ໄຊຍະບູລີ ວາງ 4 ເປົ້າໝາຍຍູ້ເສດຖະກິດໃຫ້ຂະຫຍາຍຕົວໃນລະດັບ 8,2%

 ເພື່ອບັນລຸຄາດໝາຍລວມຂອງແຜນການປີທີ່ວາງໄວ້ນັ້ນ ແຂວງໄຊຍະບູລີ ຈະຕ້ອງໄດ້ສຸມໃສ່ຈັດຕັ້ງປະຕິບັດບາງທິດທາງໜ້າທີ່ລວມເປັນຕົ້ນແມ່ນ: ຮັກສາສະຖຽນລະພາບທາງດ້ານການເມືອງ, ຮັບປະກັນໄດ້ວຽກງານປ້ອງກັນຊາດ-ປ້ອງກັນຄວາມສະຫງົບເຮັດໃຫ້ສັງຄົມມີຄວາມປອດໄພທາງດ້ານຊີວິດ, ຊັບສິນ ແລະຍຸຕິທໍາເພື່ອເປັນພື້ນຖານໃຫ້ແກ່ການພັດທະນາເສດຖະກິດ-ສັງຄົມ, ເຮັດໃຫ້ເສດຖະກິດສືບຕໍ່ຂະຫຍາຍຕົວດ້ວຍຈັ່ງຫວະທີ່ໝັ້ນທ່ຽງ, ສະເລ່ຍບໍ່ໃຫ້ຫຼຸດ 8,2% ຕໍ່ປີ.

ທ່ານ ນາງ ຄໍາມີ ຈັນທີບ ຫົວໜ້າພະແນກແຜນການ ແລະການລົງທຶນແຂວງໄຊຍະບູລີໃຫ້ຮູ້ວ່າ: ເພື່ອສູ້ຊົນເຮັດໃຫ້ເສດຖະກິດພາຍໃນແຂວງຂະຫຍາຍຕົວບໍ່ຫຼຸດ 8,2% ແລະສ້າງມູນຄ່າເພີ່ມລາຄາພາຍໃນປີ 2020 ໃຫ້ໄດ້ປະມານ 11.186 ຕື້ກີບ, ສະເລ່ຍຕໍ່ຫົວຄົນໃຫ້ໄດ້ 3.252 ໂດລາ, ລາຍໄດ້ຕໍ່ຫົວຄົນ GNI ໃຫ້ໄດ້ 2.764 ໂດລາສະຫະລັດ, ໃນນັ້ນ: ຂະແໜງກະສິກໍາເພີ່ມຂຶ້ນ 3,2%, ກວມເອົາ 26,8%, ຂະແໜງອຸດສາຫະກໍາເພີ່ມຂຶ້ນ 13,6%, ກວມເອົາ 38,5% ແລະ ການບໍລິການ ເພີ່ມຂຶ້ນ 4,4%, ກວມເອົາ 34,4% ຂອງລວມຍອດຜະລິດຕະພັນພາຍໃນ (ບໍ່ລວມພາສີຂາເຂົ້າ), ຮັກສາອັດຕາເງິນເຟີ້ໃຫ້ຕໍ່າກວ່າການຂະຫຍາຍຕົວດ້ານເສດຖະກິດ,

