ຕະຫຼອດ 10 ປີ ມຂ ສ້າງບຸກຄະລາກອນ ຫຼາກຫຼາຍສາຂາອາຊີບ

  ເວລາຜ່ານໄປຄົບຮອບ 10 ປີພໍດີສຳລັບການສ້າງຕັ້ງມະຫາວິທະຍາໄລສະຫວັນນະເຂດ (ມຂ) ຊຶ່ງເປັນມະຫາວິທະຍາແຫ່ງທີ 4 ຂອງ ສປປ ລາວ ມະຫາວິທະຍາ ໄລສະຫວັນນະເຂດ ໄດ້ຮັບການສ້າງຕັ້ງຂຶ້ນໃນວັນທີ 12 ຕຸລາ 2009, ເພື່ອເປັນການຢັ້ງຢືນເຖິງຜົນສຳເລັດແຫ່ງການພັດທະນາສະຖາບັນການສຶກສາຕົນຕະຫຼອດໄລຍະ 10 ປີທີ່ຜ່ານມາ, ໃນວັນ 30 ຕຸລາຜ່ານມາມະຫາວິທະຍາໄລສະຫວັນນະເຂດໄດ້ຈັດພິທີສະເຫຼີມສະຫຼອງວັນສ້າງຕັ້ງມະຫາວິທະຍາໄລສະຫວັນນະເຂດ ໃຫ້ກຽດເຂົ້າຮ່ວມຂອງທ່ານ ນາງ ແສງເດືອນ ຫຼ້າຈັນທະບູນ ລັດຖະມົນຕີກະຊວງສຶກສາທິການ ແລະກີລາ, ທ່ານ ທ່ອນແກ້ວ ພຸດທະໄກຍະລາດ ຮອງເຈົ້າແຂວງສະຫວັນນະເຂດ, ທ່ານ ສຸລິຍົງ ໄຊໂກສີ ຮັກສາການອະທິການບໍດີມະຫາວິທະຍາໄລສະຫວັນນະເຂດ ພ້ອມແຂກຖືກເຊີນເຂົ້າຮ່ວມ.

ທ່ານ ສີທາ ເຂັມມະລາດ ຮອງ ອະທິການບໍດີຝ່າຍວິຊາການໄດ້ກ່າວວ່າ:ຕະຫຼອດໄລຍະ 10 ປີ ມຂ ໄດ້ຮັບນັກສຶກສາທັງໝົດ 8.811 ຄົນ, ຍິງ 4.636 ຄົນ ແລະສຳເລັດການສຶກສາລະດັບປະລິນຍາຕີໄປແລ້ວ 6 ຮຸ່ນມີຈຳນວນນັກສຶກສາທີ່ສຳເລັດການຮຽນແລ້ວອອກຮັບໃຊ້ສັງຄົມໃນສາຂາອາຊີບຕ່າງໆ ຈຳນວນ 5.849 ຄົນ, ຍິງ 3.233 ຄົນ, ປະຈຸບັນ ມຂ ໄດ້ບັນຈຸຄະນະວິຊາຕ່າງໆ ເປັນຕົ້ນແມ່ນຄະນະກະເສດສາດ ແລະສິ່ງແວດລ້ອມ, ບໍລິຫານທຸລະກິດ,ພາສາ ແລະມະນຸດສາດ, ເຕັກໂນໂລຊີ-ຂໍ້ມູນຂ່າວສານ, ວິທະຍາສາດອາຫານ, ສຶກສາສາດ, ວິທະຍາສາດທຳມະຊາດ,ວິສາວະກຳສາດ ແລະ ຫຼັກສູດປະລິນຍາຕີພັດທະນາຊົນນະບົດ, ຫຼັກສູດປະລິນຍາໂທ

ສະໜັບສະໜຸນໂດຍ: ສ່ວນບຸກຄົນ

ພັດທະນາເສດຖະກິດຊົນນະບົດ ແລະການບໍລິຫານການສຶກສາ-ພັດທະນາ, ໃ ນສົກປີ 2018-2019 ມຂ ມີພະນັກງານທັງໝົດ309 ຄົນ, ຍິງ 134 ຄົນ, ສ່ວນການພັດທະນາພື້ນຖານໂຄງລ່າງ ແມ່ນເລັ່ງໃສ່ສອງວິທະຍາເຂດຄື: ວິທະຍາເຂດນາເຊັງໃຊ້ຫ້ອງຮຽນ ຂອງໂຮງຮຽນ ມສ ຊົນເຜົ່າ ແລະ ພອນສະຫວັນໃນສົກປີ 2018-2019 ສຳເລັດການສ້າງຫ້ອງ ການ, ຫ້ອງສະໝຸດ ແລະຫ້ອງ ຮຽນເພີ່ມ 7 ຫຼັງ, ສ່ວນວິທະຍາເຂດໜອງຜືສຳເລັດການກໍ່ສ້າງຫ້ອງການ, ຫ້ອງຮຽນພ້ອມເຄື່ອງເຟີນີເຈີ ແລະອຸປະກອນການຮຽນໄດ້ 1 ຫຼັງໃນພິທີຄັ້ງນີ້ຍັງໄດ້ມີການມອບຫຼຽນໄຊແຮງງານຊັ້ນ II, ຫຼຽນ ໄຊແຮງງານຊັ້ນ III ແລະໃບຍ້ອງຍໍຂັ້ນຕ່າງໆໃຫ້ແກ່ບຸກຄົນ ແລະຄະນະຕ່າງໆຢ່າງສົມກຽດພ້ອມນັ້ນຍັງໄດ້ຈັດງານວາງສະແດງຜົນງານການວິໄຈ ແລະຜົນງານການ ຄົ້ນຄວ້າຈາກຄະນະສາຂາວິຊາຕ່າງໆຫຼາຍສິບຮ້ານ ແລະໄດ້ມີການຕັດແຖບຜ້າ-ປ່ອຍໝາກປຸ້ງ ເປົ້າເພື່ອເປັນສັນຍາລັກແຫ່ງການເຕີບໃຫຍ່ເຂັ້ມແຂງຂອງມະຫາວິ ທະຍາໄລສະຫວັນນະເຂດຕະຫຼອດໄລຍະ 10 ປີຜ່ານມາ.

ສະໜັບສະໜຸນໂດຍ: HONDA

-----------------

 ໜັງສືພິມເສດຖະກິດ-ສັງຄຄົມ

แชร์