ໂຮງຮຽນຊົນເຜົ່າອຸດົມໄຊ ແຂ່ງຂັນກີລາ-ສີລະປະ

 ວັນທີ 1 ພະຈິກ ຜ່ານມາ ໂຮງຮຽນສາມັນກິນນອນຊົນເຜົ່າ ອຸດົມໄຊ ໄດ້ຈັດພິທີການແຂ່ງຂັນກີລາ ແລະສີລະປະ-ວັນນະຄະດີປະຈຳສົກຮຽນ 2019 2020 ທີ່ສະໜາມກີລາຂອງໂຮງຮຽນ ໂດຍການເປັນປະທານຂອງທ່ານ ສົມຈັນ ພົນທະສິດ ຮັກສາການຜູ້ອໍາ ນວຍການໂຮງຮຽນ, ເຂົ້າຮ່ວມ ຂອງທ່ານ ຄຳແສງ ວັນນະຈິດ ຮອງຂະແໜງພະລະສິລະປະ, ທ່ານ ວັນໄຊ ສຸຂະຜົນ ຮອງຫົວ ໜ້າຂະແໜງມັດທະຍົມ, ມີແຂກ ເຊີນຈາກໂຮງຮຽນອ້ອມຂ້າງ, ມີພະນັກງານຄູ-ອາຈານ ຕະຫຼອດ ຮອດນ້ອງນັກຮຽນເຂົ້າຮ່ວມ.

ຈຸດປະສົງຂອງການຈັດການ ແຂ່ງຂັນກີລາ-ສິລະປະແມ່ນເພື່ອສ້າງໃຫ້ນັກຮຽນມີທັກສະໃນການຫຼິ້ນກີລາ, ມີສຸຂະພາບແຂງແຮງ, ຫ່າງໄກຢາເສບຕິດ, ເປີດໂອກາດໃຫ້ນັກຮຽນໄດ້ກ້າສະແດງອອກຄວາມຮູ້ຄວາມສາມາດຂອງຕົນ ເອງ, ມີນໍ້າໃຈຮັກແພງຊ່ວຍເຫຼືອ, ມີຄວາມສາມັກຄີລະຫວ່າງເຜົ່າ ແລະເພື່ອໃຫ້ສອດຄ່ອງກັບ 5 ຫຼັກມູນການສຶກສາແນໃສ່ສ້າງໂຮງ ຮຽນເປັນໂຮງຮຽນຕົວແບບທາງດ້ານພາລະສຶກສາ ແລະສີລະປະສຶກສາ.

------------------

ໜັງສືພິມເສດຖະກິດ-ສັງຄຄົມ

แชร์