ຫົວພັນຍົກລະດັບວຽກງານບັນຊີ

  ວັນທີ 31 ຕຸລາ 2019 ນີ້, ກະຊວງການເງິນສົມທົບກັບແຂວງຫົວພັນຈັດຝຶກອົບຮົມ, ແນະນຳການຈັດຕັ້ງປະຕິບັດວຽກງານບັນຊີແຫ່ງລັດ ແລະ ບັນຊີວິສາຫະກິດຂຶ້ນຢູ່ທີ່ຫໍວັດທະນະທຳແຂວງໂດຍການເຂົ້າຮ່ວມເປັນປະທານຂອງ ທ່ານ ວັນແສງ ຄຳມັງໄຊ ຫົວໜ້າພະແນກການເງິນແຂວງ, ທ່ານ ອຸດອນ ທຳມະວົງສາ ຮອງຫົວໜ້າກົມບັນຊີກະຊວງການເງິນ, ມີຄູຝຶກຈາກກົມບັນຊີກະຊວງການເງິນ, ສຳມະນາກອນທີ່ເຮັດວຽກງານບັນຊີ-ການເງິນທົ່ວແຂວງເຂົ້າຮ່ວມນຳ.

  ຊຸດຝຶກອົບຮົມຄັ້ງນີ້ຜູ້ເຂົ້າຮ່ວມໄດ້ຮຽນຮູ້ກ່ຽວກັບບົດແນະນຳຂັ້ນຕອນການອອກໃບຕິດຕາມການຖືບັນຊີຂອງຫົວໜ່ວຍຖືບັນຊີວິສາຫະກິດ, ບົດສະເໜີການຖືບັນຊີ, ການໃຫ້ບໍລິການດ້ານບັນຊີ ແລະກວດສອບຂອງວິສາຫະກິດບັນຊີ, ວິສາຫະກິດທົ່ວໄປ, ປຶ້ມບັນຊີສຳລັບວິສາຫະກິດບັນຊີຂະໜາດນ້ອຍທີ່ສຸດ (ຈຸນລະວິສາຫະກິດ), ແນະນຳຮ່າງບົດບັນທຶກ ແລະໃບຕິດຕາມການຈັດຕັ້ງປະຕິບັດວຽກງານບັນຊີຂອງອົງການຈັດຕັ້ງລັດ.

ສະໜັບສະໜຸນໂດຍ: HONDA

  ທັງນີ້ເພື່ອຄວາມເປັນເອກະພາບໃນການຈັດຕັ້ງປະຕິບັດວຽກງານບັນຊີ, ການໃຫ້ບໍລິການທີ່ປຶກສາບັນຊີ ແລະ ກວດສອບຂອງບຸກຄົນ, ນິຕິບຸກຄົນ ແລະ ວິສາຫະກິດໃຫ້ຖືກຕ້ອງຕາມລະບຽບກົດໝາຍກຳນົດໄວ້, ແນ່ໃສ່ຊຸກຍູ້ໃຫ້ຫົວໜ່ວຍວິສາຫະກິດທີ່ຍັງບໍ່ທັນຖືບັນຊີຫັນສູ່ການຖືບັນຊີ ແລະຫົວໜ່ວຍທີ່ຖືບັນຊີແລ້ວແຕ່ຍັງບໍ່ທັນປະຕິບັດຖືກຕ້ອງກັບລະບຽບການບັນຊີທີ່ກຳນົດໄວ້ໃຫ້ຫັນເຂົ້າສູ່ການຈັດຕັ້ງປະຕິບັດວຽກງານບັນຊີໃຫ້ຄົບຖ້ວນ, ໂປ່ງໃສ ແລະເປັນທີ່ເຊື່ອຖືໄດ້ຢ່າງເປັນເອກະພາບໃນຂອບເຂດທົ່ວ ປະເທດເວົ້າລວມເວົ້າສະເພາະແຂວງຫົວພັນ, ຊຸດຝຶກອົບຮົມຄັ້ງນີ້ຈະໄດ້ດຳເນີນໄປເປັນເວລາ 2 ວັນຈຶ່ງສຳເລັດ.

ສະໜັບສະໜຸນໂດຍ: ສ່ວນບຸກຄົນ

__________

ຂຽນໂດຍ: ນິດຖະໜອມ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์