ຕາດຟານຣີສອດ ບັນຍາກາດທ່ອງທ່ຽວຄຶກຄື້ນ ດຽວນີ້ມີແລ້ວ 1,29 ແສນຄົນ

 ແຫຼ່ງທ່ອງທ່ຽວນໍ້າຕົກ ຕາດຟານ ຣີສອດ ເປັນອີກສະຖານທີ່ອງທ່ຽວຂອງແຂວງຈຳປາສັກ ທີ່ກຳລັງໄດ້ຮັບຄວາມນິຍົມ ແລະໃຫ້ຄວາມສົນໃຈຫຼາຍຂອງບັນດານັກທ່ອງທ່ຽວທັງພາຍໃນແລະຕ່າງປະເທດ ໂດຍປະຈຸບັນການທ່ອງທ່ຽວຢູ່ຕາດຟານຣີສອດແມ່ນມີບັນຍາກາດຄຶກຄື້ນປີນີ້ມີນັກທ່ອງທ່ຽວເຂົ້າມາທ່ຽວແລ້ວ 1,29 ແສນຄົນ ເມື່ອທຽບໃສ່ປີ ຜ່ານມາເພີ່ມຂຶ້ນເຖິງ 80% ຊຶ່ງ ນັກທ່ອງທ່ຽວສ່ວນໃຫຍ່ແມ່ນມາຈາກປະເທດໄທ, ເຢຍລະມັນ, ຮອນແລນ ແລະຝຣັ່ງເປັນຕົ້ນຕໍເນື່ອງວ່າ ຢູ່ຕາດຟານຣີສອດມີຫຼາກຫຼາຍກິດຈະກຳໄວ້ຄອຍບໍລິການແຂກທີ່ເຂົ້າມາທ່ຽວ.

ທ່ານ ບຸນສີ ບຸນມາ ຜູ້ຈັດການ ແຫຼ່ງທ່ອງທ່ຽວນໍ້າຕົກຕາດຟານ ຣີສອດໃຫ້ສຳພາດວ່າ: ແຫຼ່ງທ່ອງ ທ່ຽວນໍ້າຕົກຕາດຟານຣີສອດເປັນແຫຼ່ງທ່ອງທ່ຽວທາງທຳມະຊາດນໍ້າຕົກເປັນສອງສາຍນໍ້າທີ່ໄຫຼລົງມາຄູ່ກັນເຮັດໃຫ້ມີອາກາດບໍລິສຸດ ສົດຊື່ນ, ມີລົມພັດເຢັນດີເມື່ອນັກ ທ່ອງທ່ຽວໄດ້ເຂົ້າມາຈະໄດ້ເຫັນເຖິງກິ່ນອາຍຂອງຄວາມເປັນທຳມະຊາດຢ່າງແທ້ຈິງປະຈຸບັນຢູ່ໃນຕາດຟານຣີສອດແມ່ນໄດ້ມີຫຼາຍກິດຈະກຳໄວ້ຄອຍບໍລິການນັກທ່ອງທ່ຽວເປັນຕົ້ນການຍ່າງປ່າ ແລະ ຂີ່ສະລິງ ນອກນັ້ນຍັງມີອາຫານ ແລະທີ່ພັກທາມກາງທຳມະຊາດທີ່ສວຍສົດງົດງາມສິ່ງດັ່ງກ່າວໄດ້ ເປັນສິ່ງດຶງດູດເອົານັກທ່ອງທ່ຽວເຂົ້າມາທ່ຽວນັບມື້ນັບເພີ່ມຂຶ້ນໃນແຕ່ລະປີ.

