ເອດີບີ ໃຫ້ຄວາມສຳຄັນຕໍ່ວຽກອາຊີວະສຶກສາ

  ໃນວັນທີ 7 ພະຈິກ 2019, ທ່ານ ຢາຊຸຊິ ເນກິຊິ ຜູ້ອຳນວຍການທະນາຄານພັດທະນາອາຊີປະຈຳລາວ ໄດ້ລົງພົບປະ-ຢ້ຽມຢາມ ບັນດາຄູ-ອາຈານ ຂອງວິທະຍາ ໄລເຕັກນິກ-ວິຊາຊີບຈຳປາສັກ ເພື່ອຕິດຕາມຄວາມຄືບໜ້າ ແລະຜົນສຳເລັດໃນການຈັດຕັ້ງປະຕິບັດວຽກງານຕ່າງໆເປັນຕົ້ນໃນປີ 2011 ແລະໃນປີ 2012 ວິທະຍາໄລໄດ້ສ້າງອາຄານ 2 ຫຼັງໃຫ້ນັກສຶກສາ ທີ່ມາຈາກເຂດຫ່າງໄກຜູ້ທີ່ມີຄວາມ ສົນໃຈມາຮຽນ.ທ່ານ ບົວໄຂ ສຸພາອອນຜູ້ອຳນວຍການວິທະຍາໄລເຕັກນິກ-ວິຊາຊີບຈຳປາສັກ ໄດ້ເປີດເຜີຍວ່າ: ພາຍຫຼັງເອດີບີໄດ້ເຂົ້າມາໃຫ້ການຊ່ວຍເຫຼືອຄູ-ອາຈານພາຍໃນວິທະຍາໄລຂອງພວກເຮົາໄດ້ຍົກລະດັບດ້ານການສິດສອນຊຶ່ງໄດ້ເຮັດໃຫ້ນັກສຶກສາສາມາດໄດ້ຮັບຄວາມຮູ້ຈາກຄູ-ອາຈານໄດ້ຢ່າງມີປະສິດຕິພາບ.

ສະໜັບສະໜຸນໂດຍ: HONDA

  ສ່ວນທຶນການຊ່ວຍເຫຼືອຂອງເອດີບີໄລຍະທີ 2 ແມ່ນໄດ້ເນັ້ນໜັກທາງດ້ານການພັດທະນາບຸກຄະລາກອນເປັນຕົ້ນສົ່ງຄູ-ອາຈານໄປຝຶກອົບຮົມໄລຍະຍາວທັງພາຍໃນແລະຕ່າງປະເທດເພື່ອເພີ່ມພູນຄວາມຮູ້ໃຫ້ສາມາດຮອງຮັບໃຫ້ແກ່ຈຳນວນນັກສຶກສາທີ່ເພີ່ມຂຶ້ນໃນແຕ່ລະປີ, ໃນນັ້ນໄດ້ສົ່ງຄູ-ອາຈານໄປສຶກສາຕໍ່ໃນລະດັບປະລິນຍາໂທສາຂາໄຟຟ້າ ແລະສ້ອມແປງຈຳນວນ 9 ຄົນ, ສຳລັບນັກສຶກສາທີ່ຈົບອອກຈາກວິ ທະຍາໄລຂອງພວກເຮົາແມ່ນມີວຽກເຮັດງານທຳ 100% ເປັນຕົ້ນແມ່ນພາກວິຊາ: ລົດຍົນ, ໄອທີ, ຕັດຫຍິບ, ປຸງແຕ່ງອາຫານ, ການໂຮງແຮມ ແລະອື່ນໆ.

ສະໜັບສະໜຸນໂດຍ: ສ່ວນບຸກຄົນ

---------------

 ໜັງສືພິມເສດຖະກິດ-ສັງຄົມ

แชร์