ນັກກິລາຄົນພິການທີມຊາດລາວ ຮ່ວມກິລາແລ່ນ-ລານ ຊີງແຊ້ມໂລກ

  ນັກກີລາຄົນພິການທີມຊາດລາວໄດ້ເດີນທາງໄປເຂົ້າຮ່ວມການແຂ່ງຂັນແລ່ນ-ລານ ຊີງແຊ້ມໂລກທີ່ປະເທດສະຫະລັດອາຮັບເອມິເລດເປັນເຈົ້າພາບ, ເພື່ອເກັບຄະແນນໃຫ້ໄດ້ໄປແຂ່ງຂັນກີລາພາຣາແລມປິກເກມທີ່ນະຄອນຫຼວງໂຕກຽວປະເທດຍີ່ປຸ່ນໃນປີ 2020.

  ເມື່ອວັນທີ 2 ພະຈິກ ຜ່ານມາທັບນັກກີລາຄົນພິການທີມຊາດລາວ ນຳໂດຍທ່ານ ທອງສະຫວັດ ວົງສະຫວ່າງ ປະທານສະຫະພັນກີລາແລ່ນ-ລານ ຄົນພິການແຫ່ງຊາດລາວພ້ອມດ້ວຍນັກກີລາ 2 ຄົນ ປະກອບມີທ້າວ ແກ່ນ ເທບທິດາ ແລະທ້າວ ບຸນເພັດ ເທບທິດາ ໄດ້ອອກເດີນທາງໄປປະເທດສະຫະລັດອາຮັບເອມິເລດເພື່ອເຂົ້າຮ່ວມການແຂ່ງຂັນກີລາແລ່ນ-ລານ ຊີງແຊ້ມໂລກໃນລະຫວ່າງວັນທີ 2-17 ພະຈິກ 2019 ໃນໂອກາດດັ່ງກ່າວທ່ານ ທອງສະຫວັດ ວົງສະຫວ່າງ ໃຫ້ຮູ້ວ່າ: ນັກກີລາຄົນພິການທີມຊາດລາວເຮົາແມ່ນໄດ້ຝຶກຊ້ອມມາຢ່າງຕໍ່ເນື່ອງພາຍໃນປະເທດ ແລະການທີ່ໄດ້ໄປເຂົ້າຮ່ວມການແຂ່ງຂັນໃນຄັ້ງນີ້ກໍ່ມີຄວາມຫວັງວ່າຈະໄດ້ອັນດັບທີ່ດີຂຶ້ນ ແລະ ໄດ້ຕາມເປົ້າ ໝາຍທີ່ວາງໄວ້ເພື່ອໃຫ້ໄດ້ຄະແນນທີ່ຈະເຂົ້າຮ່ວມການແຂ່ງຂັນພາຣາແລມປິກເກມທີນະຄອນຫຼວງໂຕກຽວປະເທດຍີ່ປຸ່ນໃນປີ 2020 ທີ່ຈະມາຖິງນີ້.

ສຳລັບການໄປເຂົ້າຮ່ວມໃນການແຂ່ງຂັນແລ່ນ-ລານ ຊີງແຊ້ມໂລກໃນຄັ້ງນີ້ຍັງເປັນການກະກຽມ ແລະທົດສອບນັກກີລາແລ່ນຄົນພິການທີມຊາດລາວກ່ອນທີ່ຈະເຂົ້າຮ່ວມງານມະຫະກຳກີລາອາຊຽນພາຣາເກມທີ່ປະເທດຟິລິບປິນໃນຕົ້ນປີ 2020.

 -----------------

 ໜັງສືພືມເສດຖະກິດ-ສັງຄຄົມ

แชร์