ສຶກສາໄຊຍະບູລີ ຫາລືການສ້າງແຜນ ພັດທະນາການສຶກສາ

 ກອງປະຊຸມປຶກສາຫາລືການສ້າງແຜນພັດທະນາການສຶກສາ ແລະກີລາ 5 ປີ ຄັ້ງທີ IX (2021-2025) ໄດ້ຈັດຂື້ນລະຫວ່າງວັນທີ 31 ຕຸລາ ຫາ 1 ພະຈິກ 2019 ຜ່ານມາທີ່ຫ້ອງປະຊຸມພະແນກສຶກສາທິການ ແລະກີລາແຂວງໄຊຍະບູລີໂດຍການໃຫ້ກຽດເຂົ້າຮ່ວມຂອງ ທ່ານ ກາບແກ້ວ ສີບຸນມາ ຫົວໜ້າພະແນກສຶກສາທິການ ແລະກີລາແຂວງໄຊຍະບູລີ, ມີບັນດາຫົວໜ້າ-ຮອງຫົວໜ້າຫ້ອງການສຶກສາທິການແລະກີລາເມືອງ,ຜູ້ອຳນວຍການໂຮງຮຽນຫົວໜ້າສູນ, ຫົວໜ້າຂະແໜງພ້ອມດ້ວຍຫົວໜ້າໜ່ວຍງານຂັ້ນເມືອງ 11 ເມືອງ ແລະວິຊາການຂະແໜງສະຖິຕິ-ແຜນການເຂົ້າຮ່ວມ.

ພາບຂ່າວ:

  ໃນກອງປະຊຸມດັ່ງກ່າວຜູ້ເຂົ້າຮ່ວມແມ່ນໄດ້ຮັບຟັງກ່ຽວກັບຄຳສັ່ງແນະນຳການສ້າງແຜນພັດທະນາການສຶກສາ ແລະກີລາ 5 ປີຄັ້ງທີ 9 (2021-2025) ແລະໂຄງຮ່າງແຜນ 5 ປີ ຂອງແຂວງ,ເພື່ອປະກອບຄຳເຫັນໃສ່ຮ່າງແຜນພັດທະນາການສຶກສາ ແລະກີລາ 5 ປີ ຄັ້ງທີ 9, ການຄາດຄະເນງົບປະມານໃນການສ້າງແຜນ 5 ປີ ໂດຍອີງໃສ່ຄາດຄະເນຂອງຮ່າງແຜນພັດທະນາການສຶກສາຕາມຂະແໜງການຍ່ອຍໂດຍການນຳໃຊ້ຂໍ້ມູນຈາກໂປຣແກຣມ ACSEP ພ້ອມທັງເປີດກວ້າງການລົງເລີກໃຫ້ພະນັກງານໜ່ວຍງານສະຖິຕິ-ແຜນການ ແລະພະນັກງານການເງິນເຂົ້າໃຈວິທີການປະກອບຂໍ້ມູນເຂົ້າໃນໂປຣມ PBMIS,ຜູ້ເຂົ້າຮ່ວມແລກປ່ຽນຄຳຄິດຄຳເຫັນກ່ຽວກັບການສ້າງແຜນພັດທະນາການສຶກສາ-ກີລາຂອງແຕ່ລະເມືອງ, ໂຮງຮຽນອ້ອມຂ້າງ, ເພື່ອເປັນຂໍ້ມູນພື້ນຖານໃນການສ້າງແຜນພັດທະນາການສຶກສາ ແລະກີລາ 5 ປີ ຄັ້ງທີ 9 ໂດຍອີງໃສ່ຜົນໄດ້ຮັບຈາກຂະແໜງການຍ່ອຍໃນຂົງເຂດການສຶກສາ ແລະກີລາຕິດພັນກັບແຜນພັດທະນາໃຫ້ຖືກຕ້ອງ ແລະຊັດເຈນ.

ສະໜັບສະໜຸນໂດຍ: HONDA---------

ພາບຂ່າວ:

  ໂອກາດດັ່ງກ່າວທ່ານກາບແກ້ວສີບຸນມາຫົວໜ້າພະແນກສຶກສາທິການ ແລະກີລາແຂວງໄຊຍະບູລີ ໄດ້ກ່າວເປີດກອງປະຊຸມພ້ອມທັງໄດ້ເນັ້ນໜັກໃຫ້ຜູ້ເຂົ້າຮ່ວມກອງປະຊຸມຄົ້ນຄວ້າແລກປ່ຽນຄຳຄິດຄຳເຫັນຢ່າງມີເນື້ອໃນໃຫ້ສອດຄ່ອງກັບສະພາບການສຶກສາ ແລະກີລາໃນແຕ່ລະທ້ອງຖິ່ນຂອງຕົນຢ່າງຖືກຕ້ອງ ແລະຊັດເຈນພ້ອມທັງຊອກວິທີແກ້ ໄຂໃຫ້ເໝາະສົມເພື່ອພັດທະນາການສຶກສາ ແລະກີລາຂອງແຂວງໄຊຍະບູລີ ສືບຕໍ່ຢືນຢູ່ແຖວໜ້າຂອງປະເທດໃນຫຼາຍດ້ານຕາມທິດການພັດທະນາແບບຍືືນຍົງ.

ສະໜັບສະໜຸນໂດຍ: ສ່ວນບຸກຄົນ

----------------

 ໜັງສືພືມເສດຖະກິດ-ສັງຄຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์