ຍທຂ ກຳນົດ 10 ຈຸດໝາຍລວມ 8 ຈຸດປະສົງຄຸ້ມຄອງ

 ເພື່ອປຶກສາຫາລືການຕີລາຄາໝາກຜົນຂອງການຈັດຕັ້ງປະຕິບັດພ້ອມທັງວາງແຜນການຮ່ວມມືລະຫວ່າງລັດຖະບານກໍຄືຂະແໜງການໂຍທາທິການ ແລະຂົນສົ່ງ (ຍທຂ) ກັບບັນດາຄູ່ຮ່ວມພັດທະນາເພື່ອແນໃສ່ເຮັດໃຫ້ການພັດທະນາຂະແໜງການດັ່ງກ່າວສະໜັບສະໜູນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ ໃນວັນທີ 1 ພະຈິກທີ່ນະຄອນຫຼວງວຽງຈັນ ກະຊວງ ຍທຂ ໄດ້ຈັດກອງປະຊຸມຂະແໜງພື້ນຖານໂຄງລ່າງຄັ້ງທີ 12 ໂດຍການເປັນປະທານຂອງທ່ານ ບຸນຈັນ ສິນທະວົງ ລັດ ຖະມົນຕີກະຊວງ ຍທຂ, ທ່ານ ເກໂຊ ຕາເກວາກາ ເອັກອັກຄະຣາຊະທູດຍີ່ປຸ່ນປະຈໍາລາວ, ທ່ານຢາຊູຊິ ເນກີຊິ ຜູ້ຕາງໜ້າຫ້ອງການທະນາຄານພັດທະນາອາຊີປະຈໍາລາວ ແລະທ່ານ ສົມບັດ ສຸດທິວົງ ຊ່ຽວຊານອາວຸໂສດ້ານໂຄງລ່າງພື້ນຖານຫ້ອງການທະນາຄານໂລກປະຈໍາລາວພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

  ທ່ານ ບຸນຈັນ ສິນທະວົງ ກ່າວວ່າ: ບົດບາດຂອງບັນດາຄູ່ຮ່ວມພັດທະນາໃນການໃຫ້ການຊ່ວຍເຫຼືອດ້ານການພັດທະນາ ແລະການປະກອບສ່ວນທາງດ້ານຄວາມຮູ້ ແລະປະສົບການຖືວ່າມີຄວາມສໍາຄັນຫຼາຍ. ການບັນລຸເປົ້າໝາຍຂອງແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ IX ແລະ ເປົ້າໝາຍການພັດທະນາຂອງຂະ ແໜງການ ຍທຂ ແມ່ນຂຶ້ນກັບການສືບຕໍ່ໃຫ້ການສະໜັບສະໜູນ ແລະການສະໜອງທຶນຮອນໃນການພັດ ທະນາບັນດາພື້ນຖານໂຄງລ່າງດ້ານຄົມມະນາຄົມ-ຂົນສົ່ງ, ວຽ ກງານນໍ້າປະປາ ແລະສຸຂະພາບ ແລະການພັດທະນາຕົວເມືອງຢ່າງຍືນຍົງ ແລະການພັດທະນາຄວາມສາມາດຂອງຂະແໜງການ ຍທຂ, ຈາກສະຖານະພາບ ແລະມີທີ່ຕັ້ງທີ່ເປັນຍຸດທະສາດຂອງໃນອະນຸພາກພື້ນແມ່ນໍ້າຂອງລາວໄດ້ມີບັນດາຂໍ້ຕົນລົງທາງດ້ານການອໍານວຍຄວາມສະດວກດ້ານການຄ້າ ແລະການພັດທະນາເສດຖະກິດກັບບັນ ດາປະເທດອ້ອມຂ້າງ ແລະບັນດາປະເທດໃນ ASEAN.

  ນອກນັ້ນໃນກອງປະຊຸມດັ່ງກ່າວຍັງໄດ້ສະເໜີຮ່າງຂອບນະໂຍບາຍຄົມມະນາຄົມຂົນສົ່ງໂດຍກໍານົດ 10 ຈຸດໝາຍ ລວມ, 8 ຈຸດປະສົງຄຸ້ມຄອງ ແລະບັນດາຫຼັກການຂອງນະໂຍບາຍໄດ້ກາຍເປັນຂອດໃຈກາງໃນການສ້າງແຜນພັດທະນາ 5 ປີຕໍ່ໜ້າແລະແຜນຍຸດທະສາດ 10 ປີ ຂອງຂະແໜງ ຍທຂ, ລັດຖະບານລາວມີຄວາມມຸ່່ງຫວັງໃນການໄດ້ຮັບການຮ່ວມມືຈາກບັນດາຄູ່ຮ່ວມພັດທະນາໃນການຈັດຕັ້ງປະຕິບັດບັນດາບູລິມະສິດທີ່ໄດ້ສະເໜີແນະໃນກອບນະໂຍບາຍດັ່ງກ່າວ.

ສະໜັບສະໜຸນໂດຍ: ສ່ວນບຸກຄົນ

  ໃນກອງປະຊຸມດັ່ງກ່າວໄດ້ປຶກສາຫາລືກ່ຽວກັບໝາກຜົນການດໍາເນີນງານບັນດາໜ້າວຽກ ແລະກິດຈະກໍາຂອງບັນດາໂຄງການຮ່ວມມືໃນໄລຍະ 1 ປີຜ່ານມາ, ສະເໜີເນື້ອໃນສໍາຄັນຂອງຮ່າງແຜນພັດທະນາຂະແໜງການໂຍທາທິການ ແລະຂົນສົ່ງ 5 ປີ (2021-2025) ຊຶ່ງຈະປະ ກອບສ່ວນເຂົ້າໃນການຈັດຕັ້ງແຜນພັດທະນາເສດ ຖະກິດ-ສັງຄົມແຫ່ງຊາດ 5 ປີ ຄັ້ງທີ IX ທີ່ຈະສຸມໃສ່ການບັນລຸເປົ້າໝາຍການພັດທະນາແບບຍືນຍົງເພື່ອນໍາພາປະເທດຊາດບັນລຸເງື່ອນໄຂການຫຼຸດພົ້ນອອກຈາກສະຖາ ນະພາບຄວາມດ້ອຍພັດທະນາຢ່າງໜັກແໜ້ນ.

  ສະໜັບສະໜຸນໂດຍ: HONDA

----------------

ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์