ເປີດເປັນທາງການງານບຸນນະມັດສະການພະທາດຫຼວງ ແລະວາງສະແດງສິນຄ້າ

  ເປີດເປັນທາງການບຸນນະມັດສະການພະທາດຫຼວງວຽງຈັນ ແລະວາງສະແດງສິນຄ້າປະຈຳປີ 2019 ໃນແລງວັນທີ 5 ຕຸລາ 2019 ໂດຍໃຫ້ກຽດເຂົ້າຮ່ວມຂອງທ່ານ ບຸນທອງ ຈິດມະນີ ຮອງນາຍົກລັດຖະມົນຕີພ້ອມນີ້ກໍມີ ທ່ານ ສິນລະວົງຄຸດ ໄພທູນ ເຈົ້າຄອງນະຄອນຫຼວງວຽງຈັນ, ບັນດາການນຳພັກ-ລັດ ຕະຫຼອດຮອດພະນັກງານ, ນັກທຸລະກິດ, ຜູ້ປະກອບການ ແລະມວນຊົນເຂົ້າຮ່ວມຢ່າງຫຼວງຫຼາຍ.

ເພື່ອເຮັດໃຫ້ງານບຸນນະມັດສະການພະທາດຫຼວງມີບັນຍາກາດເບີກບານມ່ວນຊື່ນຮັກສາໄວ້ຄວາມສາມັກຄີເປັນປຶກແຜ່ນ, ຍົກສູງຄຸນຄ່າມໍລະດົກມິ່ງເມືອງຊຶ່ງເປັນສັນຍາລັກຂອງຄວາມສາມັກຄີປອງດອງຄວາມບຸກບືນຫ້າວຫັນໃນການສ້າງບ້ານແປງເມືອງໃຫ້ມີຄວາມຈະເລີນຮຸ່ງເຮືອງຍິ່ງໆຂຶ້ນ.

 ງານວາງສະແດງສິນຄ້າໄດ້ກຳນົດຢູ່ເດີ່ນພະທາດຫຼວງເລີ່ມແຕ່ວັນທີ 5-11 ພະຈິກ 2019 ແລະສູນການຄ້າລາວ-ໄອເຕັກເລີ່ມແຕ່ວັນທີ 6-17 ພະຈິກ 2019, ສິນ ຄ້າທີ່ມາວາງສະແດງ ແລະຂາຍມີສິນຄ້າໂອດັອບ, ສິນຄ້າຄອບຄົວຕົວແບບ, ສິນຄ້າຜະລິດຕະພັນພາຍໃນ ແລະການວາງສະແດງສິນຄ້າການທ່ອງທ່ຽວ, ລວມທັງອາຫານ, ເຄື່ອງດື່ມ, ເຂົ້າຫຼາມ-ປິ້ງໄກ່ ຊຶ່ງເປັນວັດທະນະທຳອາຫານພື້ນບ້ານຂອງລາວ.

ສະໜັບສະໜຸນໂດຍ: HONDA

 ນອກນີ້ພາຍໃນງານວາງສະແດງຍັງຈັດໃຫ້ມີການສະແດງສິລະປະວັນນະຄະດີທັງມືອາຊີບ ແລະສະໝັກຫຼິ້ນຈາກຫຼາຍທ້ອງຖິ່ນນອກນັ້ນຍັງໄດ້ຈັດໃຫ້ມີການແຂ່ງຂັນກີລາ ຕີມວຍນຳອີກດ້ວຍ.

  ສຳລັບບັນດາກິດຈະກຳທີ່ກ່ຽວກັບຮີດຄອງທາງດ້ານສາສະໜາຂອງງານບຸນນະມັດສະການພະທາດຫຼວງມີຄື:

  ວັນທີ 9 ພະຈິກ 2019 ເວລາ 16:00 ໂມງ ພິທີສູດປະລິຕະມຸງຄຸນທີ່ພະທາດຫຼວງ;

  ວັນທີ 10 ພະຈິກ 2019 ເວລາ 13:00 ໂມງ ພິທີແຫ່ພະສາດເຜິ້ງ;

  ວັນທີ 11 ພະຈິກ 2019 ເວລາ 7:00 ໂມງ ພິທີໃສ່ບາດຖວາຍສັງຄະຖານ;

 ເວລາ 13:00 ໂມງ ພິທີແຫ່ລູກຄີ ແລະການແຂ່ງຂັນກີລາພື້ນບ້ານຕີຄີ;

 ເວລາ 19:00 ໂມງ ພິທີວຽນທຽນ ແລະຈຸດທູບທຽນ, ບັ້ງໄຟສັກກະລະບູຊາອົງພະທາດ.

ສະໜັບສະໜຸນໂດຍ: ສ່ວນບຸກຄົນ

  ສ່ວນການປະຕິສັງຂອນພິພິທະພັນພະທາດຫຼວງ ຄັ້ງທີ 4 ໄດ້ເລີ່ມມາຕັ້ງແຕ່ປີ 2016 ມາຮອດປະຈຸບັນນີ້ໄດ້ສຳເລັດລົງແລ້ວບັນດາວຽກໃຫຍ່ພື້ນຖານທີ່ໄດ້ປະຕິບັດຜ່ານມາເປັນ 1 ໂບກຮອຍແຕກແຫງອົງພະທາດ ແລະຫໍໄຫ້ວທັງສີ່ເບື້ອງ; 2 ທາສີຄຳອົງພະທາດໃຫຍ່-ທາດນ້ອຍສາມສິບລູກ-ພະທາດທຳມະສິຫາຍໂສກ ແລະ ຫໍກວມ; 3 ບູລະນະຫຼັງຄາກົມມະລຽນຄືນໃໝ່; 4 ສ້ອມແປງຊຸ້ມປະຕູໃຫຍ່ທັງສີ່ເບື້ອງ; 5 ປັບປຸງພື້ນ ແລະລະບຽບ; 6 ປັບປຸງຮ່ອງນໍ້າອ້ອມຂ້າງ; 7 ປັບປຸງລະບົບ ໄຟຟ້າປັບປຸງລະ ບົບໄຟຟ້າໃນກົມມະລຽນ ແລະອ້ອມຂ້າງສະໜາມ ແລະໂອບຄຳໃສ່ຍອດພະທາດຫຼວງ, ທາດປະລະມີ 30 ລູກ ແລະຫຼໍ່ພະພຸດທະຮູບອົງຄຳ ແລະວຽກອື່ນໆ.

_____________

ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์