ເປີດເທສະການຮູບເງົາດີເດັ່ນລາວ-ຈີນ ປະຈໍາປີ 2019

   ກົມຮູບເງົາກະຊວງຖະແຫຼງຂ່າວ, ວັດທະນະທຳ ແລະທ່ອງທ່ຽວລາວ (ຖວທ) ຮ່ວມກັບວິທະຍຸສາກົນແຫ່ງປະເທດຈີນ ຫຼື CRI ປະຈໍາລາວ ໄດ້ຈັດພິທີເປີດເທສະການຮູບເງົາດີເດັ່ນລາວ-ຈີນປະຈໍາປີ 2019 ຂຶ້ນຢ່າງເປັນທາງການ, ໃນວັນທີ 30 ຕຸລາ, ທີ່ຫໍວັດທະນະທໍາແຫ່ງຊາດນະ ຄອນຫຼວງວຽງຈັນ, ໂດຍການເຂົ້າຮ່ວມຂອງທ່ານ ຈ້າວ ເສີງກ່າງ ທີ່ປຶກສາການເມືອງສະຖານທູດຈີນປະຈໍາລາວ, ທ່ານ ວິທູນ ສຸນດາຣາ ຫົວໜ້າກົມຮູບເງົາກະຊວງ ຖວທ ແລະທ່ານ ນາງ ອູ ອີຊີ້ງ ຫົວໜ້າວິທະຍຸ CRI ປະຈໍາລາວ, ພ້ອມດ້ວຍແຂກຖືກເຊີນເຂົ້າຮ່ວມ.

 ທ່ານ ວິທູນ ສຸນດາຣາ ກ່າວວ່າ: ໂດຍປະຕິບັດຕາມແຜນແມ່ບົດວ່າດ້ວຍການສ້າງຄູ່ຮ່ວມຊາຕາກຳລາວ-ຈີນ ແລະຜົນສຳເລັດໃນການຈັດເທສະການຮູບເງົາດີເດັ່ນລາວ-ຈີນໃນຄັ້ງຜ່ານມາ, ພາຍໃຕ້ການຊີ້ນໍາຂອງກະຊວງ ຖວທ ແລະ ສະຖານທູດຈີນປະຈຳລາວ, ກົມຮູບເງົາ  ແລະ CRI ໄດ້ຮ່ວມກັນຈັດເທສະການສາຍຮູບເງົາດີເດັ່ນລາວ-ຈີນ ປະຈຳປີ 2019 ຂຶ້ນຢູ່ລາວຊຶ່ງເປັນການຮ່ວມມືຄັ້ງທີ 3 ແລ້ວ,ໃນຖານະທີ່ຮູບເງົາເປັນສື່ໜຶ່ງທີ່ໃຫ້ທັງຄວາມຮູ້, ສາລະ ແລະຄວາມບັນເທີງ,ກໍເຊື່ອວ່າເທສະການສາຍຮູບເງົາຄັ້ງນີ້ຈະກາຍເປັນເວທີແຫ່ງການພົວພັນ ແລະແລກປ່ຽນວັດທະນະທຳລະຫວ່າງສອງຊາດລາວ-ຈີນ ໂດຍຜ່ານການຊົມຮູບເງົາຈີນທີ່ພາກເປັນພາສາລາວເພື່ອຈະເຮັດໃຫ້ປະຊາຊົນລາວບັນດາເຜົ່າໄດ້ເຂົ້າໃຈວັດທະນະທຳຈີນຢ່າງເລິກເຊິ່ງຫຼາຍຂຶ້ນກວ່າເກົ່າ ແລະ ຫວັງວ່າສອງຝ່າຍຈະສືບຕໍ່ຮ່ວມມືໃນການຊ່ວຍເຫຼືອເຊິ່ງກັນ ແລະ ກັນໂດຍສະ ເພາະການຈັດງານແຂ່ງຂັນຮູບເງົາ ແລະການພັດທະນາບຸກຄະລາກອນດ້ານຮູບເງົາເພື່ອປະກອບສ່ວນເສີມຂະຫຍາຍສາຍພົວພັນມິດຕະພາບລະຫວ່າງສອງພັກ-ລັດ ແລະປະຊາຊົນສອງຊາດໃຫ້ເກີດດອກອອກຜົນຂຶ້ນເລື້ອຍໆໄປ.

ສະໜັບສະໜຸນໂດຍ: HONDA

   ເທສະການຮູບເງົາດີເດັ່ນລາວ-ຈີນປະຈໍາປີ 2019 ນີ້ໄດ້ນໍາເອົາຮູບເງົາດີເດັ່ນຈີນ 2 ເລື່ອງຄື: ມະຫາເສດຖີຈຳເປັນ ແລະ ສາຍພູຈາກຮອຍຍີ້ມທີ່ພາກເປັນພາສາລາວໂດຍນັກພາກມືອາຊີບ ແລະສິນລະປິນຊື່ດັງຂອງລາວ, ພ້ອມທັງຈະນໍາເອົາຮູບເງົາດີເດັ່ນລາວ-ຈີນ ໄປເດີນສາຍທີ່ນະຄອນຫຼວງວຽງຈັນ ແລະ ອີກ 8 ແຂວງ ໂດຍບໍ່ເສຍຄ່າຄື: ແຂວງວຽງຈັນ, ບໍລິຄໍາໄຊ, ສະຫວັນນະເຂດ, ສາລະວັນ, ອັດຕະປື, ໄຊຍະບູລີ, ບໍ່ແກ້ວ ແລະແຂວງຜົ້ງສາລີ ໃນລະຫວ່າງເດືອນພະຈິກນີ້.

ສະໜັບສະໜຸນໂດຍ: ສ່ວນບຸກຄົນ

---------

 ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์