ມຈ ໄດ້ຮັບການປັບປຸງຫຼາຍດ້ານ ຈາກທຶນຊ່ວຍເຫຼືອຂອງເອດີບີ

  ໂຄງການສ້າງຄວາມເຂັ້ມແຂງໃຫ້ແກ່ວຽກງານການສຶກສາຊັ້ນສູງພາຍໃຕ້ທຶນຊ່ວຍເຫຼືອຂອງທະນາຄານພັດທະນາອາຊີ (ເອດີບີ) ແກ່ມະຫາວິທະຍາໄລຈຳປາສັກ (ມຈ) ໄລຍະທີ 1 ແມ່ນໄດ້ເລີ່ມມາແຕ່ປີ 2009 ເຖິງ 2016 ຜ່ານມາໄດ້ກໍ່ສ້າງຕຶກອາຄານເຊັ່ນ: ຫ້ອງສະໝຸດ, ຫ້ອງແລັບ, ສູນຂໍ້ມູນຂ່າວສານ ແລະສະໜອງວັດຖຸອຸປະກອນຄົບຊຸດລວມມູນຄ່າ 13 ລ້ານກວ່າໂດລາ.

ທ່ານ ນາງ ພອນສະຫວັນ ເທບພະສຸລິທອນ ຮອງອະທິການ ບໍດີມະຫາວິທະຍາໄລຈຳປາສັກ ໃຫ້ຮູ້ວ່າ: ໃນໂອກາດທີ່ຜູ້ຕາງໜ້າເອດີບີປະຈຳລາວລົງເຄື່ອນໄຫວເຮັດວຽກຢູ່ແຂວງຈຳປາສັກ ມະຫາວິທະຍາໄລຈໍາປາສັກໄດ້ຮັບການປັບປຸງຫຼາຍດ້ານພາຍໃຕ້ໂຄງການສ້າງຄວາມເຂັ້ມແຂງໃຫ້ແກ່ວຽກງານການສຶກສາຊັ້ນສູງພາຍໃຕ້ທຶນການຊ່ວຍເຫຼືອຂອງທະນາຄານພັດທະນາອາຊີ (ເອດີບີ) ແກ່ມະຫາວິທະຍາໄລຈຳປາສັກ (ມຈ) ໄລຍະທີ 1 ແມ່ນໄດ້ເລີ່ມາແຕ່ປີ 2009 ເຖິງ 2016 ຜ່ານມາໄດ້ກໍ່ສ້າງຕຶກອາຄານເຊັ່ນ : ຫ້ອງສະໝຸດ, ຫ້ອງແລັບ, ສູນຂໍ້ມູນຂ່າວສານ ແລະສະໜອງວັດຖຸອຸປະກອນຄົບຊຸດລວມມູນຄ່າ13 ລ້ານກວ່າໂດລາ.

ສະໜັບສະໜຸນໂດຍ: HONDA 

 ນອກນັ້ນຍັງມີທຶນຝຶກອົບຮົມໃຫ້ແກ່ຄູ-ອາຈານເພື່ອໃຫ້ແທດເໝາະກັບການສິດສອນກັບການສຶກສອນຂອງຄູ-ອາຈານໃນຍຸກສະໄໝໃໝ່ລວມມູນຄ່າ 600ລ້ານກວ່າກີບ ,ພວກເຮົາໄດ້ຄົ້ນຄວ້າວິໄຈໃນປີ 2014 ມີ 6 ຫົວບົດ ແລະ ປີ 2015 ມີ 18 ຫົວບົດລວມມູນ ຄ່າ 500 ລ້ານກວ່າກີບ, ໄດ້ໃຫ້ທຶນຍົກລະດັບພະນັກງານຄູ-ອາຈານທັງ ໝົດ 50 ທຶນ, ຍິງ 18 ທຶນ, ພ້ອມດຽວກັນນັ້ນກໍ່ໄດ້ກໍ່ສ້າງປະຕູໂຂງທາງເຂົ້າມູນຄ່າ 150 ລ້ານກີບ, ກໍ່ສ້າງເສົາທຸງໜ້າຕຶກ ອະທິການມູນຄ່າ 50 ລ້ານກີບ, ປັບປຸງຮົ້ວກັ້ນ ແລະອ້ອມຫໍພັກຍິງມູນຄ່າ 120 ລ້ານກີບ ແລະຮົ້ວກັ້ນຫ້ອງນໍ້າ 9 ຫຼັງມູນຄ່າ 80 ລ້ານກີບ.

---------------

ໜັງສືພິມເສດຖະກິດ-ສັງຄົມ

แชร์