ຕາດພະແຈແຫຼ້ ແຫຼ່ງທ່ອງທ່ຽວທຳມະຊາດ ທີ່ສວຍງາມ

 ປະເທດເຮົາກໍມີສະຖານທີ່ທ່ອງທ່ຽວທຳມະຊາດຫຼາຍແຫ່ງທີ່ມີຄວາມສວຍງາມ ແລະໄດ້ຮັບຄວາມນິຍົມໜຶ່ງໃນນັ້ນນໍ້າຕົກຕາດພະແຈແຫຼ້ເປັນນໍ້າຕົກໜຶ່ງທີ່ມີຄວາມສວຍ ງາມ ແລະໄດ້ຮັບຄວາມນິຍົມຈາກນັກທ່ອງທ່ຽວພາຍໃນເຂົ້າໄປທ່ຽວຊົມຈັດກິດຈະກຳກິນເຂົ້າປ່າ ສາມັກຄີໃນວັນພັກລັດຖະການຊຶ່ງນໍ້າຕົກຕາດນີ້ຕັ້ງຢູ່ບ້ານນໍ້າຄຽນ ເມືອງຮົ່ມແຂວງໄຊສົມບູນ.

 

 ນໍ້າຕົກຕາດພະແຈແຫຼ້ ເມືອງຮົ່ມ ແຂວງໄຊສົມບູນ ເປັນອີກເຂດໜຶ່ງທີ່ສຳຄັນຂອງຫຼາຍໆນໍ້າຕົກຕາດ, ແຕ່ບ່ອນນີ້ອາດຈະແຕກຕ່າງຈາກບ່ອນອື່ນຍ້ອນເປັນແຫຼ່ງທ່ອງ ທ່ຽວທີ່ສາມາດເຂົ້າເຖິງທຳມະຊາດໃນເຂດປ່າດົງດິບໄດ້ຕາມອັດທະຍາໄສດ້ວຍການບໍລິການອັນເປັນກັນເອງຂອງພໍ່ຄ້າຊາວຂາຍໃນເຂດນັ້ນ, ພ້ອມທັງອາບ ແລະເບິ່ງນໍ້າທີ່ໄຫຼມາຈາກຕີນພູຜ່ານໂງ່ນຫີນລົງມາ ແລະກິ່ນອາຍອາກາດສົດໆ ພາຍໃນປ່າໃຕ້ຮົ່ມສີຂຽວທີ່ຫາເບິ່ງຍາກ.

ສະໜັບສະໜຸນໂດຍ: ສ່ວນບຸກຄົນ 

 ສະຖານທີ່ທ່ອງທ່ຽວແຫ່ງນີ້ເປັນຈຸດດຶງດູດນັກທ່ອງທ່ຽວຍ້ອນອາກາດເຢັນສະບາຍປະກອບກັບພູຜາປ່າໄມ້ທີ່ປົກຄຸມອາກາດສົດໆທັງສອງຟາກທາງຮົ່ມເຢັນສະບາຍບວກກັບສາຍນໍ້າທີ່ທະຍອຍກັນຢັງຢາຍລົງມາຈາກຕີນພູສູງຄ່ອຍໆ ໄຫຼລີນລົງມາຕາມຮ່ອງຫ້ວຍລົງຕາມຮ່ອງຫີນເປັນຊັ້ນໆບັນດານັກທ່ອງທ່ຽວສາມາດອາບນໍ້າໄດ້ຢ່າງສະບາຍຢູ່ກ້ອງນໍ້າຕົກ.

ສະໜັບສະໜຸນໂດຍ: HONDA

-------------------

ໜັງສືພິມເສດຖະກິດ-ສັງຄົມ   

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

 

แชร์