ຄະນະຜູ້ແທນລາວເຂົ້າຮ່ວມກອງປະຊູມລັດຖະມົນຕີສະພາປະຊາຄົມ ວັດທະນະທໍາ-ສັງຄົມອາຊຽນ

 ຄະນະຜູ້ແທນລາວນຳໂດຍ ທ່ານ ສະຫວັນຄອນ ຣາຊມຸນຕີ, ຮອງລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະທ່ອງທ່ຽວພ້ອມດ້ວຍເຈົ້າໜ້າທີ່ອາວຸໂສປະຊາ ຄົມວັດທະນະທຳ-ສັງ ຄົມອາຊຽນ ສປປ ລາວ ແລະວິຊາການທີ່ກ່ຽວຂ້ອງໄດ້ເຂົ້າຮ່ວມກອງປະຊຸມລັດຖະມົນຕີສະພາປະຊາຄົມວັດທະນະທຳ-ສັງຄົມອາຊຽນ 22 ແລະບັນດາກອງປະຊຸມປິ່ນອ້ອມ ໃນວັນທີ 02 ພະຈິກ 2019 ທີ່ ບາງກອກ ປະເທດໄທ ພາຍໃຕ້ ຫົວຂໍ້ ຮ່ວມມື ຮ່ວມໃຈກ້າວໜ້າ ເພື່ອຄວາມຍືນຍົງ (Advancing Partnership for Sustainability), ພາຍໃຕ້ການເປັນປະທານຂອງ ທ່ານ ຈຸຕິ ໄກຣເຣີກ ລັດຖະມົນຕີກະຊວງພັດທະນາສັງຄົມ ແລະ ຄວາມໝັ້ນຄົງຂອງມະນຸດແຫ່ງປະເທດໄທ.

ກອງປະຊຸມໄດ້ປຶກສາຫາລືບັນຫາຕ່າງໆຢ່າງກວ້າງຂວາງ ແລະ ສ້າງສັນໃນນັ້ນໄດ້ພິຈາລະນາຮັບຮອງບັນດາເອກະສານສຳຄັນ ທີ່ຂະແໜງການກ່ຽວຂ້ອງໄດ້ຄົ້ນຄວ້າພິຈາລະນາ ເພື່ອສະເໜີໃຫ້ຜູ້ ນຳອາຊຽນຮັບຮອງ ແລະຮັບຊາບທີ່ກອງປະຊຸມສຸດຍອດຜູ້ນຳອາຊຽນ ຄັ້ງທີ 35 ໃນຕອນບ່າຍຂອງວັນດຽວກັນຄື:

1) ເພື່ອຮັບຮອງຖະແຫຼງການ ຮ່ວມອາຊຽນທີ່ຈະສະເໜີຕໍ່ກອງປະຊຸມລັດພາຄີ ຕໍ່ສົນທິສັນຍາສະຫະປະຊາຊາດດ້ານການປ່ຽນແປງດິນຟ້າອາກາດຄັ້ງທີ 25; ຖະແຫຼງ ການອາຊຽນ ວ່າດ້ວຍການປົກປ້ອງເດັກຈາກທຸກຮູບແບບໃນການລ່ວງລະເມີດ ແລະຂູດຮີດທາງເພດໂດຍຜ່ານສື່ອອນລາຍ;ຖະແຫຼງ ການອາຊຽນວ່າດ້ວຍ ສິດທິເດັກໃນ ການເຄື່ອນຍ້າຍຖິ່ນຖານ; ຖະແຫຼງ ການບາງກອກວ່າດ້ວຍການໃຫ້ຜູ້ ຮ່ວມພັດທະນາຊຸກຍູ້ການສຶກສາ ແບບຍືນຍົງໃນອາຊຽນຕາມວາ ລະ;ຖະແຫຼງການຮ່ວມວ່າດ້ວຍການຢືນຢັນຄວາມໝາຍໝັ້ນໃນການກ້າວໄປສູ່ສິດທິເດັກໃນອາ ຊຽນ; ຖະແຫຼງການຜູ້ນຳອາຊຽນ ວ່າດ້ວຍຄວາມໝັ້ນຄົງ ແລະເຂັ້ມ ແຂງດ້ວຍຕົນເອງທາງດ້ານວັກແຊັງ.

2) ເພື່ອຮັບຊາບບົດແນະນຳ ແລະລະບຽບການພາກພື້ນໃນການຕອບສະໜອງຕໍ່ຄວາມຕ້ອງການຂອງເຍື່ອການຄ້າມະນຸດໂດຍສະເພາະແມ່ຍິງ ແລະເດັກນ້ອຍ; ຖະແຫຼງການອາຊຽນວ່າດ້ວຍການສົ່ງເສີມການປົກຄອງທີ່ດີ ແລະການຍົກລະດັບພະນັກງານລັດຖະກອນໃນຍຸກເສດຖະກິດດິຈິຕອລ; ແຜນປະຕິບັດງານພາກພື້ນເພື່ອສ້າງ ຄວາມເຂັ້ມແຂງທາງດ້ານການສຶກສາໃຫ້ແກ່ເດັກນ້ອຍ ແລະໄວໜຸ່ມນອກໂຮງຮຽນ.

