ເກືອບ ຍີ່ຫໍ້ສິນຄ້າເຂົ້າຮ່ວມງານ ເຮີຣີເທັດ ແຟຊັນບິວຕີ

ໃນລະຫວ່າງວັນທີ 2-3 ພະຈິກ ຜ່ານມາ, ທີ່ສູນການຄ້າວຽງຈັນເຊັນເຕີ ໄດ້ຈັດງານ ເຮີຣີເທັດ ແຟຊັນບິວຕີ(HERITAGE Fashion Beauty) ຂຶ້ນ, ຊຶ່ງມີທັງ ໝົດ 28 ຍີ່ຫໍ້ສິນຄ້າຈາກປະເທດໄທເຂົ້າຮ່ວມວາງສະແດງ ແລະ ຂາຍ, ໂດຍການເປັນປະທານຂອງ ທ່ານນາງ ສະຫວັນທອງ ອຸ່ນມີໄຊ ຮອງຜູ້ອຳນວຍການສູນພັດທະ ນາເສດຖະກິດໜອງຈັນຕອນເໜືອຈຳກັດ ແລະທ່ານນາງ ພອນພັນ ຈຽມກັນຊານ ຜູ້ບໍລິຫານບໍລິສັດ ປັ້ນແບຣນ ຈຳກັດ, ເປັນປະທານຈັດງານ HERITAGE Fas hion Beauty, ພ້ອມດ້ວຍຜູ້ປະກອບການເຂົ້າຮ່ວມ.

 

 ທ່ານນາງ ພອນພັນ ຈຽມກັນຊານ ກ່າວວ່າ: HERITAGE Fashion Beauty ເປັນໂຄງການໜຶ່ງທີ່ມີເປົ້າໝາຍໃນການຊ່ວຍເຜີຍແຜ່ຄວາມງົດງາມທາງດ້ານສິລະປະ ແລະປະເພນີຂອງ ລາວ, ຊຶ່ງຈະສະແດງອອກຜ່ານບັນດາ  ກິດຈະກຳຂອງງານໂດຍສະເພາະແມ່ນ ເຮີຣີເທັດ ແຟຊັນໂຊ ທີ່ໄດ້ນຳເອົາເຄື່ອງ ຫັດຖະກຳອັນເປັນຜ້າແພຂອງລາວ ແລະ ຍັງຮ່ວມເດີນທາງໄປນະມັດສະການພະທາດຫຼວງ, ນອກຈາກນີ້ພາຍໃນງານຍັງມີການວາງສະແດງ ແລະ ຂາຍສິນຄ້າຂອງບັນດາ 28 ຍີ່ຫໍ້ດັງຈາກປະເທດໄທ, ການຝຶກອົບຮົມວິຊາຊີບທາງດ້ານຄວາມງາມໃຫ້ກັບຜູ້ທີ່ສົນໃຈ ຕົ້ນຕໍຝຶກອົບຮົມການແຕ່ງໜ້າ, ທາເລັບ, ເຮັດຜົມ ແລະເຮັດສະປາ, ໂດຍຖືເປັນສິ່ງທີ່ດີໃນການຊ່ວຍໃຫ້ປະຊາຊົນລາວໄດ້ຊື້ສິນຄ້າຄຸນນະພາບດີແລ້ວຍັງສາມາດນຳເອົາບົດຮຽນທີ່ໄດ້ຈາກການຝຶກອົບຮົມນຳໄປປະກອບເປັນອາຊີບໄດ້ອີກດ້ວຍ.

 ສຳລັບງານ HERITAGE Fashion Beauty ທີ່ຈັດຂຶ້ນໃນຄັ້ງນີ້ແມ່ນໄດ້ຮວບຮວມເອົາສິນຄ້າຜະລິດຕະພັນເຄື່ອງສຳອາງເພື່ອສຸຂະພາບສະເພາະທີ່ເນັ້ນໄປໃນທາງທຳມະຊາດເປັນຫຼັກຄື: ໝວດປະເພດເຄື່ອງດື່ມ, ເຄື່ອງສຳອາງ, ໝວດເຄື່ອງໃຊ້ສະປາທີ່ສະກັດຈາກທຳມະຊາດ, ຊຶ່ງຜ່ານການຮອງຮັບດ້ານຄຸນນະພາບມາ ແລະພວມໄດ້ຮັບຄວາມຈາກກຸ່ມລູກຄ້າທັງພາຍໃນ ແລະຕ່າງປະເທດອີກດ້ວຍ, ໂດຍພາຍໃນງານນອກຈາກຈະເປັນການວາງສະແດງສິນຄ້າຍັງເປັນການເພີ່ມຊ່ອງທາງໃນການຂະ ຫຍາຍຕະຫຼາດມາສູ່ປະເທດລາວຜ່ານກຸ່ມລູກຄ້າທີ່ຕ້ອງການເປັນຕົວແທນຈຳໜ່າຍ ຫຼືສະແດງໃຫ້ລູກຄ້າຮູ້ວ່າສິນຄ້າດັ່ງກ່າວໄດ້ເຂົ້າມາລາວແລ້ວ, ທ່ານນາງ ພອນພັນ ຈຽມກັນຊານ ໃຫ້ຮູ້ຕື່ມ.

___________

ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์