ສະໜັບສະໜຸນໂດຍ: HONDA

 ກິດຈະກຳທີ່ສ້າງຄວາມສົນໃຈ ໃຫ້ແກ່ນັກທ່ອງທ່ຽວຫຼາຍທີ່ສຸດ ແມ່ນການຂີ່ສະລິງ ແລະຍ່າງປ່າ ໂດຍການຫຼິ້ນສະລິງແມ່ນມີ 4 ສາຍອ້ອມນໍ້າຕົກຕາດຟານໄລຍະ ທາງຫຼາຍກວ່າ 1 ພັນແມັດ ແລະໃຊ້ເວລາປະມານ 25 ນາທີ ດ້ວຍ ການຫຼິ້ນ 2 ແບບຄື: ຫຼິ້ນສະເພາະ 4 ສາຍສະລິງລາຄາ 40 ໂດລາ ຕໍ່ຄົນ, ຫຼິ້ນ 4 ສາຍສະລິງ ແລະ ນັ່ງດື່ມກາເຟຢູ່ກາງສາຍລາຄາ 70 ໂດລາຕໍ່ຄົນ, ສຳລັບຣີສອດແມ່ນມີ 23 ຫ້ອງ ອອກແບບລາວເດີມ ແຂກທີ່ມາພັກຈະໄດ້ສຳພັດກັບທຳມະຊາດ ແລະຄວາມອຸດົມສົມບູນ ຂອງທຳມະຊາດ, ຫ້ອງຕຽງດ່ຽວ ລາຄາ 30 ໂດລາຕໍ່ຄົນ, ຫ້ອງຕຽງ ຄູ່ ຫຼື ຕຽງໃຫຍ່ 35 ໂດລາຕໍ່ 2 ຄົນ ແລະຫ້ອງແບບຄອບຄົວ 45 ໂດລາຕໍ່ 3 ຄົນ ລວມໃນຄ່າຫ້ອງ ແມ່ນມີອາຫານເຊົ້າ ແລະກາເຟ, ສ່ວນຫຼຸດຂີ່ສະລິງ 10%, ພ້ອມ ທັງບໍ່ໄດ້ເສຍຄ່າເຂົ້າຊົມ ແລະຄ່າຝາກລົດ.

  ທ່ານ ບຸນສີ ບຸນມາ ກ່າວຕື່ມ ວ່າ: ແຫຼ່ງທ່ອງທ່ຽວນໍ້າຕົກຕາດ ຟານຣີສອດປະຈຸບັນກຳລັງທີ່ສົນ ໃຈຂອງບັນດານັກທ່ອງທ່ຽວທັງ ພາຍໃນ ແລະຕ່າງປະເທດ ໂດຍ ບັນຍາການທ່ອງທ່ຽວເຫັນວ່າມີ ຄວາມຄຶກຄື້ນຫຼາຍພໍສົມຄວນປີນີ້ ມີນັກທ່ອງທ່ຽວເຂົ້າມາທ່ຽວຊົມ ຕາດຟານຣີສອດແລ້ວ 1,29 ແສນຄົນເພີ່ມຂຶ້ນຈາກປີຜ່ານມາເຖິງ 80%

ສ່ວນຫຼາຍແມ່ນນັກທ່ອງ ທ່ຽວຈາກປະເທດໄທ, ເຢຍລະມັນ, ຮອນແລນ ແລະຝຣັ່ງນອກ ນັ້ນແມ່ນປະເທດໃກ້ຄຽງ ແລະນັກ ທ່ອງທ່ຽວພາຍໃນແຂວງຈຳປາສັກ ແລະແຂວງໃກ້ຄຽງ, ພ້ອມດຽວກັນນີ້ເພື່ອເປັນການຕ້ອນຮັບໃນຊ່ວງໄລຍະໜາວນີ້ທາງຕາດຟານຣີສອດຈະໄດ້ມີການຈັດກິດຈະກຳເຊັ່ນ: ກາງເຕັນ ແລະລົດລາຄາສະລິງ, ແຫຼ່ທ່ອງທ່ຽວນໍ້າຕົກຕາດຟານຣີສອດຕັ້ງຢູ່ບ້ານຫຼັກ 38 ເມືອງປາກຊ່ອງ ແຂວງຈຳປາສັກ ທ່ານໃດສົນໃຈກໍສາມາດໄປສຳພັດດ້ວຍຕົວເອງໄດ້ ຫຼື ສາມາດສອບຖາມກ່ອນໄດ້ທີ່ໝາຍເລກໂທລະສັບ 020 9777 5881, 020 5498 8838 ຫຼື ສົ່ງອີເມວ Tadfane @ hotmail.com.

ສະໜັບສະໜຸນໂດຍ: ສ່ວນບຸກຄົນ

---------------

 ໜັງສືພິມເສດຖະກິດ-ສັງຄົມ

แชร์