ເມືອງບໍ່ແຕນຂາດດຸນງົບປະມານລາຍຮັບບໍ່ກຸ້ມລາຍຈ່າຍ

  ທ່ານ ຊົມພູ ລຽງໄຊ ຫົວໜ້າຫ້ອງການການເງິນເມືອງບໍ່ແຕນໄດ້ເປິດເຜີຍໃນກອງປະຊຸມສະຫຼຸບການຈັດຕັ້ງປະຕິບັດລາຍຮັບ-ລາຍຈ່າຍງົບປະມານແຫ່ງລັດ 9 ເດືອນ ແລະທິດທາງແຜນການມາດຕະການວຽກງານຈຸດສຸມ 3 ເດືອນທ້າຍປີ 2019 ທີ່ສຳເລັດລົງໃນທ້າຍເດືອນຕຸລາທີ່ຜ່ານມານີ້ວ່າເມືອງບໍ່ແຕນໄດ້ຮັບຕົວເລກລາຍຮັບ-ລາຍ ຈ່າຍທັງໝົດ 9,3 ຕື້ກີບ ໃນນີ້ມີລາຍຮັບພາຍໃນ 3,14 ຕື້ກີບ, ສ່ວຍສາອາກອນ 3,7 ຕື້ກີບ, ຊັບສິນຂອງລັດ 70 ລ້ານກີບ, ດຸ່ນດ່ຽງຈາກແຂວງ 6 ຕື້ກວ່າກີບ, ເມືອງບໍ່ແຕນເປັນເມືອງໜຶ່ງຕັ້ງຢູ່ໃຕ້ສຸດຂອງແຂວງໄຊຍະບູລີພື້ນຖານເສດຖະກິດບໍ່ທັນຂະຫຍາຍຕົວຢ່າງແຂງແຮງເປັນເມືອງທີ່ຂາດດຸນທາງດ້ານງົບປະມານລາຍຮັບບໍ່ກຸ້ມລາຍຈ່າຍ

ສະໜັບສະໜຸນໂດຍ: ສ່ວນບຸກຄົນ

ຕາມແຜນ ເບື້ອງຕົ້ນກວມເອົາ 48,94% ຂອງຍອດລາຍຈ່າຍທັງໝົດ, ຊຶ່ງ ເປັນຜົນກະທົບໃຫ້ແກ່ແຜນງົບປະ ມານໃນຫຼາຍດ້ານພໍສົມຄວນເປັນຕົ້ນແຜນງົບປະມານສືບຕໍ່ແກ້ໄຂໜີ້ສິນ ແລະຂາດດຸນງົບປະມານໃນປີຕໍ່ໜ້າ ແຕ່ພາຍໃຕ້ການຊີ້ນຳນຳພາຂອງອົງຄະນະພັກເມືອງເຮັດໃຫ້ການຈັດເກັບລາຍຮັບ 9 ເດືອນຜ່ານມາແມ່ນໄດ້ຕັ້ງໜ້າໃນ ການຂຸດຄົ້ນລາຍຮັບຕາມທ່າແຮງບົ່ມຊ້ອນສະແດງອອກໃນ 9 ເດືອນ ສາມາດຈັດເກັບລາຍຮັບງົບປະ ມານໄດ້ທັງໝົດ 2 ຕື້ກວ່າກີບ ເທົ່າກັບ 82,74% ຂອງແຜນການປີ ທຽບໃສ່ໄລຍະດຽວຂອງປີຜ່ານມາຫຼຸດ 11,80% ໂດຍແບ່ງປັນຂັ້ນຄຸ້ມຄອງຄືເມືອງຄຸ້ມຄອງປະຕິບັດໄດ້ 1,2 ຕື້ກີບ ເທົ່າກັບ 81,86% ຂອງແຜນການປີທຽບໃສ່ໄລຍະ ດຽວຂອງປີຜ່ານມາຫຼຸດລົງ 20,96% ບ້ານຄຸ້ມຄອງປະຕິບັດໄດ້ 1,2 ຕື້ກີບ ເທົ່າກັບ 83,84% ຂອງແຜນການປີທຽບໃສ່ໄລຍະດຽວຂອງປີຜ່ານມາເພີ່ມຂຶ້ນ 0,64% ສັງເກດລາຍຮັບຕາມຂະແໜງການໃນນີ້ສ່ວຍສາອາກອນປະຕິບັດໄດ້ 2 ຕື້ກວ່າກີບ, ເທົ່າກັບ 82,86% ຂອງແຜນການປີ, ທຽບໃສ່ໄລຍະດຽວຂອງປີຜ່ານມາຫຼຸດລົງ

ພາບຂ່າວ:

