ເມືອງລ້ອງແຈ້ງ ປະກາດບ້ານວັດທະນະທໍາ ແຫ່ງທີ 5

 ພິທີປະກາດຮັບຮອງບ້ານໜອງພູນໄຊ ເປັນບ້ານວັດທະນະທໍາແຫ່ງທີ 5 ຂອງເມືອງລ້ອງແຈ້ງ ແຂວງໄຊສົມບູນໄດ້ຈັດຂຶ້ນໃນວັນທີ 5 ພະຈິກ 2019 ທີ່ເດີ່ນໂຮງຮຽນ ມສ ບ້ານໜອງພູນໄຊ ໂດຍການເຂົ້າຮ່ວມຂອງ ທ່ານ ແດງ ປະທຸມທອງ ຮອງເຈົ້າແຂວງໄຊສົມບູນ, ທ່ານ ຕົ່ງມົວ ຊົວໂກ້ ຫົວໜ້າພະແນກຖະແຫຼງຂ່າວ, ວັດທະນະທໍາ ແລະທ່ອງທ່ຽວແຂວງ, ທ່ານ ອິນຕອງ ໂຄດປັນຍາ ຮອງເຈົ້າເມືອງລ້ອງແຈ້ງ ແລະທ່ານ ວອນປະດິດ ດາລານຸວົງ ຮອງຫົວໜ້າຫ້ອງວ່າການແຂວງ,ມີອໍານາດການປົກຄອງບ້ານໜອງພູນໄຊ, ປະຊາຊົນພາຍໃນບ້ານ, ນ້ອງນ້ອຍນັກຮຽນ ແລະໄວໝຸ່ມເຍົາວະຊົນເຂົ້າຮ່ວມ.

ສະໜັບສະໜຸນໂດຍ: ສ່ວນບຸກຄົນ

  ທ່ານ ບຸນຊູ ວົງພະຈັນ ນາຍບ້ານບ້ານໜອງພູນໄຊໄດ້ຜ່ານບົດລາຍງານການເຄື່ອນໄຫວວຽກງານຂອງບ້ານໃນໄລຍະຜ່ານມາ,ຊຶ່ງບ້ານໜອງພູນໄຊ ໄດ້ຮັບການສ້າງຕັ້ງຂຶ້ນໃນວັນທີ 27 ພຶດສະພາ ປີ 2015ຫ່າງຈາກເທສະບານເມືອງລ້ອງແຈ້ງປະມານ95 ກິ ໂລແມັດ, ມີ 215 ຫຼັງຄາເຮືອນ, 248 ຄອບຄົວ ແລະ18 ໜ່ວຍສາມັກຄີໃນນັ້ນຜົນລະເມືອງທັງໝົດ 1.226 ຄົນ, ຍິງ 573 ຄົນ, ມີສາມຊົນເຜົ່າຢູ່ຮ່ວມກັນຄື: ຊົນເຜົ່າລາວລຸ່ມ, ຊົນເຜົ່າມົ້ງ ແລະຊົນເຜົ່າຂະມຸ;ຊຶ່ງປະຊາຊົນພາຍໃນບ້ານສ່ວນຫຼາຍຢຶດຖືການປູກຝັງ-ລ້ຽງສັດເປັນອາຊີບຕົ້ນຕໍແລະອາຊີບກໍາມະກອນເປັນສໍາຮອງ,ໃນໄລຍະຜ່ານມາອໍານາດການປົກຄອງບ້ານໄດ້ເອົາໃຈໃສ່ສຶກສາອົບຮົມການເມືອງ-ແນວຄິດໃຫ້ປະຊາຊົນພາຍໃນບ້ານຢ່າງເປັນປົກກະຕິເພື່ອໃຫ້ເຂົາເຈົ້າໄດ້ຮັບຮູ້ ແລະເຂົ້າໃຈຕໍ່ແນວທາງຂອງພັກ,ລະບຽບກົດໝາຍຂອງລັດປະກອບສ່ວນເຂົ້າ ໃນວຽກງານຕ່າງໆ ຂອງຂັ້ນເທິງໂດຍສະເພາະກໍຄືການສ້າງຄົນ, ຄອບຄົວ ແລະບ້ານວັດທະນະທໍາຕິດພັນກັບມູນເຊື້ອດຸໝັ່ນຂະຍັນພຽນໃນການທໍາການຜະລິດເພື່ອສ້າງເສດຖະກິດຄອບຄົວໃຫ້ມີບາດກ້າວຂະຫຍາຍຕົວດີຂຶ້ນເທື່ອລະກ້າວ.

  ຈາກນັ້ນໄດ້ມີພິທີມອບໃບຢັ້ງຢືນບ້ານໜອງພູນໄຊເປັນບ້ານວັດທະນະແຫ່ງທີ 5 ຂອງເມືອງລ້ອງ ແຈ້ງຢ່າງເປັນທາງການໂດຍການມອບຂອງ ທ່ານ ແດງ ປະທຸມທອງ ຮອງເຈົ້າແຂວງໄຊສົມບູນ; ພ້ອມດຽວກັນນີ້ຍັງມີພິທີມອບໃບຢັ້ງຢືນບ້ານແມ່ຍິງສາມດີ ແລະບ້ານສາທາລະນະສຸກຕື່ມອີກ.

ສະໜັບສະໜຸນໂດຍ: HONDA

  ໂອກາດດັ່ງກ່າວທ່ານຮອງເຈົ້າແຂວງໄຊສົມບູນໄດ້ມີຄໍາເຫັນໂອ້ລົມໂດຍຍົກໃຫ້ເຫັນເຖິງຄວາມໝາຍ-ຄວາມສໍາຄັນຂອງວຽກງານສ້າງຄົນ,ສ້າງຄອບຄົວ ແລະສ້າງບ້ານໃຫ້ກາຍເປັນບ້ານວັດທະນະທໍາ,ພ້ອມທັງຮຽກຮ້ອງໃຫ້ທຸກພາກສ່ວນທີ່ກ່ຽວຂ້ອງເປັນຕົ້ນແມ່ນອໍານາດການປົກຄອງບ້ານຕະຫຼອດຮອດພໍ່ແມ່ປະຊາຊົນທຸກທົ່ວໜ້າຈົ່ງພ້ອມກັນປົກປັກຮັກສາມູນເຊື້ອວັດທະນະທໍາໃຫ້ຢູ່ຄຽງຄູ່ກັບບ້ານໜອງພູນໄຊຕະຫຼອດໄປທັງເຕົ້າໂຮມຄວາມສາມັກຄີໃຫ້ເປັນປຶກແຜ່ນ,ປົກປັກຮັກສາວັດທະນະທຳ ແລະ ຮີດຄອງປະ ເພນີອັນດີງາມຂອງບ້ານໃຫ້ມີຄວາມຍືນຍົງຕັ້ງໜ້າພັດທະນາເສດຖະກິດຄອບຄົວໃຫ້ຫຼຸດພົ້ນອອກຈາກຄວາມທຸກຍາກເທື່ອລະກ້າວເພື່ອໃຫ້ສາມາດກາຍເປັນບ້ານພັດທະ ນາໃນອະນາຄົດ.ຈາກນັ້ນໄດ້ມີພິທີລັ່ນຄ້ອງ 9 ບາດ ແລະເປີດປ້າຍບ້ານໜອງພູນໄຊເປັນບ້ານວັດທະນະທໍາຢ່າງເປັນທາງການ.

----------------

 ໜັງສືພິມເສດຖະກິດ-ສັງຄົມ

แชร์