ຄຳມ່ວນ-ກວາງບິ່ງ ຮ່ວມມືວຽກງານຄວາມສະຫງົບຕາມຊາຍແດນ

  ກອງປະຊຸມພົບປະຂອງຄະນະຜູ້ແທນ ຊາຍແດນລະຫວ່າງແຂວງຄຳມ່ວນ ແລະແຂວງ ກວາງບິ່ງ ໄດ້ຈັດຂຶ້ນໃນວັນທີ 31 ຕຸລາ 2019 ທີ່ແຂວງຄຳມ່ວນ ໂດຍມີ ທ່ານ ຄຳສີ ອຸດທິວົງ ຮອງເຈົ້າແຂວງໆຄຳມ່ວນ, ແລະທ່ານ ຫງວ້ຽນ ຕ໊ຽນ ຮ່ວງ ຮອງປະທານຄະນະກຳມະການປະ ຊາຊົນແຂວງກວາງບິ່ງ, ມີບັນດາທ່ານການ ນຳພະແນກການ, ຂະແໜງການທ້ອງຖິ່ນທີ່ ກ່ຽວຂ້ອງທັງສອງຝ່າຍເຂົ້າຮ່ວມ.

ໃນວາລະດຳເນີນການພົບປະທັງສອງຝ່າຍໄດ້ຕີລາຄາສູງຕໍ່ໝາກຜົນການຈັດຕັ້ງປະຕິບັດ ວຽກງານຮ່ວມມືໃນໄລຍະຜ່ານມາ ໂດຍສະເພາະແມ່ນໄດ້ສ້າງເງື່ອນໄຂອຳນວຍຄວາມສະດວກໃຫ້ແກ່ປະຊາຊົນ ແລະບັນດາຫົວໜ່ວຍທຸລະກິດສອງຝ່າຍຊາຍແດນໃນການລົງທຶນຜະລິດທຸລະກິດ,ພັດທະນາເສດຖະກິດ-ສັງຄົມ ເພີ່ມທະວີການແລກປ່ຽນສິນຄ້າ, ການບໍລິການ,ຊ່ວຍເຫຼືອເຊິ່ງກັນ ແລະກັນໃນດ້ານການດຳລົງ ຊີວິດ ແລະຈັດຕັ້ງປະຕິບັດຂໍ້ຕົກລົງແກ້ໄຂບັນຫາປະຊາຊົນຕັ້ງພູມລຳເນົາຕາມລຳພັງໃຈ, ການແຕ່ງງານບໍ່ຖືກຕ້ອງຕາມກົດໝາຍພ້ອມ ທັງໄດ້ມອບຂໍ້ຕົກລົງຖືສັນຊາດ ແລະອອກໜັງ ສືທີ່ຈຳເປັນຈຳນວນໜຶ່ງ, ແລວຊາຍແດນລະຫວ່າງສອງແຂວງໄດ້ຮັບການປົກປັກຮັກສາ ການເມືອງມີຄວາມສະຫງົບ,ສັງຄົມມີຄວາມເປັນລະບຽບຮຽບຮ້ອຍບໍລິເວນຊາຍແດນໄດ້ຮັບການຮັກສາຄວາມໝັ້ນຄົງ,ເສັ້ນຊາຍແດນ ແລະ ບັນດາຫຼັກຊາຍແດນແຫ່ງຊາດໄດ້ຮັບການຮັກ ສາໄວ້ຢູ່ໃນສະພາບເດີມ,ເພື່ອສືບຕໍ່ຮ່ວມມືຈັດ ຕັ້ງປະຕິບັດວຽກງານໃນຕໍ່ໜ້າກໍ່ຄືປີ 2020 ໃຫ້ ໄດ້ຮັບການຈັດຕັ້ງປະຕິບັດຢ່າງມີປະສິດທິຜົນ ທັງສອງຝ່າຍໄດ້ຕົກລົງເປັນເອກະພາບກັນລົງນາມເຊັນບົດບັນທຶກຮ່ວມມືຄື: ສືບຕໍ່ຮ່ວມມືຢ່າງແໜ້ນແຟ້ນ,ເປັນປົກກະຕິ ແລະມີປະສິດທິຜົນລະຫວ່າງບັນດາອຳນາດການປົກຄອງ ແລະກຳລັງເຈົ້າໜ້າທີ່ຄຸ້ມຄອງປ້ອງກັນຊາຍແດນຂອງສອງ ແຂວງ, ໂຄສະນາປຸກລະດົມປະຊາຊົນໃຫ້ມີຄວາມຫ້າວຫັນເຂົ້າຮ່ວມວຽກງານປົກປັກຮັກ ສາເສັ້ນຊາຍແດນ,ສະກັດກັ້ນການກໍ່ອາດສະຍາກຳທາງອາຍາໃນບໍລິເວນຊາຍແດນ, ແຈ້ງ ໃຫ້ກັນຊາບຢ່າງເປັນປົກກະຕິກ່ຽວກັບສະພາບທີ່ກ່ຽວຂ້ອງໃນການຄຸ້ມຄອງປ້ອງກັນຊາຍແດນ,ສ້າງເງື່ອນໄຂອຳນວຍຄວາມສະດວກໃຫ້ແກ່ປະຊາຊົນ,ຫົວໜ່ວຍທຸລະກິດ,ເອົາໃຈໃສ່ຮ່ວມມືພັດທະນາພື້ນຖານໂຄງລ່າງ ແລະອື່ນໆ ທີ່ສຳຄັນຈຳເປັນລວມເຖິງການອຳນວຍຄວາມສະດວກດ້ານການບໍລິການຂົນສົ່ງສິນຄ້າຕາມເສັ້ນທາງເລກທີ 12 ຜ່ານດ່ານສາກົນນາເພົ້າ-ຈໍຫຼໍ ແລະແກ້ໄຂບັນປະຊາຊົນຕັ້ງພູມລຳເນົາຕາມລຳພັງໃຈ, ແຕ່ງງານບໍ່ຖືກຕ້ອງຕາມກົດໝາຍໃນບໍລິເວນຊາຍແດນລະຫວ່າງສອງແຂວງ.

ສະໜັບສະໜຸນໂດຍ: HONDA

 ເປັນກຽດລົງນາມໃນບົດບັນທຶກຮ່ວມມືຄັ້ງ ນີ້ຝ່າຍລະຫວ່າງ ທ່ານ ຄຳສີ ອຸດທິວົງ ຮອງເຈົ້າ ແຂວງໆຄຳມ່ວນ ແລະຝ່າຍແຂວງກວາງບິ່ງ ໂດຍ ທ່ານ ຫງວ້ຽນ ຕ໊ຽນຮ່ວງ ຮອງປະທານຄະ ນະກຳມະການປະຊາຊົນແຂວງ, ມີທ່ານຫົວໜ້າ ຫ້ອງວ່າການປົກຄອງແຂວງ,ພະແນກການຕ່າງປະເທດພ້ອມດ້ວຍຄະນະຜູ້ແທນຊາຍແດນ ທັງສອງຝ່າຍເຂົ້າຮ່ວມ.

ສະໜັບສະໜຸນໂດຍ: ສ່ວນບຸກຄົນ

 

----------------------

ພາບ ແລະຂ່າວຈາກ: ໜັງສືພີມເສດຖະກິດ-ສັງຄົມ

แชร์