ຫວຽດນາມທົດລອງການນຳໃຊ້ລົດໄຟຟ້າສາຍທຳອິດ

  ນະຄອນຫຼວງຮ່າໂນ້ຍຂອງ ສສ ຫວຽດນາມ ເປີດທົດລອງນໍາໃຊ້ລົດໄຟຟ້າທາງການຄ້າຂອງລົດໄຟຟ້າຮ່າໂນ້ຍເມໂທຣເຕັມຮູບແບບເປັນເວລາ 20 ວັນເພື່ອທົດລອງລະບົບຕ່າງໆຂອງລົດໄຟຟ້າລວມທັງຄວາມພ້ອມຂອງເຈົ້າໜ້າທີ່ປະຈຳສະຖານີກ່ອນເປີດໃຫ້ບໍລິການຢ່າງເປັນທາງການ.

ຕາມຂ່າວຕ່າງປະເທດລາຍງານວ່າຮ່າໂນ້ຍໂທຣຈະຖືເປັນລົດໄຟຟ້າສາຍທຳອິດຂອງຫວຽດນາມໂດຍສາຍທີ່ກຽມເປີດໃຫ້ບໍລິການນີ້ຈະແລ່ນລະຫວ່າງກາດລິງ-ຮ່າຢອງ(Cat Linh-Ha Dong) ໄລຍະທາງ 13 ກິໂລແມັດ ຈາກສະຖານີກາດລິງໃຈກາງນະຄອນຫຼວງຮ່າໂນ້ຍໄປຍັງສະຖານີ ອຽນ ເຫງຍ (yen nghia)ໃນ ເຂດ Ha Dong ) ທາງຕາເວັນຕົກສຽງໃຕ້ ລວມທັງໝົດ 12 ສະຖານີ, ການທົດລອງແລ່ນລົດໄຟຟ້າໃນເວລາ 20 ວັນ ເປັນຂັ້ນຕອນບັງຄັບໃນຂະບວນການກວດກາກ່ອນທີ່ຜູ້ຮັບເໝົາຈີນຈະສົ່ງມອບໂຄງການໃຫ້ກັບທາງການຫວຽດນາມແຕ່ລາຍງານບໍ່ໄດ້ລະບຸເຖິງວັນທີ່ເປີດໃຫ້ບໍລິການຢ່າງເປັນທາງການ.

  ທັງນີ້ນະຄອນຫຼວງຮ່າໂນ້ຍ ແລະນະຄອນໂຮຈີ່ມິນເປັນສອງເມືອງຫຼັກຂອງຫວຽດນາມຊຶ່ງກຳລັງມີໂຄງການກໍ່ສ້າງລົດໄຟຟ້າສາຍທຳອິດໂດຍຮ່າໂນ້ຍມີບໍລິສັດຂອງຈີນເປັນຜູ້ຮັບເໝົາສ່ວນທີ່ນະຄອນໂຮຈີ່ມິນເປັນຜູ້ຮົບເໝົາຈາກຍີ່ປຸ່ນແຕ່ທັງສອງໂຄງການຕ້ອງປະເຊີນກັບການສົ່ງມອບຫຼ້າຊ້າເນື່ອງຈາກງົບປະມານການກໍ່ສ້າງມີບັນຫາ.

__________

ໜັງສືພິມເສດຖະກິດ-ສັງຄົມ

 

แชร์