ຊາຍງາມ ເຂົ້າຮ່ວມເວທີເປີດຕົວນາງສາວລາວຮອບ 40 ຄົນ

 ປະທານໂຄງການ Mis ter International Laos ປະຈໍາປີ 2019 ໄດ້ນໍາພາ 2 ໜຸ່ມ Mister International Laos ເຂົ້າຮ່ວມເວທີເປີດຕົວນາງສາວລາວເຂົ້າຮອບ 40 ຄົນ ໃນວັນທີ 30 ຕຸລາ ຜ່ານມາທີ່ສູນການຄ້າວຽງຈັນເຊັນເຕີ ນະຄອນຫຼວງວຽງຈັນ, ເພື່ອຮຽນຮູ້ເຖິງປະສົບການໃໝ່ໆເປັນຕົ້ນແມ່ນການເຜີຍແຜ່ວັດທະນະທໍາ, ການສະແດງອອກ ແລະເພື່ອພົບປະກັບເຫຼົ່າສິນລະປິນດາລາທີ່ມີປະສົບການມາກ່ອນ.

 ທ່ານ ໄຊຊະນະ ນໍຣະສິງຫ໌ສີສານ ປະທານໂຄງການ Mister International Laos ປະຈໍາປີ 2019 ໃຫ້ສໍາພາດວ່າ: Mister International Laos ເປັນອີກໂຄງການປະກວດທີ່ເລືອກເຟັ້ນເອົາ “ໜຸ່ມໜ້າຕາດີ, ສຸຂະພາບດີ ແລະມີຄວາມສາມາດ” ເພື່ອຍົກລະດັບເວທີການປະກວດຜູ້ຊາຍລາວກ້າວສູ່ສາກົນ ແລະ ຍັງເປັນການສົ່ງເສີມການໂຄສະນາການທ່ອງທ່ຽວລາວສູ່ສາຍຕາຊາວໂລກອີກດ້ວຍ;  ໂດຍໃນໄລຍະຜ່ານມາທາງໂຄງການ MisterInterna tional Laos ໄດ້ນໍາພານ້ອງໆຊາຍງາມເຂົ້າຮ່ວມກິດຈະກໍາປັບປຸງພັດທະນາຮູບຮ່າງໃຫ້ມີຄວາມສົມບູນແບບເປັນຕົ້ນແມ່ນໂປຣແກຣມເສີມຄວາມງາມຄວາມຫຼໍ່ທາງດ້ານຜິວພັນໜ້າຕາ ແລະຊົງຜົມ, ທັງຍັງໄດ້ເຮັດກິດຈະກໍາຊ່ວຍເຫຼືອສັງຄົມເຊັ່ນ: ການແຂ່ງຂັນບານເຕະມິດຕະພາບກັບທີມລາວອໍລສະຕ້າເພື່ອລະດົມທຶນຊ່ວຍເຫຼືອຜູ້ປະສົບໄພນໍ້າຖ້ວມ  4  ແຂວງພາກໃຕ້, ກິດຈະກໍາການກຸສົນລົງມອບອຸປະກອນການຮຽນໃຫ້ແກ່ນ້ອງໆ ທີ່ເມືອງເຟືອງ ແຂວງວຽງຈັນ ໂດຍຮ່ວມກັບທີມງານໃຈຮ່ວມໃຈ, ທີ່ສໍາຄັນໄດ້ເຂົ້າຮ່ວມຝຶກອົບຮົມທາງດ້ານແນວຄິດ, ບຸກຄະລິກກະພາບ, ກິດຈະກໍາສົ່ງເສີມການທ່ອງທ່ຽວວັງວຽງ ແລະກິດຈະກໍາອື່ນໆອີກ, ຊຶ່ງທ່ານສາມາດຕິດທຸກກິດຈະກໍາ ແລະການເຄື່ອນໄຫວຂອງຊາຍງາມໄດ້ທີ່ເຟສ໌ບຸກ Mister International Laos.

  ສໍາລັບການເຂົ້າຮ່ວມເວທີເປີດຕົວນາງສາວລາວເຂົ້າຮອບ 40 ຄົນ ຄັ້ງນີ້ຖືເປັນໂອກາດທີ່ດີໃຫ້ກັບ Mister International Laos ເພາະໂຄງການປະກວດນາງສາວລາວເປັນໂຄງການທີ່ໃຫຍ່ທີ່ສຸດລະດັບປະເທດໂດຍໜຸ່ມໆທີ່ໄດ້ເຂົ້າຮ່ວມຈະໄດ້ຮຽນຮູ້ປະສົບການໃໝ່ໆຂອງກອງປະກວດນາສາວລາວເປັນຕົ້ນແມ່ນການເຜີຍແຜ່ວັດທະນະທໍາ, ການສະແດງອອກເຖິງຄວາມຮູ້ຄວາມສາມາດ, ທັງຍັງໄດ້ພົບປະກັບເຫຼົ່າສິນລະປິນດາລາທີ່ມີປະສົບການມາກ່ອນຊຶ່ງຈະເປັນບົດຮຽນທີ່ດີໃຫ້ກັບໜຸ່ມໆກໍຄື Mister International Laos.

ສະໜັບສະໜຸນໂດຍ: ສ່ວນບຸກຄົນ

  ໜຸ່ມອາລີ້ ທະນູພົນ ໄຊຖາວອນ Mister International Laos 2019 ໃຫ້ສໍາພາດວ່າ: ໂຄງການ Mister International Laos ເປັນເວທີການປະກວດຜູ້ຊາຍລາວກ້າວສູ່ສາກົນຊຶ່ງພາຍຫຼັງທີ່ໄດ້ ເຂົ້າຮ່ວມໂຄງການ ແລະໄດ້ຮັບຕໍາແໜ່ງ Mister International Laos 2019 ກໍໄດ້ຮັບຮູ້ສິ່ງໃໝ່ໆ ຫຼາຍຂຶ້ນເປັນຕົ້ນແມ່ນໄດ້ມິດຕະພາບ, ຄວາມສາມັກຄີ ແລະປະສົບການໃໝ່ໆໃນວົງການບັນເທີງ.

ສະໜັບສະໜຸນໂດຍ: HONDA

  ສ່ວນໜຸ່ມເຕັ່ງ ແກ້ວສຸພາ ແກ້ວພິລາ ຮອງອັນດັບ 3 ໃຫ້ຮູ້ເຖິງການເຂົ້າຮ່ວມເວທີເປີດຕົວນາງສາວລາວເຂົ້າຮອບ 40 ຄົນວ່າ: ເວທີນີ້ເປັນເວທີທີ່ສໍາຄັນ, ເກົ່າແກ່ ແລະ ມີປະສົບການມາຫຼາຍປີຊຶ່ງເປັນໂອກາດທີ່ດີສໍາລັບ Mister International Laos ທີ່ໄດ້ເຂົ້າຮ່ວມເພື່ອເກັບກໍາປະສົບການໃໝ່ໆຈາກອ້າຍເອື້ອຍສິນລະປິນດາລາທີ່ມີປະ ສົບການ ແລະໄດ້ຮູ້ຈັກກັບວົງການບັນເທີງຫຼາຍຂຶ້ນ.

________

ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์