ພຣູເດັນໂຊລ໌ ນຳສະເໜີຜະລິດຕະພັນໃໝ່

  ບໍລິສັດ ພຣູເດັນໂຊລ໌ ປະກັນໄພ ຊີວິດ (ລາວ) ຈໍາກັດ ສືບຕໍ່ຂະຫຍາຍຜະລິດຕະພັນຂອງຕົນເພື່ອຕອບໂຈດຄວາມຕ້ອງການລູກຄ້າຫຼາຍຂຶ້ນໃນຍຸກປະຈຸບັນຊຶ່ງໄດ້ມີການແນະນໍາຜະລິດຕະພັນໃໝ່ທີ່ມີຊື່ວ່າ: “ພຣູດຣີມໂພຣເທັກເຕີ” ທີ່ເນັ້ນໃສ່ຄຸ້ມຄອງຊີວິດດ້ວຍຄ່າທໍານຽມທີ່ທຸກຄົນສາມາດຈ່າຍໄດ້ພ້ອມກັບເປີດໂຄງການ “WE DO”.

ພິທີຖະແຫຼງຂ່າວຈັດຂຶ້ນໃນວັນທີ 4 ພະຈິກ 2019 ທີ່ນະຄອນຫຼວງວຽງຈັນ ເຂົ້າຮ່ວມຂອງທ່ານ ນາງ ຈັນສຸກ ຜາລີ ວັນຕາງໜ້າຈາກກົມຄຸ້ມຄອງພັດທະນາວິສາຫະກິດ ແລະປະກັນໄພກະຊວງການເງິນ, ທ່ານ ຈອນ ເພລເຊິນ ອັກຄະລັດຖະທູດອັງກິດປະຈໍາລາວ, ທ່ານ ເດວິດ ນັດແມນ ປະທານສະພາບໍລິຫານຂອງບໍລິສັດ ພຣູເດັນໂຊລ໌ປະ ກັນໄພຊີວິດ (ລາວ) ຈໍາກັດ ມີຜູ້ຕາງໜ້າຈາກ ທຄຕລ, ທະນາຄານເອຊີລິດາ ແລະແຂກຖຶກເຊີນເຂົ້າຮ່ວມ.

ທ່ານ ເດວິດ ນັດແມນ ໄດ້ກ່າວວ່າ: ພຣູ ເດັນໂຊລ໌ ລາວໄດ້ດໍາເນີນທຸລະກິດກ່ຽວ ກັບການປະກັນໄພໃນລາວ ນັບແຕ່ເດືອນພຶດສະພາ 2016 ເປັນຕົ້ນມາ ເພື່ອຕອບສະ ໜອງຄວາມດ້ານປະກັນໄພແກ່ລູກຄ້າໃນ ສັງຄົມລາວ ໄລຍະຜ່ານມາພວກເຮົາມີການບໍລິການທີ່ຫຼາກຫຼາຍບໍ່ວ່າຈະເປັນ ການປະກັນໄພສຸຂະພາບ, ການວາງແຜນ ການເງິນ, ການໃຊ້ຊີວິດ, ການສະສົມທຶນແລະອື່ນໆ.

  ສໍາລັບຜະລິດຕະພັນໃໝ່ນີ້ມີຊື່ວ່າ: “ພຣູດຣີມ ໂພຣເທັກເຕີ” ຫຼື (PRU Dream Protector) ກໍ່ເປັນອີກທາງເລືອກໜຶ່ງຕອບສະໜອງຄວາມຕ້ອງການລູກຄ້າໃຫ້ຫຼາຍຂຶ້ນດ້ວຍລາຄາຖືກ, ທຸກຄົນສາມາດຈ່າຍໄດ້ ແລະມີຂັ້ນຕອນທີ່ງ່າຍດາຍຊຶ່ງພວກເຮົາພ້ອມແລ້ວທີ່ຈະຕອບສະໜອງສັງຄົມລາວນັບແຕ່ມື້ນີ້ເປັນຕົ້ນໄປ.  

ສະໜັບສະໜຸນໂດຍ: HONDA

  ທ່ານກ່າວຕື່ມວ່າ: ນອກຈາກຜະລິດຕະພັນໃໝ່ແລ້ວພວກເຮົາຍັງມີໂຄງການທີ່ມີຊື່ວ່າ: “WE DO” ເຊິ່ງເປັນໂຄງການໜຶ່ງທີ່ຊີ້ໃຫ້ເຫັນເຖິງຄວາມໄວ້ເນື້ອເຊື່ອໃຈໃຫ້ກັບລູກຄ້າພາຍໃຕ້ຄໍາຂວັນທີ່ວ່າ: “ຮັບຟັງ, ເຂົ້າໃຈ ແລະມອບສິ່ງທີ່ດີໃຫ້ແກ່ທ່ານ” ເພາະການຮັບຟັງ ແລະເຂົ້າໃຈລູກຄ້າຖືເປັນສິ່ງທີ່ໜຶ່ງທີ່ພວກເຮົາຈະຕອບສະໜອງ ແລະໃຫ້ຄວາມສໍາຄັນໃນການເຊື່ອມໂຍງລະຫວ່າງຜູ້ຄົນກັບເຄື່ອງມືທີ່ທັນສະໄໝໂດຍເນັ້ນເອົາໃສ່ໃຈຄວາມຕ້ອງການຂອງລູກຄ້າຫຼາຍຂຶ້ນ.

ສະໜັບສະໜຸນໂດຍ: ສ່ວນບຸກຄົນ

__________

ຂຽນໂດຍ: ແພງຕາ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์