ເຂດເສດຖະກິດສະເພາະບຶງທາດຫຼວງ ສ້າງໃໝ່ 2 ໂຄງການ

   ພິທີວາງສີລາລຶກໂຄງການກໍ່ສ້າງສູນການຄ້າຄຸ້ມຄອງບໍລິຫານບຶງທາດຫຼວງ ແລະໂຄງການວຽງຈັນນະຄອນສີຂຽວແລະເປີດໂຮງແຮມໂປລີໄດ້ຈັດຂຶ້ນວັນທີ 5 ພະຈິກ 2019 ທີ່ເຂດເສດຖະກິດສະເພາະບຶງທາດຫຼວງ ໂດຍເຂົ້າຮ່ວມຂອງ ທ່ານ ສິນລະວົງ ຄຸດໄພທູນ ເຈົ້າຄອງນະຄອນຫຼວງວຽງຈັນ, ທ່ານ ນາງ ຄຳຈັນ ວົງແສນບູນ ຮອງລັດຖະມົນ ຕີກະຊວງແຜນການແລະການລົງທຶນ, ທ່ານ ສະຫວັນຄອນ ຣາຊມຸນຕຣີ ຮອງລັດຖະມົນຕີກະຊວງຖະແຫຼ່ງຂ່າວ, ວັດທະນະທຳ ແລະທ່ອງທ່ຽວ, ທ່ານ ຫວງກົວຜິງ ປະ ທານເຂດເສດຖະກິດສະເພາະບຶງທາດຫຼວງບັນດາພະນັກງານກ່ຽວຂ້ອງທີ່ເຂົ້າຮ່ວມ.

ທ່ານ ຫວງກົວຜິງ ກ່າວວ່າ: ເຂດເສດ ຖະກິດສະເພາະທາດຫຼວງ, ກຸ່ມບໍລິສັດ ຫວ່ານເຝີງຊຽງໄຮ້ ສປ ຈີນ ໄດ້ເຊັນສັນ ຍາຮ່ວມມືກັບລັດຖະບານລາວໃນປີ 2011 ໂດຍມີເນື້ອທີ່ 365 ເຮັກຕາ ແລະທັງໄດ້ການນຳໃຊ້ສິດທີ່ດິນ 99 ປີ ແຜນພັດທະນາປະກອບມີ: ອາຄານເພື່ອເປັນສູນລວມຫ້ອງການຕ່າງໆສ້າງສູນ ການຄ້າ,ຮ້ານຊັບພະສິນຄ້າ, ສະຖານທີ່ ບັນເທີງ, ໂຮງແຮມ, ໂຮງໝໍ, ວັດພະພຸດ ທະຮູບໃຫຍ່, ສະຖາບັນການເງິນ ແລະ ອື່ນໆທີ່ເປັນເມືອງໃໝ່ລະດັບສາກົນທີ່ມີ ເນື້ອທີ່ກໍ່ສ້າງປະມານ 8 ລ້ານຕາລາງ ແມັດ ສາມາດຮັບປະຊາກອນໄດ້ 3 ແສນ ກວ່າຄົນທີ່ເຂົ້າມາທໍາທຸລະກິດ ແລະເຮັດ ວຽກອາຊີບຕ່າງໆ.

  ສຳລັບໂຄງການສູນການຄຸ້ມຄອງບໍລິຫານບຶງທາດຫຼວງ ແລະໂຄງການວຽງຈັນນະຄອນສີຂຽວທີ່ກຳລັງລົງມືກໍ່ສ້າງນີ້ເປັນເປົ້າໝາຍເພື່ອພັດທະນາໃຫ້ຕົວເມືອງທັນສະໄໝອີກແຫ່ງໜຶ່ງທີ່ຍົກສູງລາຍຮັບດ້ານພາສີອາກອນຂອງນະຄອນຫຼວງວຽງຈັນແລະຍົກສູງປະລິມານເສດຖະກິດທັງໝົດເປັນສັນຍາລັກໃໝ່ຂອງນະຄອນຫຼວງອາຊີຕາເວັນອອ ກສ່ຽງໃຕ້ໂດຍຄຽງຄູ່ເພື່ອຮອງຮັບໃຫ້ການພັດທະນາມີລະບົບຄຸ້ມຄອງຕົວເມືອງໃໝ່ບຶງທາດຫຼວງ ແລະພາກສວ່ນໜ່ວຍງານຕ່າງໆທີ່ສາມາດເຊື່ອມກັບສາກົນ.

ສະໜັບສະໜຸນໂດຍ: ສ່ວນບຸກຄົນ

  ພິທີດັ່ງກ່າວໄດ້ເປີດໂຮງແຮມໂປລີຢ່າງເປັນທາງການຊຶ່ງເປັນໂຮງແຮມລະດັບຫ້າດາວຂອງກຸ່ມບໍລິສັດຮຸ້ນສ່ວນສີຂຽວທີ່ຈັດເຂົ້າເປັນບໍລິສັດຍັກໃຫຍ່ໃນ 500 ຂອງໂລກທີ່ ນອນໃນການຄຸ້ມຄອງຂອງກຸ່ມບໍລິສັດບໍລິຫານໂຮງແຮມສາກົນສີຂຽວຊຶ່ງໂຮງແຮມດັ່ງກ່າວຕັ້ງຢູ່ເຂດສູນກາງຂອງເຂດເສດຖະກິດສະເພາະບຶງທາດຫຼວງທີ່ໃຫ້ອຳນວຍຄວາມສະດວກສະບາຍ, ໂຄງລ່າງການພັກຜ່ອນເພື່ອສຸຂະພາບທີ່ຫຼູຫຼາ ແລະການບໍລິການຄົບວົງຈອນ.

ສະໜັບສະໜຸນໂດຍ: HONDA

__________

ຂຽນໂດຍ: ແພງຕາ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์