ກອງປະຊຸມ ຄັ້ງທີ 7 ຂອງບັນດາພາຄີ ອະນຸສັນຍາສາກົນ ວ່າດ້ວຍການຕ້ານການໃຊ້ສານກະຕຸ້ນຕ້ອງຫ້າມໃນກີລາ

 ກອງປະຊຸມ ຄັ້ງທີ 7 ຂອງບັນດາພາຄີອະນຸສັນຍາສາກົນວ່າດ້ວຍການຕ້ານການໃຊ້ສານກະຕຸ້ນຕ້ອງຫ້າມໃນກີລາໄດ້ຈັດຂຶ້ນຢ່າງເປັນທາງການໃນລະຫວ່າງວັນທີ 29-31 ຕຸລາ 2019 ທີ່ສຳນັກງານໃຫຍ່ອົງການອຸຍແນສໂກ, ນະຄອນຫຼວງປາຣີ, ປະເທດຝຣັ່ງ, ຕາງໜ້າ ສປປ ລາວ ເຂົ້າຮ່ວມກອງປະຊຸມໃນຄັ້ງນີ້ມີທ່ານ ຈັນສະໝອນ ປຣະສອນໄຊ, ທີ່ປຶກສາດ້ານການສຶກສາ ແລະ ວັດທະນະທຳປະຈຳສະຖານເອກອັກຄະລັດຖະທູດແຫ່ງ ສປປ ລາວ ທີ່ປາຣີ ພ້ອມດ້ວຍຄະນະ, ມີຄະນະຜູ້ແທນຂັ້ນສູງຈາກອົງ ການສາກົນເພື່ອຕ້ານການໃຊ້ສານຕ້ອງຫ້າມໃນກີລາ, ຄະນະກຳມະການໂອລິມປິກສາກົນ ແລະຕົວແທນຈາກບັນດາພາຄີຫຼາຍກວ່າ 500 ທ່ານ ຈາກ 188 ປະເທດເຂົ້າ ຮ່ວມ.

 ກອງປະຊຸມໄດ້ທົບທວນຄືນບັນດາມະຕິຂອງກອງປະຊຸມຄັ້ງທີ 6 ແລະຜົນການຈັດຕັ້ງປະຕິບັດຜ່ານມາພ້ອມທັງໄດ້ກຳນົດແຜນການໃນຕໍ່ໜ້າໃນນັ້ນ, ກອງປະຊຸມໄດ້ປຶກສາຫາລືກ່ຽວກັບການບໍລິຫານຈັດການກອງທຶນເພື່ອລຶບລ້າງການໃຊ້ສານກະຕຸ້ນຕ້ອງຫ້າມໃນກີລາ ແລະບັນຫາອື່ນໆທີ່ເປັນສິ່ງທ້າທາຍຕໍ່ການກີລາ.

ສະໜັບສະໜຸນໂດຍ: ສ່ວນບຸກຄົນ

 ກອງປະຊຸມໄດ້ດຳເນີນໄປຢ່າງຈົບງາມໂດຍມີການປະກອບຄຳຄິດເຫັນຢ່າງຟົດຟື້ນຈາກຜູ້ເຂົ້າຮ່ວມເພື່ອຫາທາງຮ່ວມມືກັນຕ້ານການໃຊ້ສານກະຕຸ້ນຕ້ອງຫ້າມໃນກີລາ ແລະສົ່ງເສີມການແຂ່ງຂັນກີລາແບບບໍລິສຸດ, ຍຸຕິທຳ ແລະມີຄວາມສະເໝີພາບເທົ່າທຽມກັນ.

 ນອກຈາກນັ້ນ, ກ່ອນໜ້າກອງປະຊຸມຈະເປີດຂຶ້ນຍັງມີກອງປະຊຸມເວທີປຶກສາຫາລືຂອງບັນດານັກວິຊາການ ແລະຄູ່ຮ່ວມໃນ 3 ຫົວຂໍ້ທີ່ກ່ຽວຂ້ອງກັບກອງປະຊຸມຄື: 1)ປັນ ຍາປະດິດ ແລະການກະຕຸ້ນພັນທຸກຳ 2)ການສຶກສາໂດຍເນັ້ນຄຸນນະພາບການມີສ່ວນຮ່ວມຂອງແມ່ຍິງ ແລະຊາວໜຸ່ມເຂົ້າໃນການກີລາ.ກອງປະຊຸມດັ່ງກ່າວໄດ້ຈັດຂຶ້ນທຸກໆ 2 ປີ, ສປປ ລາວ ເຂົ້າເປັນພາຄີຂອງອົງການຕ້ານສານກະຕຸ້ນຕ້ອງຫ້າມໃນກີລາສາກົນເປັນປະເທດທີ 184 ໃນປີ 2017 ໂດຍແມ່ນຫ້ອງການປະສານງານຕ້ານສານຕ້ອງຫ້າມແຫ່ງຊາດລາວເປັນຜູ້ປະສານງານ.

ສະໜັບສະໜຸນໂດຍ: HONDA

-----------------

ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์