ທ່າແຕງປະເມີນໜ່ວຍພັກອຸດສາຫະກໍາ ແລະການຄ້າ

  ເມື່ອບໍ່ດົນມານີ້ທີ່ຫ້ອງປະຊຸມຫ້ອງການອຸດສາຫະກໍາ ແລະການຄ້າເມືອງທ່າແຕງ ແຂວງເຊກອງ ຄະນະກໍາມະການປະເມີນໜ່ວຍພັກເມືອງນໍາໂດຍທ່ານ ນາງ ແກ້ວອຸ ດອນ ດວງມະນີວົງ ຫົວໜ້າຈຸຄະນະກໍາມະການປະເມີນໜ່ວຍພັກເມືອງທ່າແຕງ ພ້ອມຄະນະໄດ້ເຄື່ອນໄຫວປັບປຸງ ແລະປະເມີນໜ່ວຍພັກປອດໃສ, ເຂັ້ມແຂງ ແລະໜັກແໜ້ນຂອງໜ່ວຍພັກຫ້ອງການອຸດສາຫະກໍາ ແລະການຄ້າເມືອງທ່າແຕງ, ມີທ່ານ ຄອນສະຫວັນ ພັນໂຊດ ເລຂາໜ່ວຍພັກຫ້ອງການອຸດສາຫະກໍາ ແລະການຄ້າເມືອງທ່າແຕງ ພ້ອມດ້ວຍສະມາຊິກພັກພາຍໃນໜ່ວຍເຂົ້າຮ່ວມ.

 ທ່ານ ພູເຂົາ ລາດຊະບັນດິດ ຮອງຫົວໜ້າຫ້ອງວ່າການປົກຄອງ ເມືອງທ່າແຕງ ຄະນະກໍາມະການປະເມີນໜ່ວຍພັກປອດໃສ, ເຂັ້ມແຂງ ແລະໜັກແໜ້ນເມືອງທ່າແຕງ ກ່າວວ່າ: ການລົງປະເມີນໜ່ວຍພັກເທື່ອນີ້ກໍ່ເພື່ອກະກຽມໃສ່ກອງປະຊຸມໃຫ່ຍຂອງເມືອງທີ່ຈະໄຂຂຶ້ນໃນມໍ່ໆນີ້ ແລະເພື່ອຕີລາຄາການນຳພາປະຕິບັດໜ້າທີ່ການເມືອງຂອງພັກ ແລະລັດໃນການຈັດຕັ້ງປະຕິບັດໃນໄລຍະຜ່ານມາພາຍໃນໜ່ວຍພັກອຸດສາຫະກໍາ ແລະການຄ້າເມືອງ, ໂດຍຮັບຟັງ ການລາຍງານບົດສະຫຼຸບໂດຍຫຍໍ້ຂອງໜ່ວຍພັກດັ່ງກ່າວ.

  ຈາກນັ້ນສະມາຊິກພັກແຕ່ລະສະຫາຍພາຍໃນໜ່ວຍພັກໄດ້ພັດປ່ຽນກັນຂຶ້ນຜ່ານບົດສໍາຫຼວດຂອງຕົນເອງພ້ອມປະກອບຄໍາຄິດເຫັນ ແລະໃຫ້ຄະແນນບັນດາສະມາຊິກພັກແຕ່ລະສະຫາຍພາຍ ໃນໜ່ວຍຂອງຕົນດ້ວຍຄວາມຮັບ ຜິດຊອບສູງ, ຖືກຕ້ອງແລະສອດ ຄ່ອງກັບກົດລະບຽບຂອງພັກວາງ ອອກຢ່າງເຂັ້ມງວດ, ແນໃສ່ຍົກ ໃຫ້ເຫັນບັນຫາປະກົດການຫຍໍ້ທໍ້ຕ່າງໆຂອງໜ່ວຍພັກ, ພ້ອມຊ່ວຍກັນຊອກວິທີການແກ້ໄຂໃຫ້ດີຂຶ້ນກວ່າເກົ່າ, ຜ່ານການປະເມີນຕາມ 5 ມາດຖານຂອງຄະນະກໍາມະການປະເມີນໜ່ວຍພັກປອດໃສ, ເຂັ້ມແຂງ ແລະ ໜັກແໜ້ນເມືອງທ່າແຕງໄດ້ສົ່ງຜົນເຮັດໃຫ້ຈໍານວນສະມາຊິກພັກພາຍໃນໜ່ວຍທັງໝົດ 11 ສະຫາຍ, ຍິງ 1 ສະຫາຍໄດ້ 9,14 ຄະ ແນນ, ໂດຍຈະຮັບຮອງເອົາໜ່ວຍພັກອຸດສາຫະກໍາ ແລະການຄ້າເມືອງທ່າແຕງເປັນໜ່ວຍພັກປອດໃສ, ເຂັ້ມແຂງ ແລະໜັກແໜ້ນປະຈໍາປີ 2019 ໃນມໍ່ໆນີ້.

-----------

ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์