ສານມາເລເຊຍສັ່ງນາຈິບໃຫ້ການເລື່ອງວັນເອັມດີບີ

  ສານໄຮຄອຕຂອງມາເລເຊຍນັດອະດີດນາຍົກລັດຖະມົນຕີນາຈິບ ຣາຊັກເຂົ້າໄປໃຫ້ປາກຄຳດ້ວຍຕົນເອງໃນຕົ້ນເດືອນໜ້າໃນຂໍ້ຫາທຸດຈະລິດທຳອິດທີ່ເຊື່ອມໂຍງກັບຄະດີການສໍ້ລາດບັງຫຼວງຄັ້ງໃຫຍ່ໃນກອງທຶນພັດທະນາແຫ່ງຊາດ “ວັນເອັມດີບີ” ສຳນັກຂ່າວຕ່າງປະເທດລາຍງານຈາກນະຄອນຫຼວງກົວລາລຳເປີປະ ເທດມາເລເຊຍເມື່ອວັນທີ 11ພະຈິກວ່າສານໄຮຄອຕໃນນະຄອນຫຼວງ ກົວລາລຳເປີມີຄຳພິພາກສາເມື່ອວັນຈັນວ່າຫຼັກຖານທັງໝົດທີ່ສຳນັກງານໄອຍະການສູງສຸດຂອງມາເລເຊຍໄດ້ນຳສະເໜີເມື່ອເດືອນສິງຫາທີ່ຜ່ານມາກ່ຽວກັບການທີ່ອະດີດນາຍົກລັດຖະມົນຕີນາຈິບຣາຊັກໃຊ້ອຳນາດບໍ່ຊອບເຮັດໃຫ້ເກີດຄວາມເສຍຫາຍແກ່ຊັບສິນຊຶ່ງຕົນເອງເປັນຜູ້ດູ ແລແທນຢູ່ຈາກການບໍລິຫານຈັດການກອງທຶນເອສອາຣຊີອິນເຕີເນຊັນ ແນລລະຫວ່າງປີ 2011-2015 ຊຶ່ງເປັນໜຶ່ງໃນກອງທຶນຍ່ອຍຂອງກອງທຶນວັນເອັມດີບີ ໂດຍມີການຍັກຍອກເງິນ 42 ລ້ານຣິງກິດເຂົ້າບັນຊີສ່ວນຕົວນັ້ນສານໄດ້ກວດສອບຫຼັກຖານທັງໝົດຢ່າງລະອຽດແລ້ວພົບວ່າ ”ມີນໍ້າໜັກຫຼາຍພໍທີ່ຈະເຮັດການໄຕ່ສວນ”

------------------

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์