ທິມຄຸກພະຍາຍາມເຮັດໃຫ້ລາຄາໄອໂຟນ ຖືກທີ່ສຸດເທົ່າທີ່ຈະເຮັດໄດ້”

  Tim Cook, CEO ຂອງ Apple ເຂົ້າພົບນັກພັດທະນາ ແລະApple Store ຫຼາຍບ່ອນລະຫວ່າງເດີນທາງໄປເຢຍລະມັນ ແລະຝຣັ່ງລະຫວ່າງນັ້ນ Tim Cook ໃຫ້ສຳພາດກ່ຽວກັບ iPhone 11 ທີ່ມີລາຄາຖືກລົງໃນລະດັບທີ່ສາມາດຊື້ໄດ້ລວມທັງ Apple TV+ ບໍລິການລາຍເດືອນສຳລັບຄວາມບັນເທີງໃໝ່ຂອງ Apple.

Apple ເປີດໂຕ iPhone 11 ສ້າງຄວາມຮືຮາໃຫ້ກັບສື່ ແລະຜູ້ ໃຊ້ງານເປັນຢ່າງດີມາພ້ອມເລນມູມກວ້າງພິເສດ ແລະຊິບປະມວນຜົນ Apple A13 Bionic ແຮງລະດັບດຽວກັບລຸ້ນໃໝ່ຄື iPhone 11 Pro ທີ່ສຳຄັນຄືອັດສະເປັກມາໃຫ້ຫຼາຍຂະໜາດນີ້ແຕ່ມີລາຄາຖືກລົງໄປ 50 ໂດລາສະຫະລັດເມື່ອທຽບກັບລາຄາ iPhone XR ຕອນເປີດໂຕ.

Tim Cook ໃຫ້ສຳພາດກັບ ສື່ວ່າ” ເຮົາພະຍາຍາມເຮັດຜະລິດຕະພັນໃຫ້ມີລາຄາຖືກທີ່ສຸດເທົ່າທີ່ຈະເຮັດໄດ້ ແລະໂຊກດີທີ່ປີນີ້ເຮົາຫຼຸດລາຄາ iPhone ລົງໄປໄດ້ອີກ” ສ່ວນລາຄາ iPhone 11 Pro ຍັງເທົ່າກັບ iPhone XS ຕອນເປີດ ໂຕເມື່ອປີທີ່ແລ້ວ.

ນອກຈາກນີ້ Tim ຍັງໃຫ້ສຳ ພາດກ່ຽວກັບ Apple TV+ ບໍລິການສະຕຣີມມິງຮູບເງົາຂອງ  Apple ໄວ້ວ່າ “ເຮົາບໍ່ຄິດວ່າຄູ່ແຂ່ງຈະຢ້ານເຮົານະແທ້ຈິງທຸລະ ກິດພາກນີ້ແຕກຕ່າງກັນອອກໄປ ມັນບໍ່ກ່ຽວວ່າໃຜຈະຊະນະ ຫຼື ວ່າແພ້ຜູ້ໃຊ້ງານມີຫຼາຍບໍລິການໃຫ້ ເລືອກ(Apple/Disney/Netflix ແລະອື່ນໆ) ຊຶ່ງເຮົາກຳ ລັງເປັນໜຶ່ງໃນນັ້ນ”.

ປະຈຸບັນ Apple ກຳລັງປະສົບບັນຫາການຟ້ອງຮ້ອງໃນຂໍ້ ຫາຜູກຂາດຕະຫຼາດ ຊຶ່ງສ່ວນນີ້ Tim Cook ບອກວ່າໃນທຸກຕະຫຼາດທີ່ Apple ຮ່ວມວົງຢູ່ດ້ວຍຕ່າງມີການແຂ່ງຂັນທີ່ຮຸນແຮງທັງນັ້ນຂຶ້ນຢູ່ກັບວ່າໃຜຈະສາມາດເປັນຜູ້ນຳຕະຫຼາດໄດ້ເທົ່ານັ້ນເອງ.

----------------

 ໜັງສືພິມເສດຖະກິດ-ສັງຄົມ

แชร์