ຄິມອູບິນ ກຽມຄືນຈໍພ້ອມລະຄອນເລື່ອງໃໝ່ ຫຼັງຈາກສູ້ໂລກມະເຮັງເຖິງ 2 ປີ

ສື່ ສ.ເກົາຫຼີລາຍງານ ຄິມ ອູບິນ ພະເອກດັງອາດກັບມາມີຜົນງານຮູບເງົາເລື່ອງໃໝ່ອີກຫຼັງຈາກພັກປິ່ນປົວໂລກມະເຮັງດົນກວ່າ 2 ປີ ແລະມີອາກາດດີຂຶ້ນແລ້ວ.

ຫາຍຫຼັງຫາຍໜ້າຫາຍຕາໄປດົນຈົນແຟນຄລັບເລີ່ມຈົ່ມຄິດເຖິງສຳລັບຄິມອູບິນພະເອກຊື່ດັງຂອງ ສ.ເກົາຫຼີຫຼັງກວດພົບວ່າປ່ວຍເປັນມະເຮັງໂຜ້ງດັງເມື່ອເດືອນພະຈິກ 2017 ຈຶ່ງເຮັດໃຫ້ເຈົ້າຕົວຕັດສີນ ໃຈຢຸດງານທຸກຢ່າງເພື່ອໄປປິ່ນປົວ ກ່ອນອາການຈະດີຂຶ້ນຊຶ່ງທາງຕົ້ນສັງກັດ SidusHQ ກໍໄດ້ແຈ້ງກັບ ແຟນຄລັບ ແລະສື່ເມື່ອຕົ້ນປີ 2019 ວ່າຂະນະນີ້ພະເອກໜຸ່ມກັບມາມີສຸຂະພາບແຮງແຮງດີຂຶ້ນຫຼາຍ ແລ້ວ ແລະຢູ່ໃນຊ່ວງພັກຟື້ນແຕ່ຍັງບໍ່ມີແຜນກັບມາຮັບງານໃນວົງການ ແລະຫຼ້າສຸດເມື່ອວັນທີ 6 ພະຈິກ 2019 ເວັບໄຊ allkpop ກໍໄດ້ ອອກມາເຜີຍຂ່າວດີຫຼັງຈາກສື່ ສ.ເກົາຫຼີ ລາຍງານວ່າ ຄິມອູບິນ ອາດຈະກຳລັງກຽມຫວນຄືນວົງການບັນເທີງ ໂດຍຈະມີຜົນງານ ຮູບເງົາເລື່ອງໃໝ່ທີ່ມີຮະຍູຈຸນຍອລ ແລະຄິມແທຮີຮ່ວມສະແດງດ້ວຍ.

ຢ່າງໃດກໍຕາມຂ່າວດັ່ງກ່າວຍັງບໍໄດ້ຮັບການຢືນຢັນຈາກຕົ້ນສັງ ກັດວ່າເປັນເລື່ອງຈິງ ຫຼື ບໍ່ງານນີ້ກໍ ຕ້ອງລໍລຸ້ນກັນຕໍ່ໄປ.

------------------

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์