ພຽງກິນປາທູ 1 ໂຕ ຈະໄດ້ຮັບສານອາຫານ ຫຼາຍຊະນິດ

  ປາທູອຸດົມໄປດ້ວຍໂອເມກ້າ 3 ແລະ6 ທີ່ມີສ່ວນຊ່ວຍໃນການທຳງານຂອງລະບົບປະສາດ ແລະ ສະໝອງຍັງເປັນສ່ວນປະກອບຂອງເຍື່ອບຸຜະໜັງເຊລຊ່ວຍຫຼຸດໄຂມັນຫຼຸດຄວາມສ່ຽງທັງໂລກຫົວໃຈ ແລະຫຼອດເລືອດ ນອກຈາກນີ້ໂອເມກາ 3 ແລະ 6 ໃນປາທູນີ້ຍັງເປັນໂຄງສ້າງທີ່ສຳຄັນຂອງເນື້ອເຍື້ອບໍລິເວນປະສາດຕາ ຫຼື retina ທີ່ຊ່ວຍໃນການເບິ່ງ ເຫັນໄດ້ດີເພາະປາທູອຸດົມໄປດ້ວຍ  EPA  ແລະDHA ຊຶ່ງເປັນກົດໄຂມັນບໍ່ອີ່ມຕົວ ໂດຍສານທັງສອງຊະນິດນີ້ຈະເຮັດໜ້າທີ່ຫຼຸດການຈັບຕົວຂອງເກັດເລືອດທີ່ຜິດປົກກະຕິໃນບາງຄົນຈິ່ງເຮັດໃຫ້ເປັນພາວະຫຼອດເລືອດ ແຂງຕົວ ຫຼື ພົບການອັກເສບນອກຈາກນີ້ທັງ EPA ແລະDHA ຍັງມີສ່ວນຊ່ວຍໃນການຫຼຸດລະດັບໄຂມັນຊະນິດທີ່ເຮັດໃຫ້ເກີດຫຼອດເລືອດອຸດຕັນໄດ້ໃນປາທູ 1 ໂຕຈະໃຫ້ໂປຣຕິນສູງເຖິງ 20 ກຣາມຕໍ່ນໍ້າໜັກ 100 ກຣາມ ຊຶ່ງໂປຣຕິນທີ່ໄດ້ຈາກປາທູຈະເປັນໂປຣຕິນທີ່ຍ່ອຍງ່າຍຮ່າງກາຍສາມາດນຳໄປໃຊ້ປະໂຫຍດໄດ້ທັນທີ.

ນອກຈາກນັ້ນປາທູມີແຄລຊຽມ ແລະຟອສຟໍຣັສ ໂດຍປະລິມານແຄລຊຽມໃນປາທູຈະສູງເຖິງ 170 ມິລລິກຣາມຕໍ່ປາທູສົດ 100 ກຣາມນອກຈາກນີ້ຍັງອຸດົມໄປດ້ວຍຟອສຟໍຣັສທີ່ຈຳເປັນຕໍ່ຮ່າງກາຍ ໂດຍສານອາຫານເຫຼົ່ານີ້ຈະມີສ່ວນຊ່ວຍໃນການເສີມສ້າງຄວາມແຂງແຮງກະດູກ ແລະແຂ້ວໄດ້ເປັນໄດ້ເປັນຢ່າງດີ ໂດຍສະເພາະກັບເດັກນ້ອຍ ແລະຜູ້ສູງອາຍຸ.

------------------

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์