ຫວຽດນາມປະດັບຫຼຽນໄຊ ໃຫ້ກົມກອງ ແລະບຸກຄົນໃນກອງທັບປະຊາຊົນລາວ

 ວັນທີ 4 ພະຈິກ 2019 ກອງທັບປະຊາຊົນລາວໄດ້ຮ່ວມກັບກະຊວງປ້ອງກັນປະເທດແຫ່ງ ສສ ຫວຽດນາມ ຈັດພິທີປະດັບຫຼຽນໄຊປະເພດຕ່າງໆໃຫ້ແກ່ກົມກອງລວມໝູ່ ແລະບຸກຄົນໃນກອງທັບປະຊາຊົນລາວໂດຍເປັນປະທານທ່ານ ພັນຄຳ ວິພາວັນ ຮອງປະທານປະເທດ, ທ່ານ ພົນເອກ ຈັນສະໝອນ ຈັນຍາລາດ ລັດຖະມົນຕີກະຊວງປ້ອງ ກັນປະເທດ ລາວ, ທ່ານ ພົນເອກ ໂງ ຊວນ ລິກ ລັດຖະ ມົນຕີກະຊວງປ້ອງກັນປະເທດຫວຽດນາມ, ມີທ່ານເອກອັກຄະລັດຖະທູດ ສສ ຫວຽດນາມປະຈໍາລາວ, ການນໍາກະຊວງ, ບັນດາກົມໃຫຍ່ລາວ-ຫວຽດນາມ ເຂົ້າຮ່ວມ.

  ການປະດັບຫຼຽນຄັ້ງນີ້ເປັນຜົນງານດີເດັ່ນໃນການປະກອບສ່ວນສ້າງສາຍພົວພັນມິດຕະພາບຄວາມສາມັກຄີລະຫວ່າງສອງຊາດ, ສອງກອງທັບຫວຽດນາມ-ລາວ, ລາວ-ຫວຽດນາມ ໃນນັ້ນໄດ້ປະດັບຫຼຽນໄຊດາວຄໍາແຫ່ງ ສສ ຫວຽດນາມ ໃຫ້ແກ່ກອງທັບປະຊາຊົນລາວຄື: ປະດັບຫຼຽນໄຊເອກະລາດຊັ້ນ I ໃຫ້ແກ່ກົມໃຫຍ່ເສນາ ທິການກອງ ທັບ, ກົມໃຫຍ່ການເມືອງກອງທັບ, ກົມໃຫຍ່ພະລາທິການກອງທັບ, ກົມ ໃຫຍ່ເຕັກນິກກອງທັບ, ຫ້ອງວ່າການ ກະຊວງປ້ອງກັນປະເທດ, ຫ້ອງ ການ ປກຊ-ປກສແລະກົມ 213, ປະດັບຫຼຽນ ໄຊເອກະລາດຊັ້ນ II ໃຫ້ວິທະຍາຄານ ປ້ອງກັນຊາດໄກສອນພົມວິຫານ, ກົມ ວິທະຍາສາດ-ປະຫວັດສາດການທະຫານ, ວິທະຍາຄານກົມມະດຳ, ກົມພົວ ພັນຕ່າງປະເທດ, ວິທະຍາຄານພະລາທິການ, ກອງພົນທີ 1, 2, 3, 4, 5 ແລະ ບຸກຄົນ 4 ສະຫາຍ, ປະດັບຫຼຽນໄຊ ເອກະລາດ

