ເກືອບແສນແລ້ວຕົວເລກທ່ຽວຊົມໝູ່ບ້ານເຮືອນຊົງລາວບຸນທາດຫຼວງ

  ໄປທ່ຽວບຸນນະມັດສະການພະທາດຫຼວງຢ່າລືມທ່ຽວຊົມໝູ່ບ້ານເຮືອນຊົງລາວທີ່ຜູ້ສຳປະທານໄດ້ຕົບແຕ່ງປະດັບປະດາໂດຍເນັ້ນໃສ່ເຄື່ອງຈັກສານທີ່ເຮັດດ້ວຍໄມ້ປ່ອງຫວາຍຜ້າຝ້າຍ ແລະອື່ນໆພິເສດປີນີ້ເພິ່ນຈັດຫຼາຍກິດຈະກຳຊຶ່ງຜູ້ເຂົ້າຊົມຍັງມີສິດໄດ້ຮັບລາງວັນລົດຈັກ 1 ລາງວັນ ແລະ ລາງວັນອື່ນໆອີກພາຍຫຼັງບຸນນະມັດສະການພະທາດຫຼວງວຽງຈັນສຳເລັດ ໂດຍຮອດເວລານີ້ມີຜູ້ເຂົ້າຊົມເກືອບ 1 ແສນຄົນແລ້ວ.

 ບ່າຍວັນທີ 7 ພະຈິກຜ່ານມາທ່ານ ນາງ ຈັນນະພາ ວົງສະໝໍລະພູມ ປະທານກຸ່ມບໍລິສັດຊີເອັນພີຜູ້ສຳປະທານເຮັດໝູ່ບ້ານເຮືອນລາວໃຫ້ສຳພາດ: ຍ້ອນຕົນເອງມີຄວາມມັກຮັກ ແລະຮັກສາຮີດຄອງປະເພນີ ແລະຢາກສົ່ງເສີມເພື່ອໃຫ້ແຂກພາຍໃນ ແລະຕ່າງປະເທດ ແລະໄວໜຸ່ມຫັນມາອະນຸລັກວັດທະນະທຳລາວຊຶ່ງທາງກຸ່ມບໍລິສັດຊີເອັນພີກໍ່ຖືວ່າເປັນປີທີ 4 ໄດ້ມີສ່ວນຮ່ວມໃນການຕົບແຕ່ງໜູ່ບ້ານເຮືອນລາວຊຶ່ງເປັນກິດຈະກຳໜຶ່ງທີ່ຢູ່ໃນບຸນນະມັດສະການພະທາດຫຼວງວຽງຈັນສຳລັບປີນີ້ເປັນປີສະຫຼຸບການປະຕິ

 ສັງຂອນພະທາດຫຼວງວຽງຈັນ ຄັ້ງທີ IV ໝູ່ບ້ານເຮືອນລາວໄດ້ມີການຕົບແຕ່ງທີ່ເນັ້ນໃສ່ການສົ່ງເສີມວັດທະນະທຳສີໄມ້ລາຍມື ແລະຮີດຄອງປະເພນີທີ່ເປັນເອກະລັກຂອງແຕ່ລະຊົນເຜົ່າເປັນຕົ້ນສະຖານທີ່ອ້ອມຮອບຈະຕົບແຕ່ງດ້ວຍດອກໄມ້ໂຄມໄຟ ແລະຫວດນອກນີ້ຕາມເຮືອນຈະຕົບແຕ່ງດ້ວຍເຄື່ອງຈັກສານທີ່ເຮັດດ້ວຍໄມ້ປ່ອງ ແລະ ຫວາຍປະເພດສຸ່ມກະຕ່າກະບຸງຂັນ ແລະ ປະດັບປະດາດ້ວຍຜ້າໄໝຜ້າຝ້າຍທີ່ເປັນສີໄມ້ລາຍມືຂອງຄົນລາວພາຍໃນເຮືອນແຕ່ລະຫຼັງຈະບໍລິການນຸ່ງຊຸດຂອງແຕ່ລະຊົນເຜົ່າ ແລະບໍລິການຖ່າຍຮູບຄາດວ່າປີນີ້ຈະມີຜູ້ເຂົ້າຊົມ 2-2,5 ແສນຄົນ ໂດຍປີຜ່ານມາມີຈຳນວນແສນກວ່າຄົນ.

ສະໜັບສະໜຸນໂດຍ: ສ່ວນບຸກຄົນ

ສະໜັບສະໜຸນໂດຍ: HONDA 

 ໝູ່ບ້ານເຮືອນລາວສ້າງຂຶ້ນເພື່ອເປັນການອະນຸຮັກຮີດຄອງປະເພນີອັນດີງາມຂອງຊາດ ແລະເສີມຂະຫຍາຍສິລະປະວັດທະນະທຳຂອງຊາດລາວໃຫ້ຄົນຮຸ່ນຫຼັງໄດ້ສືບທອດ ໃນນີ້ຈະເລີ່ມເປີດໃຫ້ເຂົ້າທ່ຽວຊົມແຕ່ວັນທີ 5 ພະຈິກ ເປັນຕົ້ນມາໂດຍເກັບຄ່າບໍລິການ 10.000 ກີບຕໍ່ຄົນ ຊຶ່ງຜູ້ເຂົ້າຊົມຍັງມີສິດໄດ້ຮັບລາງວັນລົດຈັກ 1 ລາງວັນ ແລະ

ລາງວັນອື່ນໆອີກພາຍຫຼັງບຸນນະມັດສະການພະທາດຫຼວງວຽງຈັນສຳເລັດແຕ່ໝູ່ບ້ານເຮືອນລາວຍັງຈະເປີດບໍລິການໃຫ້ ທ່ຽວຊົມໄດ້ຕາມປົກກະຕິສະເພາະວັນທີ 9 ພະຈິກ 2019 ເວລາ 16:00 ໂມງໝູ່ບ້ານເຮືອນຊົງລາວຈະໄດ້ເຂົ້າຮ່ວມແຫ່ຜາສາດເຜິ້ງທີ່ເປັນເອກະລັກຂອງແຕ່ລະເຜົ່າອ້ອມພະທາດຫຼວງວຽງຈັນຈຶ່ງຂໍເຊີນຊວນປະຊາຊົນຜູ້ທີ່ມີຈິດໃຈໃສສັດທາເຂົ້າຮ່ວມຂະບວນການດັ່ງກ່າວ ແລະຂໍເຊີນຊວນຜູ້ທີ່ມາທ່ຽວຫຼິ້ນບຸນນະມັດສະການພະທາດຫຼວງວຽງຈັນ ເຂົ້າຢ້ຽມຊົມໝູ່ບ້ານເຮືອນລາວເພື່ອສຳຜັດວັດ ທະນະທຳທີ່ເປັນເອກະລັກຂອງຊາດລາວນຳອີກ.

 ___________

ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์