ອັດຕາແລກປ່ຽນໃຫ້ມີຄວາມສະຫງົບ, ເຮັດໃຫ້ເງິນກີບແຂງຄ່າ ຫຼືອ່ອນຄ່າໃນລະດັບ 5 %, ສູ້ຊົນຜະລິດເຂົ້າໃຫ້ໄດ້ 321.000 ໂຕນ, ພືດເປັນສິນຄ້າໃຫ້ໄດ້ 1,32 ລ້ານໂຕນ, ສູ້ຊົນສະໜອງຊີ້ນ-ປາ ແລະ ໄຂ່ສະເລ່ຍໃສ່ຫົວຄົນ 50 ກິໂລ ຕໍ່ຄົນຕໍ່ປີ, ໃນນີ້ຜະລິດຊີ້ນ, ປາ ແລະໄຂ່ໃຫ້ໄດ້ 20 ພັນໂຕນ, ຝຸງສັດໃຫ້ຂະຫຍາຍຕົວ 6,4%, ມູນຄ່າການສົ່ງອອກໃຫ້ໄດ້ 33,9 ລ້ານໂດລາ, ການນໍາເຂົ້າ 19,3 ລ້ານໂດລາສະຫະລັດ, ມູນຄ່າຜະລິດອຸດສາຫະກໍາ-ຫັດຖະກໍາບັນລຸ922,92 ຕື້ກີບ, ມູນຄ່າຈໍາໜ່າຍ 1.162 ຕື້ກີບ, ສ້າງລາຍຮັບຈາກການທ່ອງທ່ຽວ 8 ລ້ານໂດລາ ແລະສູ້ຊົນເກັບລາຍຮັບລວມທັງໝົດບໍ່ໃຫ້ຫຼຸດ 939,72 ຕື້ກີບ, ປະຕິບັດລາຍຈ່າຍງົບປະມານຂອງແຂວງບໍ່ໃຫ້ເກີນ 534,42 ຕື້ກີບ.

ສະໜັບສະໜຸນໂດຍ: ສ່ວນບຸກຄົນ

  ທ່ານ ນາງ ຄໍາມີ ຈັນທີບ ໃຫ້ຮູ້ຕື່ມວ່າ: ເພື່ອບັນລຸບັນດາຄາດໝາຍການພັດທະນາເສດຖະກິດ-ສັງຄົມຂອງແຂວງໃຫ້ຂະຫຍາຍຕົວໃນລະດັບ 8,2% ນັ້ນ, ແຕ່ນີ້ຮອດປີ 2020 ແຂວງໄຊຍະບູລີ ແມ່ນໄດ້ວາງໄວ້ 4 ເປົ້າໝາຍຄື: 1) ເສດຖະກິດຂະຫຍາຍຕົວຕໍ່ເນື່ອງຕາມທິດສີຂຽວ ແລະ ຍືນຍົງ, ສົມດຸນກັນລະຫວ່າງເສດຖະກິດ-ສັງຄົມ ແລະສິ່ງແວດລ້ອມ, ໂດຍຖືເອົາການພັດທະນາຂະແໜງກະສິກໍາ, ອຸດສາຫະກໍາປຸງແຕ່ງ, ອຸດສາຫະກໍາພະລັງງານ, ການບໍລິການ ແລະ ການທ່ອງທ່ຽວເປັນເສົາຄໍ້າເສດ

 ສະໜັບສະໜຸນໂດຍ: HONDA

ຖະກິດຂອງແຂວງເຮັດໃຫ້ແຂວງມີລາຍຮັບປານກາງໃນປີ 2020, 2) ຊັບພະຍາກອນມະນຸດ ແລະກໍາລັງການຜະລິດໄດ້ຮັບການພັດທະນາຢ່າງສົມເຫດສົມຜົນ ແລະກົມ ກຽວກັບແຜນພັດທະນາເສດຖະກິດ-ສັງຄົມ, ປະຊາຊົນບັນດາເຜົ່າໄດ້ຮັບການສຶກສາ ແລະ ເຂົ້າເຖິງການບໍລິການສາທາລະນະສຸກ, 3) ຊັບພະຍາກອນທໍາມະຊາດໄດ້ຮັບການປົກປັກຮັກສາ, ແຜນພັດທະນາອ່າງໂຕ່ງໄດ້ຮັບການຈັດຕັ້ງປະຕິບັດ, ປ່າໄມ້ໄດ້ຮັບການຟື້ນຟູ, 4) ການເມືອງມີສະຖຽນລະພາບ, ສັງຄົມມີຄວາມສະຫງົບປອດໄພ, ການຄຸ້ມຄອງລັດແລະຄຸ້ມເສດຖະກິດຢູ່ຂັ້ນຮາກຖານໄດ້ຮັບການພັດທະນາຕາມທິດນໍາ 3 ສ້າງ ແລະລຶບລ້າງຄວາມທຸກຍາກໄດ້ໂດຍພື້ນຖານ.

_________

ຂຽນໂດຍ: ອຸ່ນເຮືອນ ໂພທິລັກ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์