ຍີ່ປຸ່ນ ຈະທຳລາຍລົດໄຟຄວາມໄວສູງ 10 ຂະບວນ

  ຍີ່ປຸ່ນຈະທຳລາຍລົດໄຟ ຄວາມໄວສູງ 10 ຂະບວນ ທີ່ເສຍ ຫາຍຈາກພະຍຸຮາກີບີສ ເມື່ອເດືອນ ຜ່ານມາ.

  ຕາມຂ່າວຕ່າງປະເທດລາຍງານວ່າລົດໄຟດັ່ງກ່າວນີ້ເປັນ 1 ໃນ 3 ຂອງລົດໄຟຄວາມໄວສູງ ທີ່ໃຫ້ບໍລິການໃນເສັ້ນທາງໂຮກູຣິກຸ ໄປຍັງແຄມຝັ່ງທະເລຍີ່ປຸ່ນ ແລະ ເມືອງປະຫວັດສາດຄານາຊາວາ, ໂດຍທ່ານ ຢູຈິ ຟູກາຊາວາ ປະທານບໍລິສັດລົດໄຟອີສເຈແປນ ເຣລເວຍລະບຸວ່າ: ມໍເຕີ ແລະລະບົບເບກຂອງລົດໄຟເສຍຫາຍຈາກການຖືກນໍ້າຖ້ວມຍາກທີ່ຈະສ້ອມ ແປງທັງໝົດ ແຕ່ຈະນຳເອົາຊິ້ນ ສ່ວນບາງຢ່າງກັບມາໃຊ້ໃໝ່, ຊຶ່ງ ບໍລິສັດຄາດການວ່າເສັ້ນທາງລົດໄຟຄວາມໄວສູງ ໂຮກູຣິກຸ ຈະກັບມາໃຫ້ບໍລິການໄດ້ຕາມປົກກະຕິອີກຄັ້ງໃນທ້າຍເດືອນມີນາປີ 2020.

ສື່ຍີ່ປຸ່ນລາຍງານວ່າອົງປະກອບບາງສ່ວນຂອງລົດໄຟໂຮຄຸຣິຄຸ-ຊິນຄັນເຊັນ ຍັງໃຊ້ງານໄດ້ ແຕ່ຄວາມສູນເສຍທາງການຕະຫຼາດຂອງຂະບວນລົດໄຟຄິດເປັນມູນຄ່າ 110-135 ລ້ານໂດລາ ສະຫະລັດ.

------------------

ໜັງສືພິມເສດຖະກິດ-ສັງຄົມ

แชร์