິດສາມາດແຂ່ງຂັນໄດ້.

ສະໜັບສະໜຸນໂດຍ: HONDA

  ໃນການໂອ້ລົມຄັ້ງນີ້, ທ່ານ ທອງລຸນ ສີສຸລິດ ໄດ້ສະແດງຄວາມຍ້ອງຍໍຊົມເຊີຍຕໍ່ຂະແໜງການກ່ຽວຂ້ອງໃນໄລຍະຜ່ານມາກໍຄືໃນກອງປະຊຸມຄັ້ງນີ້ທີ່ໄດ້ຍົກເອົາ 3 ບັນ ຫາທີ່ຍັງຄົງຄ້າງຂຶ້ນມາຫາລື ແລະຫາທາງແກ້ໄຂຮ່ວມກັນເປັນຕົ້ນແມ່ນບັນຫາສ່ວຍສາອາກອນ; ການເອື້ອອຳນວຍຄວາມສະດວກທາງດ້ານການຄ້າ ແລະການບໍລິການຂົນສົ່ງ, ການຊຸກຍູ້ສົ່ງເສີມການທ່ອງທ່ຽວ, ຊຶ່ງເປັນບັນຫາທີ່ຕ້ອງໄດ້ເອົາໃຈໃສ່ໃນການແກ້ໄຂເພື່ອຊ່ວຍເຮັດໃຫ້ການພັດທະນາເສດຖະກິດ-ສັງຄົມຂອງປະເທດມີການຂະ ຫຍາຍຕົວ, ຊຶ່ງການເພີ່ມມາດຕະການໃນການປັບປຸງສະພາບແວດລ້ອມ, ການດຳເນີນທຸລະກິດເພື່ອໃຫ້ສອດຄ່ອງການລົງທຶນຂອງລັດໃສ່ໂຄງລ່າງພື້ນຖານ, ເພື່ອສ້າງໃຫ້ມີສິນຄ້າສົ່ງອອກທີ່ຫຼາກຫຼາຍ, ເພີ່ມຜະລິດຕະພາບຂອງພາກທຸລະກິດ ແລະຫຼຸດຜ່ອນຕົ້ນທຶນຄ່າໃຊ້ຈ່າຍໃນການດໍາເນີນທຸລະກິດ.

ພາບຂ່າວ:

  ໂດຍໃນໄລຍະຜ່ານມາ, ລັດຖະບານໄດ້ມີນະໂຍບາຍສົ່ງເສີມແລ້ວ, ແຕ່ທັງນີ້ທັງນັ້ນລັດຍັງຕ້ອງຮຽກຮ້ອງໃຫ້ພາກເອກະຊົນຮ່ວມມືນຳ,ຊຶ່ງພາກລັດຈະຊ່ວຍປົດລັອກໃຫ້ແກ່ພາກທຸລະກິດ, ພ້ອມທັງ ອຳນວຍຄວາມສະດວກດ້ວຍການປັບປຸງ ກົນໄກການຄຸ້ມຄອງຂອງພາກລັດ ແລະປັບປຸງຂັ້ນຕອນການອະນຸມັດຕ່າງໆໃຫ້ສະດວກ, ວ່ອງໄວ ແລະໂປ່ງໃສ, ສະເພາະການລົງທຶນຂອງພາກທຸລະກິດແມ່ນຢາກໃຫ້ຫັນລົງຖືກເປົ້າໝາຍໂດຍສະເພາະສົ່ງເສີມການຜະລິດພາຍໃນໃຫ້ຫຼາຍຂຶ້ນຕື່ມເພື່ອຫຼຸດຜ່ອນການນຳເຂົ້າ ແລະຜະລິດເພື່ອສົ່ງອອກໃຫ້ມີຄວາມຫຼາກຫຼາຍ, ສ່ວນບັນຫາທີ່ພາກທຸລະກິດສະເໜີມາ ແລະຍັງແກ້ບໍ່ທັນໄດ້ພ້ອມຮຽກຮ້ອງໃຫ້ລັດເພີ່ມທະວີຄວາມເອົາໃຈໃສ່ຕົ້ນຕໍບັນຫາໃນຂະແໜງສ່ວຍສາອາກອນກໍຄືຂອດການບໍລິການປະຕູດຽວ, ເອື້ອອໍານວຍຄວາມສະດວກໃຫ້ການຄ້າ ແລະການບໍລິການຂົນສົ່ງລວມທັງການຊຸກຍູ້ສົ່ງເສີມ ການທ່ອງທ່ຽວໃນພາກທຸລະກິດໃຫ້ຫຼາຍຂຶ້ນ ແລະຢາກໃຫ້ມີການຕິດຕາມ ກວດກາຄຸ້ມຄອງຢ່າງເຂັ້ມງວດ, ຊຶ່ງຢາກ ເຮັດໄດ້ພວກເຮົາຕ້ອງເນັ້ນໃຫ້ໄດ້ຄຸນນະພາບ, ມີຄວາມໂປ່ງໃສ ແລະຮັບໃຊ້ປະ ຊາຊົນຢ່າງແທ້ຈິງ,  ເພື່ອເຮັດໃຫ້ການສົ່ງ ເສີມພາກທຸລະກິດໃຫ້ສາມາດແຂ່ງຂັນ ໄດ້ກັບປະເທດເພື່ອນບ້ານ ແລະສາກົນໃນຍຸກໂລກາພິວັດ ຫຼື ຍຸກ 4.0, ສຳຄັນຕ້ອງເຂົ້າໃຈສະພາບຄວາມເປັນຈິງຍຸກປະຈຸບັນ ແລະລາວເຮົາເປັນປະເທດນ້ອຍຫາກບໍ່ມີການປັບໂຕກໍຈະບໍ່ສາມາດແຂ່ງ ຂັນໄດ້, ອັນນີ້ເພື່ອເຮັດໃຫ້ປະເທດຊາດສາມາດຫຼຸດພົ້ນອອກຈາກສະຖານະພາບດ້ອຍພັດທະນາເທື່ອລະກ້າວ.

ສະໜັບສະໜຸນໂດຍ: ສ່ວນບຸກຄົນ

__________

ຂຽນໂດຍ: ພິມພອນ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์