ຊາວພຸດທະສາສະນິກະຊົນ ຮ່ວມໃສ່ບາດ ບຸນນະມັດສະການພະທາດຫຼວງ

  ໃນຕອນເຊົ້າມື້ສຸດທ້າຍຂອງງານ ບຸນນະມັດສະການພະທາດຫຼວງປະຈຳປີ 2019 ກໍຄືມື້ຂຶ້ນ 15 ຄໍ່າ ເດືອນ12 ລາວ ບັນດາຊາວພຸດທະສາສະນິກະຊົນຫຼາຍພັນຄົນໄດ້ເຂົ້າຮ່ວມໃສ່ບາດຖວາຍສັງຄະທານແດ່ພະສົງສາມະເນຈໍານວນພັນກວ່າອົງ ທີ່ມາຈາກບັນດາແຂວງ ຕ່າງໆ ໃນຂອບເຂດທົ່ວປະເທດ ແລະຈາກປະເທດເພື່ອນບ້ານ.

ພາບຂ່າວ

  ງານບຸນພະທາດຫຼວງ ເປັນງານບຸນປະເພນີທີ່ໃຫຍ່ທີ່ສຸດຂອງ ສປປ ລາວ, ຊຶ່ງປະຊາຊົນລາວໄດ້ປະຕິບັດສືບທອດກັນມາແຕ່ປູ່ຍ່າຕາຍາຍຈາກອາດີດຈົນເຖິງປະຈຸບັນ, ຊຶ່ງໃນປີນີ້ໄດ້ຈັດຂຶ້ນເລີ່ມແຕ່ວັນທີ 5-11 ພະຈິກ 2019 ຊຶ່ງລວມມີພິທີກໍາທາງສາສະໜາສໍາຄັນຫຼາຍ ຢ່າງເປັນຕົ້ນແມ່ນ: ພິທີສູດມຸງຄຸນ,ການແຮ່ຜາສາດເຜິ້ງ, ໃສ່ບາດຖວາຍສັງຄະທານ, ວຽນທຽນ, ຈູດ ບັ້ງໄຟສັກກະລະບູຊາອົງພະທາດ, ການສະແດງສິລະປະ-ວັນນະຄະດີ (ຟ້ອນ, ຂັບລໍາ) ແລະກິດຈະກໍາອື່ນໆ ທີ່ຕິດພັນກັບປະເພນີຂອງລາວ, ນອກຈາກນີ້ ໃນງານບຸນປະເພນີດັ່ງກ່າວຍັງການວາງສະ ແດງສິນຄ້າຜະລິດຕະພັນຫັດຖະກໍາ, ກະສິກໍາ, ທີ່ໄດ້ມາຈາກຝີໄມ້ ລາຍມືຂອງຄົນລາວ, ມີສະຖານ ທີ່ຈໍາລອງເຮືອນບູຮານ ແລະວິຖີຊີວິດທາງດ້ານວັດທະນະທໍາ ແລະຮີດຄອງປະເພນີຂອງປະຊາຊົນລາວບັນດາເຜົ່ານໍາອີກ.

ສະໜັບສະໜຸນໂດຍ: ສ່ວນບຸກຄົນ

ພາບຂ່າວ:

 ສໍາລັບການໃສ່ບາດຖວາຍສັງຄະທານແມ່ນໄດ້ຈັດຂຶ້ນໃນຕອນເຊົ້າຂອງມື້ຂຶ້ນ 15 ຄໍ່າ ເດືອນ 12 ລາວຊຶ່ງກົງກັບວັນທີ 11 ພະຈິກ 2019 ຢູ່ທີ່ເດີ່ນພະທາດຫຼວງນະຄອນຫຼວງວຽງຈັນໂດຍມີທັງການນໍາພັກ-ລັດ ແລະມວນຊົນທັງພາຍໃນນະຄອນຫຼວງວຽງຈັນ ແລະຕ່າງແຂວງໄດ້ເຂົ້າຮ່ວມໃສ່ບາດຊຶ່ງໄດ້ນໍາເອົາເຂົ້າ, ດອກໄມ້, ທູບທຽນ ແລະເຄື່ອງທານຕ່າງໆ ມາຖວາຍໃຫ້ແກ່ພະສົງສະມາເນເພື່ອລະນຶກເຖິງຄຸນງາມຄວາມດີ ແລະອຸທິບຸນກຸສົນແດ່ພະເຈົ້າໄຊຍະເສດຖາທິລາດທີ່ເປັນຜູ້ສ້າງ ແລະປະຕິສັງ ຂອນພະທາດຫຼວງວຽງຈັນ, ຊຶ່ງບຸນນະມັດສະການພະທາດຫຼວງ ໄດ້ ຈັດຂຶ້ນໃນທຸກໆປີ ເພື່ອເປັນການສ້າງສິ່ງດຶງດູດໃຫ້ນັກທ່ອງທ່ຽວ ທັງພາຍໃນ ແລະຕ່າງປະເທດເຂົ້າມາທ່ຽວຊົມນະຄອນຫຼວງວຽງຈັນ ໃຫ້ນັບມື້ຫຼາຍຂຶ້ນ.

ພາບຂ່າວ:

ສະໜັບສະໜຸນໂດຍ: HONDA

ພາຍຫຼັງສໍາເລັດການໃສ່ບາດແລ້ວໃນຕອນບ່າຍຂອງວັນດັ່ງ ກ່າວຍັງມີການແຂ່ງຂັນກີລາຕີຄີ,ຊຶ່ງຕອນຄໍ່າແມ່ນມີການວຽງທຽນ ແລະຈູດບັ້ງໄຟສັກກະລະບູຊາອົງພະທາດຕື່ມອີກ.

ພາບຂ່າວ:

-------------------

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์