ອາກອນຫຼວງນໍ້າທາລາຍຮັບຈະລື່ນແຜນ 9 ເດືອນເກັບໄດ້ເກືອບ 94% ຂອງແຜນປີ

  ສ່ວຍສາອາກອນປະຈຳແຂວງຫຼວງນໍ້າທາໄດ້ຮັບແຜນການເກັບລາຍຮັບປະຈຳປີ 2019 ທັງໝົດ 129,87 ຕື້ກີບຜ່ານການຈັດຕັ້ງປະຕິບັດ 9 ເດືອນຜ່ານມາສາມາດເກັບໄດ້ແລ້ວ 121,69 ຕື້ກີບ ເທົ່າກັບ 93,69% ຂອງແຜນການປີທຽບໃສ່ປີຜ່ານມາເພີ່ມຂຶ້ນ 25,24% ທັງນີ້ແມ່ນຍ້ອນການຫັນເກັບລາຍຮັບຜ່ານລະບົບເຄື່ອງຈັດເກັບທີ່ທັນສະໄໝ.

  ທ່ານ ຄຳພັນ ໄຊສີ ຫົວໜ້າສ່ວຍສາອາກອນປະຈຳແຂວງຫຼວງນໍ້າທາໃຫ້ສຳພາດວ່າ: ໃນນັ້ນເປັນລາຍຮັບພູດຂອງສູນກາງແຜນການປີ 36 ຕື້ກີບ ປະຕິບັດ ໄດ້ 33,59 ຕື້ກີບ ເທົ່າກັບ 93,32% ຂອງແຜນການປີ, ທຽບໃສ່ປີຜ່ານມາເພີ່ມຂຶ້ນ 16,00% ສ່ວນລາຍຮັບທ້ອງຖິ່ນ ແຜນການປີຕາມແຜນດັດແກ້ 93,87 ຕື້ກີບ ປະຕິບັດໄດ້ 88,09 ຕື້ກີບ ເທົ່າກັບ 91% ຂອງແຜນການປີ, ທຽບໃສ່ປີຜ່ານມາເພີ່ມຂຶ້ນ 24,19% ໃນທັງໝົດນັ້ນເປັນລາຍຮັບອາກອນປົກກະຕິ 71,98 ຕື້ກີບ, ຄ່າທຳນຽມອື່ນໆ 4,15 ຕື້ກີບ, ລາຍຮັບພາສີທີ່ດິນ 2,74 ຕື້ກີບ, ລາຍຮັບວິຊາການ 9,22 ຕື້ກີບ ແລະລາຍຮັບທ້ອງຖິ່ນສ່ວນໃຫຍ່ແມ່ນໄດ້ມາຈາກບັນດາສາຂາລັດວິສາຫະກິດ, ໂທລະຄົມກວມ 8,48%, ໄຟຟ້າກວມ 2,64%, ທະນາຄານ 1,05%, ບໍໍ່ຖ່ານຫີນ 8,00%, ລາຍຮັບຈາກບັນດາໂຄງການກໍ່ສ້າງຂອງລັດກວມ 11,33% ນອກນີ້ຍັງໄດ້ຮັບຈາກການມອບເໝົາຢູ່ບັນດາເມືອງ. 

    ສະໜັບສະໜຸນໂດຍ: HONDA

 ທ່ານ ຄຳພັນ ໄຊສີ ຍັງໃຫ້ຮູ້ຕື່ມວ່າ: ໃນ 3 ເດືອນທ້າຍປີຈະປະຕິບັດໃຫ້ໄດ້ 25,57 ຕື້ກີບ, ຄາດວ່າໝົດປີລາຍຮັບຈະບັນລຸ147,26 ຕື້ກີບ ເທົ່າກັບ 113,39% ຂອງແຜນການປີໃນນີ້ລາຍຮັບສູນກາງຈະປະຕິບັດໃຫ້ໄດ້ຕື່ມ 8,39 ຕື້ກີບ, ລາຍຮັບທ້ອງຖິ່ນ17,19 ຕື້ກີບ ເປັນອາກອນປົກກະຕິ 6,69 ຕື້ກີບ, ຄ່າທຳນຽມອື່ນໆ 2,78 ຕື້ກີບ, ລາຍຮັບພາສີທີ່ດິນ 90 ລ້ານກວ່າກີບ ແລະລາຍຮັບວິຊາການແຜນໃຫ້ໄດ້ 7,63 ຕື້ກີບ.

ສະໜັບສະໜຸນໂດຍ: ສ່ວນບຸກຄົນ

__________

ຂຽນໂດຍ: ກິ່ນນາລົມ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์