ຖອດຖອນບົດຮຽນດ້ານການຮຽນ-ການສອນ

   ວັນທີ 11 ມັງກອນຜ່ານມາທີ່ໂຮງຮຽນສາມັນກິນນອນຊົນເຜົ່າອຸດົມໄຊທ່ານສົມສັກສຸພິໄລຄະນະພັກຮາກຖານພະແນກ ສກຂ ອຸດົມໄຊຜູ້ອຳນວຍການໂຮງຮຽນພ້ອມດ້ວຍຄະນະໃຫ້ກຽດຕ້ອນຮັບຄະນະສູນບຳລຸງຍົກລະດັບການສຶກສາ-ຝຶກອົມວິຊາຊີບຊົນເຜົ່ານາໝໍ້ທີ່ມາຖອດຖອນບົດຮຽນຮ່ວມກັນຊຶ່ງ  ເຂົ້າຮ່ວມໃນພິທີດັ່ງກ່າວມີທ່ານ ໄຊຍະສິດ ໂພທິລັກຮອງຫົວໜ້າຂະແໜງສຶກສານອກໂຮງຮຽນພະແນກ ສກຂ ແຂວງອຸດົມໄຊ, ທ່ານສີພອນ ອິນທະເກດ ຮອງຫົວໜ້າສຶກສາທິການ ແລະກີລາເມືອງແບງ, ທ່ານຊາຍ ແກ້ວມະນີລັດຜູ້ອຳນວຍການສູນບຳລຸງຍົກລະດັບການສຶກສາ-ຝຶກອົມວິຊາຊີບຊົນເຜົ່ານາໝໍ້, ທ່ານບຸນທັນ ສິດທິລັດຜູ້ອຳນວຍການໂຮງຮຽນ ມສ ນາງົວ, ມີຕ່າງໜ້າຫ້ອງການສຶກສາທິການ ແລະກີລາເມືອງນາໝໍ້, ມີພະນັກງານ, ຄູ-ອາຈານ ແລະ ນ້ອງໆນັກຮຽນເຂົ້າຮ່ວມຢ່າງເປັນຂະບວນການ.    

   ຈຸດປະສົງຂອງການມາຢ້ຽມຢາມດັ່ງກ່າວແມ່ນເພື່ອຖອດຖອນບົດຮຽນທາງດ້ານວິຊາການ ແລະການບໍລິຫານຕ່າງໆພາຍໃນໂຮງຮຽນເພື່ອປັບປຸງວຽກງານການຮຽນ-ການສອນຂອງພວກເຮົາໃຫ້ດີຂຶ້ນເທື່ອລະກ້າວ, ອີກປະການໜຶ່ງການມາຢ້ຽມຢາມຄັ້ງນີ້ເປັນການຮັດແໜ້ນຄວາມສາມັກຄີ ແລະແຮກສ່ຽວລະ ຫວ່າງ 3 ໂຮງຮຽນ. ໃນຕໍ່ໜ້າແຕ່ລະໂຮງຮຽນຈະໄດ້ຜັດປ່ຽນກັນເປັນເຈົ້າພາບເພື່ອພົບປະແລກປ່ຽນຖອດຖອນບົດຮຽນເປັນຕົ້ນແມ່ນວຽກງານທາງວິຊາ ການ .

• 28/01/2019