ວັນທີ 7 ພະຈິກ ຜ່ານມາທີ່ນະຄອນຫຼວງວຽງຈັນ ໄດ້ມີກອງປະຊຸມສົ່ງເສີມຜະລິດຕະພັນສີຂຽວຂອງລາວ-ຈີນ (ແຂວງຢູນນານ) ໂດຍເຂົ້າຮ່ວມຂອງ ທ່ານ ບຸນລໍ້າ ວົງສຸດ ທິ ຮອງຫົວຫນ້າພະແນກອຸດສາຫະກໍາ ແລະ ການຄ້ານະຄອນຫຼວງວຽງຈັນ, ທ່ານ ສັງຄົມ ຈັນສຸກ ປະທານສະພາການຄ້າ ແລະ ອຸດສາຫະກໍາ ນະຄອນຫຼວງວຽງຈັນ, ທ່ານ ຈາງເຈີ້ນລີ້ ຮອງຫົວຫນ້າພະແນກຊັບພະຍາກອນມະນຸດ ແລະສະຫວັດດີການສັງຄົມ ແຂວງຢຸນນານພ້ອມດ້ວຍບັນດາຫົວຫນ່ວຍທຸລະກິດຂອງແຂງຢຸນນານ ແລະພາກສ່ວນທີ່ກ່ຽວຂ້ອງເຂົ້າຮ່ວມ.

  ທ່ານ ຈາງເຈີ້ນລີ້ ກ່າວວ່າ: ປະເທດລາວເປັນຫນຶ່ງໃນ 3 ປະເທດອາຊຽນທີ່ມີຊາຍແດນຕິດຈອດກັບແຂວງຢູນນານ ເປັນຄູ່ຮູ່ວມມືເສດຖະກິດ-ການຄ້າອັນດັບສໍາຄັນຕະ ຫຼອດມາ,ໃນປີມໍ່ໆນີ້ແຂວງຢຸນນານອາໄສກົນໄກການຮ່ວມມືແມ່ນໍ້າລ້ານຊ້າງ-ແມ່ນໍ້າຂອງ, ອະນຸພາກພື້ນແມ່ນໍ້າຂອງ ແລະກົນໄກວຽກງານການຮ່ວມມືແຂວງຢຸນນານ ສປ ຈີນ-ພາກເຫນືອ ສປປ ລາວ, ໂດຍຜ່ານເວທີງານວາງສະແດງສິນຄ້າອາຊີໃຕ້, ກອງປະຊຸມສົນ ທະນາທຸລະກິດ ແລະອື່ນໆ ໄດ້ຮັບຜົນສໍາ ເລັດຫຼາຍໃນຂົງເຂດການຄ້າ-ການລົງທຶນ ແລະອື່ນໆ.

ສະໜັບສະໜຸນໂດຍ: ສ່ວນບຸກຄົນ

  ນອກນນັ້ນປະເທດລາວຍັງເປັນຄູ່ການຄ້າສໍາຄັນທີ່ສຸດໃນປະເທດອາຊຽນໂດຍປີຜ່ານມາມູນຄ່າການຄ້າລາວ-ແຂວງຢູນນານ ບັນລຸໄດ້ 880 ລ້ານໂດລາ ສິນຄ້າທີ່ແຂວງຢູນນານສົ່ງມາປະເທດລາວເປັນຕົ້ນເຄື່ອງໃຊ້ປະຈໍາວັນ, ວັດສະດຸກໍ່ສ້າງ, ກົນຈັກ , ລົດຈົກ ແລະ ອື່ນໆ ພ້ອມທັງໄດ້ນໍາເຂົ້າສິນຄ້າຈາກປະເທດລາວໂດຍສະເພາະຫມາກໄມ,້ ຢາງພາລາ, ເຂົ້າາສານ, ຜະລິດຕະພັນໄມ້, ອ້ອຍ, ແຮ່ເຫຼັກ ແລະແຮ່ທອງ, ສໍາລັບວິສາຫະກິດຂອງແຂວງ ທີ່ມາລົງທຶນຢູ່ລາວມີທັງຫມົດ 264 ຫົວຫນ່ວຍທີ່ລົງທືນເຂົ້າໃສ່ຫຼາຍຂະແຫນງການ.

 ສະໜັບສະໜຸນໂດຍ: HONDA

  ພ້ອມດຽວກັນນັ້ນຜູ້ເຂົ້າຮ່ວມກອງປະຊຸມດ່ັງກ່າວຍັງໄດ້ທ່ຽວຊົມງານວາງສະແດງ ແລະຈໍາຫນ່າຍສິນຄ້າເນື່ອງໃນໂອກາດບຸນນະມັດສະການພະທາດຫຼວງວຽງຈັນປະຈໍາປີ 2019 ທີ່ມີຫົວຫນ່ວຍ ທຸລະກິດຂອງແຂວງຢູນນານ ສປ ຈີນ ເຂົ້າຮ່ວມວາງສະແດງຢູ່ສູນການຄ້າລາວ-ໄອເຕັກຊື່ງມີປະເພດອາຫານ ແລະໂຮງງານປຸງແຕ່ງອຸດສາຫະກໍາ , ກະສິກໍາທີ່ທັນສະໄຫມມີທັງຫມົດ 12 ຫົວຫນ່ວຍ ແລະ ໃນປີ2018 ມີຈໍານວນ 18 ຫົວຫນ່ວຍ.

___________

ໜັງສືພິມເສດຖະກິດ-ສັງຄົມ

• ບໍລິການໂຄສະນາທາງເຟສບຸກ ແລະເວັບໄຊ
• ໂທ: 021 313645, 316511
• App: 020 58707444