ພ້ອມດຽວກັນນັ້ນ, ທ່ານຮອງ ລັດຖະມົນຕີຍັງໄດ້ປະກອບຄຳເຫັນ ຕໍ່ກອງປະຊຸມຄັ້ງນີ້ວ່າ: ສປປ ລາວ ເຫັນດີ ແລະສະແດງຄວາມຊົມເຊີຍຕໍ່ປະເທດໄທໃນການເປັນປະທານອາຊຽນ ປີ 2019 ພາຍໃຕ້ຫົວຂໍ້: ຮ່ວມມື ຮ່ວມໃຈ ກ້າວໜ້າ ເພື່ອຄວາມຍືນຍົງ ຊຶ່ງໃນນັ້ນ, ມີບັນດາເອກະສານທີ່ສໍາຄັນທີ່ຈະສະເໜີໃຫ້ຜູ້ນໍາອາຊຽນພິຈາລະນາຮັບຮອງ ແລະຮັບຊາບທີ່ກອງ ປະຊຸມສຸດຍອດອາຊຽນຄັ້ງທີ 35 ທີ່ຈະຈັດຂຶ້ນໃນມໍ່ໆນີ້.

ສະໜັບສະໜຸນໂດຍ: ສ່ວນບຸກຄົນ

ນອກຈາກນັ້ນ, ທ່ານຍັງໄດ້ ກ່າວຕື່ມອີກວ່າ: ສປປ ລາວ ຍາມ ໃດກໍເອົາໃຈໃສ່ປະຕິບັດໄປຕາມຍຸດທະສາດ ແລະທິດທາງຂອງອາຊຽນ; ໂດຍສະເພາະ, ພັນທະ ແລະ ໜ້າທີ່ໃນການເຮັດວຽກກັບບັນດາປະເທດສະມາຊິກອາຊຽນຮ່ວມກັນ ຢ່າງໃກ້ຊິດ,ປະເທດຄູ່ຮ່ວມເຈ ລະຈາ ແລະຄູ່ຮ່ວມພັດທະນາ ອາຊຽນ ເພື່ອຈັດຕັ້ງປະຕິບັດວິໄສທັດ ປະຊາຄົມອາຊຽນ 2025 ແລະ ແຜນແມ່ບົດວັດທະນະທໍາ-ສັງຄົມ ອາຊຽນ 2025; ໜຶ່ງໃນນັ້ນ, ສປປ ລາວ ຕີລາຄາສູງຕໍ່ການສ້າງຕັ້ງ ຄະນະກຳມະການອາຊຽນເພື່ອສົ່ງ ເສີມ ແລະປົກປ້ອງສິດທິແມ່ຍິງ ແລະເດັກນ້ອຍ ຊຶ່ງລັດຖະບານ ສປປ ລາວ ໄດ້ຈັດຕັ້ງປະຕິບັດກິດ ຈະກຳເພື່ອປູກຈິດສຳນຶກໃຫ້ແກ່ປະ ຊາຊົນກ່ຽວກັບການປົກປ້ອງສິດ ທິເດັກ, ການຄ້າມະນຸດ ແລະກົດ ຂີ່ຂູດຮີດເປັນຕົ້ນ:

ສະໜັບສະໜຸນໂດຍ: HONDA

ຈັດຕັ້ງກອງປະຊຸມປຶກສາຫາລືການຈັດຕັ້ງຜັນຂະຫຍາຍຂໍ້ສະເໜີແນະຂອງສະຫະປະຊາຊາດຕໍ່ ບົດລາຍງານແຫ່ງຊາດປະຈຳໄລ ຍະທີ 3-6 ກ່ຽວກັບການຈັດຕັ້ງປະຕິບັດສົນທິສັນຍາວ່າດ້ວຍສິດທິ ເດັກ ແລະບົດລາຍງານແຫ່ງຊາດປະຈຳໄລຍະທີ 8-9 ກ່ຽວກັບການຈັດຕັ້ງປະຕິບັດສົນທິສັນຍາ ຊີດໍ (CEDAW) ກັບບັນດາຄູ່ ຮ່ວມພັດທະນາ; ກອງປະຊຸມຮ່ວມກັບພາກທຸລະກິດເອກະຊົນໃນໂອ ກາດວັນຄົບຮອບ 30 ປີ ແຫ່ງການຮັບຮອງເອົາສົນທິສັນຍາວ່າດ້ວຍສິດທິເດັກ; ຈັດຕັ້ງພິທີລົງນາມເອກະສານຄວາມໝາຍໝັ້ນຂອງບັນດາຮອງເຈົ້າແຂວງຕໍ່ການຈັດຕັ້ງປະຕິບັດສົນທິສັນຍາວ່າດ້ວຍສິດທິເດັກເພື່ອນຳໃຊ້ກາລະໂອກາດພັດທະນາທ່າແຮງຂອງເດັກລາວ ບັນດາເຜົ່າແຕ່ນີ້ ຮອດປີ 2030 ແລະການບັນລຸເປົ້າໝາຍພັດທະນາ ແບບຍືນຍົງ.

----------------

ໜັງສືພຶມເສດຖະກິດ-ສັງຄົມ

แชร์