ໜຶ່ງເມືອງລາວ ເລັ່ງຝຶກຊ້ອມໜັກ ເພື່ອປ້ອງກັນແຊ້ມໃນຊີເກມ

 ສິດທິເດດ ສັກບ່ຽງ ຫຼືໜຶ່ງເມືອງລາວນັກກີລາສະນຸກເກີມື 1 ຂອງປະເທດລາວເຈົ້າຂອງຫຼຽນຄຳງານມະຫະກຳກີລາຊີເກມຄັ້ງທີ 29 ທີ່ປະເທດມາເລເຊຍໄດ້ເລີ່ມເກັບຕົວຝຶກຊ້ອມແຕ່ຕົ້ນເດືອນກັນຍາ ທີ່ຜ່ານມາໂດຍໄດ້ເນັ້ນຊ້ອມມື້ລະ 6 ຊົ່ວໂມງ ມີທັງຫຼິ້ນເອົາກຳລັງ, ເຂົ້າຟິດເນັດ ແລະຊ້ອມຕົວຈິງຢູ່ທີ່ສະໂມສອນເອັດເອັມສະນຸກເກີມຸກດາຫານ ປະເທດໄທບ່ອນເຮັດວຽກປະຈຳທີ່ແຂວງມຸກດາຫານປະເທດໄທ, ມາຮອດປະຈຸບັນມີຄວາມພ້ອມແລ້ວເກືອບ 100% ເພື່ອປ້ອງກັນແຊ້ມຫຼຽນຄຳໃນງານມະຫະກຳກີລາຊີເກມ ຄັ້ງທີ 30 ທີ່ປະເທດຟິລິບປິນເປັນເຈົ້າພາບ.

  ຕາມການລາຍງານຂອງທ້າວ ສິດທິເດດ ສັກບ່ຽງ ນັກກີລາມືຂອງທີມຊາດລາວປະຈຸບັນສັງກັດຢູ່ສະໂມສອນຢູ່ເອັດເອັມສະນຸກເກີມຸກດາຫານ ແຂວງມຸກດາຫານປະເທດໄທ ໃຫ້ຮູ້ວ່າ: ເຫດຜົນທີ່ ຍັງບໍ່ໄດ້ເດີນທາງມາສົມທົບກັບໝູ່ ເພື່ອນນັກກີລາສະນຸກເກີທີມຊາດ ລາວດ້ວຍກັນທີ່ກຳລັງເກັບຕົວຝຶກ ຊ້ອມຢູ່ນະຄອນຫຼວງວຽງຈັນ ຍ້ອນວ່າຕົນເອງຈະກຽມເຂົ້າຮ່ວມການ ແຂ່ງຂັນລາຍການໃຫຍ່ທີ່ນະຄອນຫຼວງບາງກອກ ປະເທດໄທ ເປັນເຈົ້າພາບລະຫວ່າງວັນທີ 5-20 ພະຈິກ 2019 ຊີງເງິນລາງວັນລວມເກືອບ 100 ລ້ານກີບ ລາຍການນີ້ຈະມີນັກກີລາສະນຸກເກີທີ່ ຕິດທີມຊາດໄທ ແລະມືອັນດັບຕົ້ນໆ ຂອງໄທເຂົ້າຮ່ວມຊີງໄຊ 300 ກວ່າຄົນ ສ່ວນຕົນເອງຈະລົງແຂ່ງຂັນໃນວັນທີ 8 ພະຈິກນີ້ ຖ້າຫາກວ່າ ຕົນຊະນະກໍ່ຈະໄດ້ໄປຕໍ່ແຕ່ຖ້າຫາກວ່າເສຍກໍຈະໄດ້ກັບນະຄອນຫຼວງວຽງຈັນ ເພື່ອສົມທົບກັບເພື່ອນຮ່ວມຝຶກຊ້ອມກັບທີມໃນການກຽມເຂົ້າຮ່ວມກີລາຊີເກມທີ່ປະເທດຟິລິບປິນເປັນເຈົ້າພາບລະຫວ່າງ ວັນທີ 30 ພະຈິກ ຫາ 12 ທັນວາ 2019.

ສະໜັບສະໜຸນໂດຍ: HONDA

ຫຼັງຈາກໄດ້ສ້າງຜົນງານເປັນຄັ້ງປະຫວັດສາດໃຫ້ແກ່ວົງການສະນຸກເກີທີມຊາດລາວໃນຊີເກມເມື່ອປີ 2017 ເປັນຕົ້ນມາໜຶ່ງ ເມືອງລາວ ກໍບໍ່ໄດ້ຢຸດໃນການຝຶກຝົນຫຼໍ່ຫຼອມຕົນເອງ ແລະໄດ້ເຂົ້າຮ່ວມການແຂ່ງຂັນຢ່າງຕໍ່ເນື່ອງໂດຍສະເພາະໃນຕົ້ນເດືອນກັນຍາ ທີ່ຜ່ານມາກໍໄດ້ຝຶກຊ້ອມໝັກກວ່າຫຼັກການຕົວຈິງລະດັບໂລກເຂົາກຳນົດໃນການຝຶກຊ້ອມມື້ລະ 4-5 ຊົ່ວໂມງ ແຕ່ຕົນເອງແມ່ນໄດ້ຝຶກຊ້ອມມື້ລະ 6 ຊົ່ວໂມງ.

ສະໜັບສະໜຸນໂດຍ: ສ່ວນບຸກຄົນ

--------------

 ໜັງສືພິມເສດຖະກິດ-ສັງຄຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์