ສະຫວັນ ຈະຜະລິດເຂົ້ານາແຊງໃຫ້ໄດ້ 30 ພັນເຮັກຕາ

  ແຂວງສະຫວັນນະເຂດ ໄດ້ວາງເປົ້າໝາຍການຜະລິດເຂົ້ານາແຊງ ສົກປີ 2019-2020 ໃຫ້ໄດ້ຈໍານວນ 30 ພັນເຮັກຕາ ໂດຍເລັງໃສ່ບັນດາເມືອງ ແລະ ບ້ານທີ່ໄດ້ຮັບຜົນກະທົບໝັກຈາກໄພນໍ້າຖ້ວມໃນການຜະລິດລະດູຝົນຜ່ານມາ.

  ອີງຕາມຂໍ້ມູນຈາກພະແນກກະສິກໍາ ແລະປ່າໄມ້ ແຂວງສະຫວັນນະເຂດ ໃຫ້ຮູ້ວ່າ: ການຜະລິດເຂົ້ານາປີ ແລະພືດລະດູຝົນຂອງຊາວກະສິກອນແຂວງສະຫວັນນະເຂດ ໃນປີ 2019 ນີ້ ແມ່ນໄດ້ຮັບຜົນກະທົບໜັກຈາກໄພນໍ້າຖ້ວມໂດຍສະເພາະແມ່ນບັນດາໝູ່ບ້ານຢູ່ເຂດເມືອງຈໍາພອນ, ຊົນນະບູລີ, ສອງຄອນ ແລະເມືອງໄຊບູລີ ຊຶ່ງມີ ຫຼາຍຄອບຄົວບໍ່ມີເຂົ້າເກັບກ່ຽວ, ບັນຫາດັ່ງກ່າວທາງການແຂວງສະຫວັນນະເຂດກໍຄືພະແນກກະສິກໍາ ແລະປ່າໄມ້ແຂວງໄດ້ປຸກລະດົມຊຸກຍູ້ປະຊາຊົນໃຫ້ມີການຜະລິດລະດູແລ້ງ ໂດຍວາງເປົ້າໝາຍການຜະລິດເຂົ້ານາແຊງໃນສົກປີ 2019-2020 ນີ້ໃຫ້ໄດ້ 30 ພັນເຮັກຕາ ໃນນັ້ນຫຼາຍກວ່າໝູ່ແມ່ນຢູ່ເມືອງຈໍາພອນ, ຫຼຸດລົງມາແມ່ນເມືອງໄຊບູລີ, ຊົນນະບູລີ ແລະເມືອງສອງຄອນເນື່ອງຈາກບັນດາເມືອງດັ່ງກ່າວນີ້ໄດ້ຮັບຜົນກະທົບໜັກຈາກໄພນໍ້າຖ້ວມຊຶ່ງບາງເຂດ ຫຼືບາງຄອບຄົວບໍ່ມີເຂົ້າເກັບກ່ຽວ.

  ດັ່ງນັ້ນເພື່ອເປັນການຕອບສະໜອງໃຫ້ແກ່ການຜະລິດແຂວງສະຫວັນນະເຂດມີແຜນແຈກຢາຍແນວພັນເຂົ້າ, ແນວພັນພືດ, ຝຸ່ນ, ປຸ໋ຍໃຫ້ແກ່ປະຊາຊົນຜູ້ໄດ້ຮັບຜົນກະທົບຈາກໄພນໍ້າຖ້ວມໂດຍໄດ້ຮັບການຊຸກຍູ້ສົ່ງເສີມໃນລັກສະນະສິນເຊື່ອຈາກກຸ່ມບໍລິສັດພົງສະຫວັນ, ນອກຈາກນີ້ປະຊາຊົນຈໍານວນໜຶ່ງຍັງໄດ້ກູ້ຢືມແນວພັນຈາກພີ່ນ້ອງເນື່ອງການສະໜອງແນວພັນເຂົ້າຂອງແຂວງບໍ່ພຽງພໍກັບຄວາມຕ້ອງການຂອງປະຊາຊົນ.

ສະໜັບສະໜຸນໂດຍ: ສ່ວນບຸກຄົນ

  ສ່ວນວຽກງານຊົນລະປະທານບັນດາລະບົບຊົນລະປະທານແມ່ນໄດ້ຮັກສາ ຫຼືກັກເກັບນໍ້າໄວ້ໝົດ ແລະຈຳນວນໜຶ່ງໄດ້ເຮັດຝາຍຊົ່ວຄາວຕາມລຳເຊຕ່າງໆເຊັ່ນ: ເຊຊໍາ ຊອຍ, ເຊຈຳພອນ, ຕາມຫ້ວຍຕ່າງໆ ໂດຍສະເພາະຢູ່ເມືອງຊົນນະບູລີແມ່ນໄດ້ສ້າງຝາຍຊົ່ວຄາວຕັນເຊເພື່ອກັກເກັບນໍ້າໄວ້ດູດໃສ່ນາແຊງ ແລະການຜະລິດພືດອື່ນໆ, ນອກຈາກນີ້ບັນດາໂຄງການຄືໂຄງການໂພນມ່ວງ ແລະໂຄງການສະຄືນຍັງໄດ້ມີການອອກແຮງງານລວມອະນາໄມຄອງເໝືອງເພື່ອກະກຽມໃຫ້ແກ່ການສະໜອງນໍ້າ.

  ສະໜັບສະໜຸນໂດຍ: HONDA

 ----------------

ຂຽນໂດຍ: ນໍ້າເໝີຍ

ໜັງສືພີມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์