ຊັ້ນ III ໃຫ້ກົມໂຄສະ ນາອົບ ຮົມ, ກົມສູ້ຮົບ, ກົມທະຫານຊາຍແດນ, ກົມນະໂຍບາຍ, ວິທະຍາຄານເຕັກນິກ ການທະຫານ, ກົມແຜນທີ່, ກົມເຄມີສາດ, ກົມ 49, ກົມປ້ອງກັນອາກາດ, ກົມກົດລັບ, ວິທະຍາຄານການແພດ, ໂຮງຮຽນກໍ່ສ້າງນາຍສິບເລກ 2 ວຽງໄຊ, ກອງໜັງສືພິມກອງທັບ, ກອງສິລະປະກອນກອງ ທັບ, ຫໍພິພິ ທະພັນປະຫວັດສາດກອງທັບ, ຫ້ອງການກົມໃຫຍ່ການເມືອງກອງທັບ, ກົມຄຸ້ມຄອງອາວຸດ-ກະສູນ, ກອງບັນຊາການທະຫານແຂວງຜົ້ງສາລີ, ບໍ່ແກ້ວ, ຫຼວງນໍ້າທາ, ອຸດົມໄຊ, ໄຊຍະບູລີ, ຫຼວງພະບາງ, ຫົວພັນ, ຊຽງຂວາງ, ໄຊສົມບູນ, ບໍລິຄໍາໄຊ, ຄໍາມ່ວນ, ສະຫວັນນະເຂດ, ສາລະວັນ, ຈໍາປາສັກ, ເຊກອງ, ອັດຕະປື, ວຽງຈັນ, ນະຄອນຫຼວງວຽງຈັນ ແລະ ບຸກຄົນ 15 ສະຫາຍ ແລະປະດັບຫຼຽນ ໄຊມິດຕະພາບໃຫ້ບຸກຄົນ 15 ສະຫາຍ.

 ໂອກາດນີີ ທ່ານ ພົນເອກ ຈັນສະໝອນ ຈັນຍາລາດ ໄດ້ຕີລາຄາສູງຕໍ່ການຍ້ອງ ຍໍຂອງພັກ-ລັດຖະບານ ສສ ຫວຽດນາມ ຕໍ່ກອງທັບປະຊາຊົນລາວໃນຄັ້ງນີ້ຊຶ່ງເປັນຄວາມພາກພູມໃຈຂອງພະນັກງານ-ນັກຮົບກອງທັບປະຊາຊົນລາວ, ທັງສະ ແດງໃຫ້ເຫັນວ່າຕະຫຼອດໄລຍະ 70 ປີ ຜ່ານມາຜົນງານທີ່ກອງທັບປະຊາຊົນລາວຍາດມາໄດ້ນັ້ນແມ່ນຕິດພັນກັບຜົນ ງານລວມຂອງສອງປະເທດເຮົາ, ແມ່ນ ຜົນງານແຫ່ງການຮ່ວມສຳພັນສູ້ຮົບ ລາວ-ຫວຽດນາມ ຕະຫຼອດໄລຍະແຫ່ງ ການຕໍ່ສູ້ກູ້ຊາດຕ້ານສັດຕູໂຕດຽວກັນ ແລະໄດ້ກ່າວສະແດງຄວາມຂອບໃຈຢ່າງເລິກເຊິ່ງຕໍ່ພັກ, ລັດຖະບານ, ກອງທັບ ແລະ ປະຊາຊົນຫວຽດນາມທີ່ໃຫ້ການຊ່ວຍເຫຼືອສະໜັບສະໜູນ ສປປ ລາວ ແລະຮັດແໜ້ນສາຍພົວພັນມິດຕະພາບ, ຄວາມສາມັກຄີພິເສດ ແລະການຮ່ວມມືຮອບດ້ານລະຫວ່າງສອງຊາດ, ສອງ ກອງທັບລາວ-ຫວຽດນາມໃຫ້ນັບມື້ແຕກດອກອອກຜົນຢ່າງບໍ່ຢຸດຢັ້ງພ້ອມນີ້ກະຊວງປ້ອງກັນປະເທດ ສສ ຫວຽດນາມ ຍັງໄດ້ມອບເງິນຈໍານວນ 50 ພັນໂດລາຊ່ວຍເຫຼືອປະຊາຊົນທີ່ໄດ້ຮັບຜົນກະທົບຈາກໄພນໍ້າຖ້ວມຢູ່ພາກກາງ ແລະ ພາກໃຕ້ຂອງລາວອີກດ້ວຍ.

_________

ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์