ການແຫ່ຜາສາດເຜິ້ງ

   ໃນການສະເຫຼີມສະຫຼອງບຸນນະມັດສະການພະທາດຫຼວງລວມມີພິທີກໍາທາງສາສະໜາສໍາຄັນຫຼາຍຢ່າງເປັນຕົ້ນແມ່ນ: ພິທີສູດມຸງຄຸນ, ການແຫ່ຜາສາດເຜິ້ງ, ໃສ່ບາດຖວາຍສັງຂະທານ, ວຽນທຽນ, ຈູດບັ້ງໄຟສັກກະລະບູຊາອົງພະທາດ, ການສະແດງສິລະປະວັນນະຄະດີ (ຟ້ອນ, ຂັບລໍາ) ແລະກິດຈະກໍາອື່ນໆ  ທີ່ຕິດພັນກັບປະເພນີຂອງລາວ, ສໍາລັບການແຫ່ຜາສາດເຜິ້ງແມ່ນວັດທະນະທຳອັນດີງາມສະແດງເຖິງຄວາມພາກພຽນ, ການປະດິດຄິດສ້າງທັງເປັນການເຕົ້າໂຮມຄວາມສາມັກຄີລະຫວ່າງຄອບຄົວ , ບ້ານ ແລະເມືອງ ໂດຍຈັດຂຶ້ນທຸກໆປີໃນມື້ຂຶ້ນ 14 ຄໍ່າ ເດືອນສິບສອງລາວ, ຊຶ່ງປີນີ້ກົງກັບວັນທີ 10 ພະຈິກ.

  ການແຫ່ຜາສາດເຜິ້ງເປັນປະເພນີທີ່ໄດ້ສືບທອດປະຕິບັດກັນມາແຕ່ດົນນານຕາມຄວາມເຊື່ອທີ່ວ່າ “ການແຫ່ຜາສາດເຜິ້ງເປັນການສ້າງບຸນກຸສົນເມື່ອຕາຍໄປແລ້ວຈະໄດ້ຂຶ້ນສະຫວັນຊັ້ນຟ້າ” ຄວາມ ເຊື່ອນີ້ມາຈາກເຫດການຕອນທີ່ພະພຸດທະເຈົ້າສະເດັດໄປຈຳພັນສາເທສະໜາໂປດພະພຸດທະມານດາ ແລະເຫຼົ່າເທວະດາດ້ວຍການເປີດໂລກທັງສາມຄື: ສະຫວັນພູມ, ມະນຸດພູມ ແລະນະລົກພູມ ໄດ້ເຫັນເຊິ່ງກັນ ແລະກັນໂດຍຕະຫຼອດເຮັດໃຫ້ຄົນເຫັນຄວາມແຕກຕ່າງຂອງຄວາມສະດວກສະບາຍເທິງສະຫວັນຊັ້ນຟ້າ ແລະຄວາມຕົກທຸກໄດ້ຍາກຢູ່ນະລົກພູມ, ເຫດການດັ່ງກ່າວເຮັດໃຫ້ພຸດທະສາສະນິກະຊົນຄິດສ້າງອາຄານສາສະໜາຖວາຍເປັນພຸດທະບູຊາດ້ວຍແຮງປາຖະໜາໃຫ້ເປັນອານິສົງເພື່ອທີ່ຈະໄດ້ໄປເກີດເທິງສະຫວັນ.

ສະໜັບສະໜຸນໂດຍ: HONDA

  ໃນມື້ແຫ່ຜາສາດເຜິ້ງ, ປະຊາຊົນລາວໄດ້ພ້ອມຈິດພ້ອມໃຈກັນປະດິດຕົ້ນເຜິ້ງຂອງໃຜລາວ, ບາງບ້ານບາງເມືອງ ປະດິດສ້າງຕົ້ນ ເຜິ້ງຂະໜາດໃຫຍ່ເປັນຮູບຄືຜາສາດ ໂດຍໃຊ້ຫຼາຍຄົນແບກຫາມ, ສ່ວນຂະບວນແຫ່ກໍມີສີສັນແຕກຕ່າງກັນຄື: ມີຂະບວນທັ່ງບັ້ງ, ຂະບວນຊຸດຊົນເຜົ່າ, ຕໍາເຂົ້າເປົ່າແຄນ, ທັງຕີກອງ, ຕີແຊ່ງ, ລໍາເຊີ້ງ, ມີຂະບວນນັກຮຽນ, ຂະບວນປະເພນີລາວຍິງສາວນຸ່ງຊຸດໄໝ ເກົ້າຜົມບ່ຽງແພ, ຜູ້ຊາຍນຸ່ງເສື້ອ ຂາວມັດແພກັດຕ້ຽວ, ຂະບວນ ເຖົ້າແກ່ແນວໂຮມນຳໜ້າໂດຍຂະບວນພະສົງ ແລະຜູ້ນຳລາວທີ່ພ້ອມກັນແຫ່ອ້ອມພະທາດຫຼວງຈານັ້ນກໍ່ໄດ້ຖວາຍຜາສາດເຜິ້ງ ແລະຟັງທຳມະເທສະໜາໂດຍລວມແລ້ວກິດຈະກຳດັ່ງກ່າວແມ່ນມີຄວາມຄຶກຄື້ນມ່ວນຊື່ນໄດ້ທັງຮີດ ຄອງປະເພນີອັນດີງາມຂອງຊາດໄດ້ທັງຄວາມສາມັກຄີຮັກແພງເຊິ່ງ z ກັນ ແລະກັນລະຫວ່າງປະຊາຊົນລາວບັນດາເຜົ່າ.

ສະໜັບສະໜຸນໂດຍ: ສ່ວນບຸກຄົນ

 

----------------

ໜັງສືພິມເສດຖະກິດ-ສັງຄຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

 

แชร์