ລ໋ອບ ສະເຕດ້ຽມ ຄອງແຊັມຢູ-15 ບານເຕະ 2 ຊາດ ລາວ-ໄທ

   ສະໂມສອນລ໋ອບ ສະເຕ ດ້ຽມ ລົງສະໜາມ 3 ນັດ ຊະນະ ລວດ 3 ນັດຊ້ອນ ມີ 9 ຄະແນນ ຄວ້າແຊັມການແຂ່ງຂັນກີລາບານ ເຕະ 4 ພາກສ່ວນ 2 ຊາດລາວ-ໄທ ຊີງຂັນທ່ານປະທານຝ່າຍພັດທະນາກີລາບານເຕະອະນຸຊົນ ແລະ ເຍົາວະຊົນນະຄອນຫຼວງວຽງຈັນ (ນວ) ປະຈຳປີ 2019 ເພື່ອສ້າງຂະບວນການຂໍ່ານັບຮັບຕ້ອນວັນຊາດທີ 2 ທັນວາ ຄົບຮອບ 44 ປີ ແລະສືບຕໍ່ສົ່ງເສີມຄວາມຮັດ ແໜ້ນສາມັກຄີຮັກແພງມິດຕະພາບ 2 ຊາດດັ່ງກ່າວກໍຄືນະຄອນຫຼວງ ວຽງຈັນ ແລະສະໂມສອນ ວໍລະວີ ຈາກນະຄອນຫຼວງບາງກອກປະເທດໄທ ໃຫ້ນັບມື້ແໜ້ນແຟ້ນຂຶ້ນ ເລື້ອຍໆ.

ການແຂ່ງຂັນຄັ້ງນີ້ດຳເນີນເປັນ ເວລາ 2 ວັນ ລະຫວ່າງວັນທີ 2-3 ພະຈິກ ຜ່ານມາ ທີ່ສະໜາມກີລາບານເຕະເຈົ້າອານຸວົງ, ເຂົ້າ ຮ່ວມ ແລະມອບລາງວັນຂອງທ່ານ ສົມປອງ ທອງມະນີປະທານຝ່າຍ ພັດທະນາກີລາບານເຕະອະນຸຊົນ ແລະເຍົາວະຊົນນະຄອນຫຼວງວຽງ ຈັນ ພ້ອມດ້ວຍຄະນະ ແລະຄະນະຕາງໜ້າຈາກສະໂມສອນວໍລະວີປະເທດໄທ, ຄະນະຄູຝຶກແຕ່ລະສະໂມສອນ, ນັກກີລາ ແລະພໍ່ແມ່ນັກ ກີລາເຂົ້າຮ່ວມ.

ທ່ານ ອາລ໋ອບ ມະນີບົດຮອງປະທານຝ່າຍພັດທະນາກີລາບານ ເຕະອະນຸຊົນ ແລະເຍົາວະຊົນນະຄອນຫຼວງວຽງຈັນ ກ່າວວ່າ: ການ ແຂ່ງຂັນຄັ້ງນີ້ຈັດຂຶ້ນຜ່ານມາເຖິງ 3 ຄັ້ງແລ້ວ ຊຶ່ງປີນີ້ແມ່ນມີຄວາມ ໝາຍຄວາມສຳຄັນທີ່ສຸດຕໍ່ການສົ່ງເສີມນັກກີລາຂອງສະໂມສອນ ຕ່າງໆ ອ້ອມຂ້າງນະຄອນຫຼວງ ວຽງຈັນ ໄດ້ເຄື່ອນໄຫວ ແລະແລກປ່ຽນບົດຮຽນກັບນັກກີລາຈາກສະໂມສອນວໍລະວີ ຊຶ່ງເປັນທີມທີ່ໄດ້ມາດຕະຖານເຮັດໃຫ້ນ້ອງນ້ອຍ ເຍົາວະຊົນນະຄອນຫຼວງ ໄດ້ບົດ ຮຽນ ແລະກ້າວໄປອີກຂັ້ນໜຶ່ງເຊື່ອ ວ່າໃນອະນາຄົດນັກກີລາພວກເຮົາຈະສາມາດກ້າວຂຶ້ນໄປເປັນທົດ ແທນນັກກີລາຮຸ່ນອ້າຍຂອງນະ ຄອນຫຼວງວຽງຈັນ ກໍຄືລະດັບຊາດ.

ລາຍການດັ່ງກ່າວ, ຈັດຂຶ້ນລະ ຫວ່າງວັນທີ 2-3 ພະຈິກ  2019 ໂດຍມີການຊີງໄຊກັນທັງໝົດ 2 ຮຸ່ນກໍຄືຮຸ່ນອາຍຸ 13 ປີ ແລະຮຸ່ນອາຍຸ 15 ປີ ແຕ່ລະຮຸ່ນມີ 4 ທີມ ເຂົ້າຮ່ວມແຂ່ງຂັນແບບພົບກັນໝົດ ຄັດເອົາທີມທີ່ມີຄະແນນດີທີ່ສຸດໄດ້ ແຊັມລາຍການນີ້ໄປຄອງ, ຜ່ານ ການແຂ່ງຂັນຜົນປະກົດວ່າ: ຮຸ່ນ ອາຍຸ 15 ປີ ແຊັມຕົກເປັນຂອງທີມ ລ໋ອບ ສະເຕດ້ຽມ ລົງສະໜາມ 3 ນັດ  ສາມາດເອົາຊະນະ 3 ນັດຊ້ອນ ມີ 9 ຄະແນນ, ທີ 2 ສະໂມສອນ ທະເວັນຕີຊີກ ລົງສະໜາມ 3 ນັດຊະນະ 2 ນັດ ແລະເສຍ 1 ນັດ ມີ  6 ຄະແນນ, ທີ 3 ທີມນະຄອນ ຫຼວງວຽງຈັນ ລົງສະໜາມ 3 ນັດຊະນະ 1 ນັດ ແລະເສຍ 2 ນັດ ມີ 3 ຄະແນນ ແລະທີ 4 ທີມວໍລະວີໄທ ລົງສະໜາມ 3 ນັດ ບໍ່ສາມາດເອົາຊະນະ ແລະສະເໝີໄດ້ມີສູນຄະ ແນນ, ສ່ວນຮຸ່ນອາຍຸ 13 ປີ ທີ 1 ທີມວໍລະວີໄທ ລົງສະໜາມ 3 ນັດຊະນະລວດ 3 ນັດຊ້ອນ ມີ 9 ຄະແນນ, ທີ 2 ທີມວຽງຈັນ ເອັບທີ ລົງສະໜາມ 3 ນັດ ຊະນະ 1, ສະເໝີ 1 ແລະເສຍ 1 ນັດມີ 4 ຄະ ແນນ, ທີ 3 ທີມລ໋ອບ ສະເຕດ້ຽມ ລົງສະໜາມ 3 ນັດ ຊະນະ 1 ນັດ ແລະເສຍ 2 ນັດ ມີ 3 ຄະແນນ ແລະທີ 4 ທີມນະຄອນຫຼວງລົງສະໜາມ 3 ນັດ ເສຍ 2 ນັດ ແລະສະ ເໝີ 1 ນັດມີ 1 ຄະແນນ.

-----------------------

ພາບ ແລະຂ່າວຈາກ: ໜັງສືພຶມເສດຖະກິດ-ສັງຄົມ

แชร์