ນັກວິທະຍາສາດຄົ້ນພົບເຊື້ອເອຊໄອວີສາຍພັນໃໝ່

   ທີມນັກວິທະຍາສາດຈາກ Abbott Laboratories ຮ່ວມກັບນັກວິທະຍາສາດຈາກມະຫາວິທະຍາໄລ ມິສ ຊູຣີ ໄດ້ເປີດເຜີຍຜົນການວິໄຈຜ່ານວາລະສານ Journal of Acquired Immune Deficiency Syndromes ເຖິງການຄົ້ນພົບເຊື້ອເອຊໄອວີ ສາຍພັນໃໝ່ເປັນເທື່ອທຳອິດໃນຮອບ 19 ປີນັບແຕ່ປີ 2000.

ຕາມຂ່າວຕ່າງປະເທດລາຍ ງານວ່າ ເຊື້ອຊະນິດໃໝ່ນີ້ມີຊື່ວ່າ HIV-1 Group M, subtypeL ເປັນສ່ວນໜຶ່ງຂອງກຸ່ມເຊື້ອເອຊ ໄອວີ-1 ກຣຸບເອັມ ຊຶ່ງເປັນຕະກຸນ ຍ່ອຍຂອງເຊື້ອໄວຣັສຊະນິດດຽວ ກັນທີ່ພົບລະບາດທົ່ວໂລກຢູ່ໃນຂະ ນະນີ້ ເຊື້ອເອຊໄອວີກໍມີລັກສະນະເຊັ່ນດຽວກັນກັບເຊື້ອໄວຣັສ ຄືມີ ຫຼາຍສາຍພັນຫຼາຍປະເພດ ພ້ອມທັງຍັງມີຄວາມສາມາດໃນການກາຍພັນເອຊໄອວີຊະນິດໃໝ່ຂອງ ກຣຸບເອັມນີ້ ນັບວ່າເປັນການຄົ້ນພົບການກາຍພັນຂອງເຊື້ອຄັ້ງ ທຳອິດນັບຕັ້ງແຕ່ມີການແບ່ງຈຳ ແນກຊະນິດຍ່ອຍຂອງເຊື້ອເອຊ ໄອວີຂຶ້ນໃນປີ 2000, ໂດຍທົ່ວ ໄປແລ້ວເອຊໄອວີມີ 2 ປະເພດ ຕົ້ນຕໍຄື HIV-1 ພົບຫຼາຍທີ່ສຸດ ແລະ HIV-2 ສຳລັບເຊື້ອກຸ່ມ M ມີເຊື້ອ HIV-1 ຢ່າງໜ້ອຍ 9 ຊະນິດທີ່ແຕກຕ່າງທາງພັນທຸກຳຄື ເຊື້ອ  A, B, C, D, F, G, H, J ແລະ K ຕາມການລາຍງານລະບຸວ່າສຳ ລັບ HIV-1 group Msubtype L ນັບເປັນກໍລະນີທີ່ຫາຍາກ ຫຼາຍ ແລະສາມາດກວດໄດ້ໂດຍ ລະບົບຂອງແອັບບອດເທົ່ານັ້ນ.

ຢ່າງໃດກໍຕາມ Dr. Antho ny Fauci ຜູ້ອຳນວຍການສະຖາບັນພະຍາດພູມແພ້ ແລະພະຍາດຕິດເຊື້ອແຫ່ງຊາດອາເມລິກາ ກ່າວວ່າ ປະຈຸບັນຢາ ແລະຂະບວນການປິ່ນປົວເອຊໄອວີມີປະສິດທິພາບສູງຢູ່ແລ້ວຄວບຄຸມເຊື້ອໄດ້ຫຼາຍສາຍພັນແຕ່ການຄົ້ນພົບດັ່ງກ່າວຈະຊ່ວຍໃຫ້ນັກວິທະຍາສາດໄດ້ຮຽນຮູ້ວ່າເຊື້ອເອຊໄອວີກໍມີວິວັດທະນາການເຊັ່ນດຽວກັບເຊື້ອພະຍາດອື່ນໆ ຊຶ່ງຈະເຮັດໃຫ້ສາມາດພັດທະນາຢາປິ່ນປົວໃຫ້ມີປະສິດທິພາບຫຼາຍຂຶ້ນ.

-------------------------

ພາບ ແລະຂ່າວຈາກ : ໜັງສືພິມເສດຖະກິດ-ສັງຄົມ

แชร์