ຖໍ້າເກົາເລົາ ມີຄວາມສວຍງາມທາງທໍາມະຊາດ

  ສປປ ລາວ ຍັງມີທ່າແຮງບົ່ມຊ້ອນດ້ານການທ່ອງທ່ຽວທີ່ປະກອບດ້ວຍພູຜາປ່າໄມ້ທີ່ຂຽວງາມທໍາມະຊາດທີ່ສວຍງາມ, ມີແມ່ນໍ້າລໍາເຊສາຍຕ່າງໆ, ສະຖານທີ່ສັກກາລະບູຊາວັດວາອາຣາມທີ່ຢັງຢາຍຢູ່ໃນແຕ່ລະພາກຂອງປະເທດສຳລັບຖໍ້າເກົາເລົາແມ່ນມີຄວາມສວຍສົດງົດງາມທາງດ້ານທຳມະຊາດເປັນຈຸດດຶງດູດນັກທ່ອງທ່ຽວພາຍໃນ ແລະຕ່າງປະເທດໃຫ້ເຂົ້າມາທ່ຽວຊົມຢ່າງຫຼວງຫຼາຍ.

ສະໜັບສະໜຸນໂດຍ: HONDA

  ຖໍ້າເກົາເລົາ  ຫຼືຶຖໍ້ານໍ້າແອງ ເປັນຖໍ້າທີ່ມີຄວາມສວຍງາມ ແລະມີຄວາມເປັນທຳມະຊາດຊຶ່ງສະຖານທີ່ດັ່ງກ່າວເປັນມໍລະດົກທາງທຳມະຊາດທີ່ສອດແຊກຄຸນຄ່າທາງວັດທະ ນະທຳທີ່ຂຶ້ນຊື່ຂອງ ແຂວງຫຼວງນໍ້າທາ, ຢູ່ໃນບໍລິເວນຖໍ້າດັ່ງກ່າວມີອຸມົງຍາວ 2 ສາຍ ໂດຍສາຍທີໜຶ່ງເອີ້ນວ່າ “ຖໍ້ານໍ້າລອດ ຫຼືຖໍ້ານໍ້າແອງ” ແລະສາຍທີສອງແມ່ນ “ຖໍ້າເກົາເລົາ” ຍາວຢຽດໄປຕາມສາຍພູທີ່ມີປ່າໄມ້ດົກໜາຂຽວງາມ ແລະອຸດົມສົມບູນໄປດ້ວຍຊີວະນາໆພັນຊຶ່ງທັງສອງຖໍ້ານີ້ເປັນຖໍ້າຫີນປູນມີຄວາມເລິກເຂົ້າໄປໃນໜ່ວຍພູປະມານ 3 ກິໂລແມັດ,  ຢູ່ດ້ານໃນຂອງຖໍ້າແມ່ນມີຫີນໂຟສຊິວທີ່ໄດ້ສ້າງສິລະປະຄວາມງາມຕາມທຳມະຊາດຢູ່ຕາມຝາຜະໜັງຖໍ້າປະກອບມີຫີນງອກ, ນົມຜາຫີນທີ່ມີລວດລາຍງົດງາມ ແລະໜ້າປະທັບໃຈຫຼາຍທີ່ສຸດຖໍ້າດັ່ງກ່າວຕັ້ງຢູ່ບ້ານນໍ້າແອງ ເມືອງວຽງພູຄາ ແຂວງຫຼວງນໍ້າທາ ຫ່າງຈາກເທສະບານເມືອງວຽງພູຄາປະມານ 14 ກິໂລແມັດ ຕິດກັບເສັ້ນ ທາງຫຼວງແຫ່ງຊາດ R3 ເຂົ້າໄປ100 ແມັດ.

                           

 

 --------------

ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์