12,08% ລາຍຮັບສັບສິນຂອງ ຂອງລັດປະຕິບັດໄດ້ 547 ລ້ານ ກວ່າກີບ, ເທົ່າກັບ 77,50% ຂອງ ແຜນການປີທຽບໃສ່ໄລຍະດຽວຂອງປີຜ່ານມາເພີ່ມຂຶ້ນ 3,85% ໃນນີ້ຫ້ອງການການເງິນເມືອງປະຕິບັດໄດ້ 951 ລ້ານກີບ, ເທົ່າກັບ 119,18% ຂອງແຜນການປີທຽບໃສ່ໄລຍະດຽວກັນຂອງປີຜ່ານມາ ຫຼຸດ20,8%, ຫ້ອງການອ້ອມຂ້າງ ເມືອງປະຕິບັດໄດ້382 ລ້ານກີບ, ເທົ່າກັບ 45,86% ຂອງແຜນການປີທຽບໃສ່ໄລຍະດຽວຂອງປີຜ່ານມາຫຼຸດ 26,76% ສ່ວນການຈັດຕັ້ງປະຕິບັດລາຍຈ່າຍໃນ 9 ເດືອນມີທັງໝົດ 6,4 ຕື້ກີບ, ເທົ່າກັບ69,09% ຂອງແຜນການປີທຽບໃສ່ໄລຍະດຽວຂອງປີຜ່ານແມ່ນເພີ່ມຂຶ້ນ 2%.

ສະໜັບສະໜຸນໂດຍ: HONDA

  ທ່ານ ຊົມພູ ລຽງໄຊ ວ່າ: ການຄຸ້ມຄອງຈັັດເກັບລາຍຮັບແມ່ນຈະໄດ້ເຮັດຢ່າງຕັ້ງໜ້າ ແລະຖືກຕ້ອງຄົບຖ້ວນ ແລ້ວກໍຕາມແຕ່ຖ້າທຽບ ໃສ່ຄວາມຮຽກຮ້ອງຕ້ອງການແລ້ວພວກເຮົາຍັງເຮັດບໍ່ທັນໄດ້ດີ ເປັນຕົ້ນການຈັດເກັບລາຍຮັບອາກອນຍັງຊັກຊ້າສ້າງລາຍຮັບບໍ່ໄດ້ ຕາມແຜນອີກດ້ານໜຶ່ງຍັງມີຜົນກະທົບຈາກໄພທຳມະຊາດຈຶ່ງພາໃຫ້ການເກັບອາກອນເຄື່ອນຍ້າຍຜົນຜະລິດກະສິກຳແມ່ນຫຼຸດຈາກໄລຍະດຽວຂອງປີຜ່ານມາເປັນຈຳນວນຫຼາຍ, ຫົວໜ່ວຍທຸລະກິດຈຳນວນໜຶ່ງໄປເຄື່ອນໄຫວຢູ່ຕ່າງແຂວງ ແລະ ທ້ອງ ຖິ່ນອື່ນການຄຸ້ມຄອງຈັດເກັບລາຍຮັບຈາກຄ່າທຳນຽມນຳໃຊ້ທີ່ດິນບໍ່ທັນລະອຽດຈະແຈ້ງສ່ວນລາຍຮັບພາຍໃນເມືອງແມ່ນຮັບໃຊ້ຈ່າຍບໍລິຫານວຽກພາຍໃນເມືອງເທົ່ານັ້ນ, ສຳ ລັບເງິນເດືອນຂອງພະນັກງານທົ່ວໄປແມ່ນອີງໃສ່ເງິນດຸ່ນດ່ຽງຈາກແຂວງເປັນຕົ້ນຕໍ.

ພາບຂ່າວ:

  ເພື່ອຕອບສະໜອງລາຍຈ່າຍ ແລະຄວາມຮຽກຮ້ອງຕ້ອງການຂອງວຽກງານກໍຄືລາຍຮັບ-ລາຍຈ່າຍ 3 ເດືອນທ້າຍປີເມືອງບໍ່ແຕນຈະສູ້ຊົນເກັບລາຍຮັບໃຫ້ໄດ້ 2,78 ຕື້ກີບ ເທົ່າກັບ 29,89% ຂອງແຜນປີລາຍຮັບພາຍໃນ 543 ລ້ານກີບ, ລາຍຮັບດຸ່ນດ່ຽງຈາກແຂວງ 2,2 ຕື້ກີບ ເທົ່າກັບ 36,34% ຂອງແຜນປີດ້ານລາຍຈ່າຍ 2,78 ຕື້ກີບ, ເທົ່າກັບ 29,89% ຂອງແຜນປີໃນນີ້ຈ່າຍເງິນນະໂຍບາຍ, ເງິນບໍລິຫານ ແລະຈ່າຍດັດສົມສົ່ງເສີມ.

__________

ຂຽນໂດຍ: ບຸນທີ ແສງຈັນທະລາ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์