ໂຮງຮຽນປະຖົມບ້ານກະຍື ໄດ້ຮັບເຄື່ອງຊ່ວຍເຫຼືອ

   ເມື່ອບໍ່ດົນມານີ້ສະມາຊິກສະພາແຫ່ງຊາດ (ສສຊ) ປະຈຳເຂດເລືອກຕັ້ງທີ 17 ໄດ້ມອບສັງກະສີຈຳນວນ 100 ແຜ່ນ ແລະປູນຊີມັງ 3 ໂຕນ ລວມມູນຄ່າ 16 ລ້ານກີບ ໃຫ້ໂຮງຮຽນປະຖົມບ້ານກະຍື ເມືອງສາມັກຄີ ໄຊ ແຂວງອັດຕະປື, ໂດຍການມອບຂອງທ່ານ ເພັດແກ້ວ ເຮືອງ ປັນຍາ ສສຊ ປະຈຳເຂດເລືອກຕັ້ງ ທີ 17, ຮັບໂດຍທ່ານ ຄຳແສນ ດຳມະນີໃສນາຍບ້ານກະຍື, ມີບັນດາສະມາຊິກສະພາປະຊາຊົນ ແຂວງ (ສສຂ) ປະຈໍາເມືອງສາມັກຄີໄຊ, ຫົວໜ້າຫ້ອງການສຶກ ສາທິການ ແລະກີລາເມືອງຕະຫຼອດຮອດຄູ-ອາຈານ ແລະນັກຮຽນເຂົ້າຮ່ວມ.

ສະໜັບສະໜຸນໂດຍ: ສ່ວນບຸກຄົນ

ທ່ານ ເພັດແກ້ວ ເຮືອງປັນຍາ ໄດ້ກ່າວວ່າ: ອົງການຈັດຕັ້ງບ້ານ, ຄູ-ອາຈານຈົ່ງຊ່ວຍກັນຄຸ້ມຄອງປົກປັກຮັກສາໂຮງຮຽນດັ່ງກ່າວໃຫ້ມີຄວາມໝັ້ນຄົງ,ທັງນີ້ກໍແມ່ນ ຄວາມເອົາໃຈໃສ່ຮັບຜິດຊອບສູງຕໍ່ວຽກງານລວມ, ຮຽກຮ້ອງໃຫ້ ຊ່ວຍກັນປົກປັກຮັກສາມູນເຊື້ອ,ຮີດຄອງປະເພນີທີ່ດີງາມ, ຮັກແພງ ຊ່ວຍເຫຼືອເຊິ່ງກັນ ແລະກັນ.

ສະໜັບສະໜຸນໂດຍ: HONDA

ໂອກາດນີ້ທ່ານ ຄຳແສນ ດຳມະນີໃສໃນນາມຕາງໜ້າອົງການຈັດຕັ້ງບ້ານ ແລະຄູ-ອາຈານຂໍສະແດງຄວາມຂອບໃຈມາຍັງຄະນະ ສສຊ ປະຈໍາເລືອກຕັ້ງ 17 ກໍຄືສະພາປະຊາຊົນແຂວງທີ່ໄດ້ເອົາໃຈໃສ່ເບິ່ງແຍ່ງໃນການປະກອບ ສ່ວນຊ່ວຍເຫຼືອໃນຄັ້ງນີ້,ຈະນຳພາ ຂັ້ນບ້ານ, ຄູ-ອາຈານສ້າງຄວາມເຂັ້ມແຂງ, ສາມັກຄີຊ່ວຍເຫຼືອເຊິ່ງກັນ ແລະກັນ ແລະລູກຫຼານນັກຮຽນໃຫ້ມີຄວາມກ້າວໜ້າເກີດດອກອອກຜົນໃນຕໍ່ໜ້າ, ຊຶ່ງບ້ານ ກະຍື ມີປະຊາຊົນ 1467 ຄົນ, ຍິງ 769 ຄົນ, ມີຄູ-ອາຈານ 8  ຄົນ, ຍິງ 5 ຄົນ ແລະມີນັກຮຽນ 1 70 ຄົນ, ຍິງ 80 ຄົນ, ມີ 6 ຫ້ອງຮຽນ.

----------------

ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์