ທ່າແຕງຫາລືການເຊື່ອມໂຍງພັດທະນາຊົນນະບົດ

  ເມື່ອບໍ່ດົນມານີ້ທີ່ຫ້ອງປະຊຸມຫ້ອງການກະສິກໍາ ແລະປ່າໄມ້ເມືອງທ່າແຕງ ແຂວງເຊກອງ ໄດ້ມີກອງປະຊຸມປຶກສາຫາລືວາງແຜນ, ສໍາຫຼວດ ແລະເກັບກໍາຂໍ້ມູນຮອບສຸດທ້າຍກ່ຽວກັບໂຄງການເຊື່ອມໂຍງການພັດທະນາຊົນນະບົດທີ່ມີສ່ວນຮ່ວມຂອງເຊມາອືນອຸນດົງ(KOICA) ຕິດພັນກັບການທ່ອງທ່ຽວທາງທໍາມະຊາດ, ປະຫວັດ ສາດ ແລະວັດທະນະທໍາອັນດີງາມຂອງປະຊາຊົນບັນດາເຜົ່າໂດຍເຂົ້າຮ່ວມຂອງທ່ານ ກອງແກ້ວ ວົງປະເສີດ ຫົວໜ້າກົມພັດທະນາຊົນນະບົດ ແລະສະຫະກອນກະ ຊວງກະສິກໍາ ແລະປ່າໄມ້, ທ່ານນາງ ມຽນ ຮອນຈອນ ຮອງປະທານອົງການກອຍກາ (KOICA) ພ້ອມດ້ວຍຄະນະຊ່ຽວຊານໄດ້ໂດຍມີພະແນກກ່ຽວຂ້ອງຂັ້ນແຂວ ງ,ຫ້ອງການກ່ຽວຂ້ອງຂັ້ນເມືອງພ້ອມດ້ວຍອົງການຈັດຕັ້ງບ້ານເຂົ້າຮ່ວມ.

  ການປຶກສາຫາລືວາງແຜນຄັ້ງນີ້ເພື່ອເຈາະຈີ້ມບັນຫາການພັດທະນາເສດຖະກິດ-ສັງຄົມຢູ່ ພາຍໃນເມືອງທ່າແຕງທີ່ຖືກຈັດຕັ້ງປະຕິບັດໄລຍະຜ່ານມາຈົນເຖິງປະຈຸບັນມີຄວາມຄືບໜ້າແນວໃດໃນການສົ່ງເສີມດ້ານກະສິກໍາ, ການປູກຝັ່ງ-ລ້ຽງສັດ, ອົງການຈັດຕັ້ງບ້ານມີຄວາມເຂັ້ມແຂງດ້ານໃດ ແລະທ່າແຮງບົ່ມຊ້ອນພາຍໃນບ້ານມີຫຍັງເກີດຂຶ້ນໂດຍໃຫ້ທຸກຂະແໜງການກ່ຽວຂ້ອງໃຫ້ມີສ່ວນຮ່ວມ ແລະປະກອບຄໍາຄິດເຫັນໃສ່ໜ້າທີ່ຄວາມຮັບຜິດຊອບຂອງແຕ່ລະຂະແໜ່ງການໃຫ້ຮອບດ້ານເປັນຕົ້ນການສໍາຫຼວດ, ເກັບກໍາຂໍ້ມູນ ແລະກວດກາບັນຫາແຕ່ລະໜ້າວຽກທີ່ຈະຕ້ອງສຸ່ມໃສ່ເຂົ້າໃນໃນໂຄງການ.

ສະໜັບສະໜຸນໂດຍ: ສ່ວນບຸກຄົນ

 ໂດຍເມືອງທ່າແຕງໄດ້ກໍານົດເອົາ 5 ບ້ານເປັນບ້ານເປົ້າໝາຍຂອງເມືອງ ແລະ 5 ບ້ານເປັນບ້ານສໍາຮອງທີ່ໄດ້ເຊື່ອມໂຍງກັບໂຄງການພັດທະນາຊົນນະບົດທີ່ມີສ່ວນຮ່ວມຂອງເຊມາອືນອຸນດົງ (KOICA) ທີ່ຕິດພັນກັບການທ່ອງທ່ຽວທາງທໍາມະຊາດ, ປະຫວັດສາດ ແລະ ວັດທະນະທໍາອັນດີງາມຂອງປະຊາຊົນບັນດາເຜົ່າມີ: ບ້ານທົ່ງຫວາຍ, ບ້ານດອນຊາ, ບ້ານຫ້ວຍດໍາ, ບ້ານຫຼັກຂາວ ແລະບ້ານໂກງຕາຢູນ, ສ່ວນອີກ 5 ບ້ານ ເປັນບ້ານສໍາຮອງມີ: ບ້ານຫ້ວຍຊາຍ, ບ້ານທ່າແຕງໃຕ້, ບ້ານກົກພຸງໃຕ້, ບ້ານຈຸນລາ ແລະບ້ານກະປື.

ສະໜັບສະໜຸນໂດຍ: HONDA

 ຊຶ່ງເຫັນວ່າໃນ 5 ບ້ານເປົ້າໝາຍຂອງເມືອງມີຄວາມເຂັ້ມແຂງທາງດ້ານພັດທະນາບັນດາພື້ນຖານໂຄງລ່າງທີ່ຈຳເປັນໃຫ້ບ້ານເປັນຕົ້ນຊ່ວຍປັບປຸງກໍ່ສ້າງເສັ້ນທາງເຂົ້າບ້ານ, ກໍ່ສ້າງລະບົບນ້ຳສະອາດ, ຕະຫຼາດ, ການສ້າງຄອບຄົວຕົວແບບ, ການປູກຝັ່ງ-ລ້ຽງສັດ, ການຝຶກອົບຮົມດ້ານເຕັກນິກວິຊາການຕິດພັນກັບການທ່ອງທ່ຽວໃຫ້ແກ່ຊຸມຊົນ ແລະບັນດາກິດຈະກຳທີ່ສ້າງລາຍຮັບໃຫ້ແກ່ຊຸມຊົນອື່ນໆ, ຄຽງຄູ່ກັນນີ້ຂະແໜງການກ່ຽວຂ້ອງຕ້ອງເອົາໃຈໃສ່ ແລະ ຕັ້ງໜ້າປະກອບສ່ວນຊ່ວຍສ້າງສາພັດ ທະນາປະເທດຊາດ, ໂດຍແມ່ນຊຸມຊົນເປັນເຈົ້າການ, ລວມທັງຮ່ວມກັນຊ່ວຍວາງແຜນ ແລະຮວ່ມກັນຄິດເພື່ອເຮັດໃຫ້ຊຸມຊົນຮັ່ງມີຂຶ້ນໄປເລື້ອຍໆ ແລະຖືກຕ້ອງຕາມທິດພັດທະນາຂອງລັດຖະບານ.

_______

ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์