ວັດຊຽງທອງ ສະຖາປັດຍະກຳລ້ານຊ້າງ ຂອງຫຼວງພະບາງ

  ຫຼວງພະບາງແມ່ນແຂວງໜຶ່ງທີ່ຕັ້ງຢູ່ພາກເໜືອຂອງປະເທດລາວມີຕົວເມືອງຕັ້ງຢູ່ແຄມແມ່ນໍ້າຂອງ ແລະນໍ້າຄານທີ່ໄຫຼມາບັນຈົບກັນທາມກາງທຳມະຊາດອັນສວຍສົດງົດງາມ ແລະມີວັດວາອາຣາມທີ່ເກົ່າແກ່ມີບ້ານເຮືອນທີ່ເປັນເອກະລັກຈຶ່ງເຮັດໃຫ້ອົງການຢູເນສໂກໄດ້ຍົກຍ້ອງໃຫ້ຫຼວງພະບາງເປັນເມືອງມໍລະດົກໂລກ.

ວັດຊຽງທອງຖືວ່າເປັນສະຖານທີ່ທ່ອງທ່ຽວໜຶ່ງທີ່ສາມາດດຶງດູດນັກທ່ອງທ່ຽວທັງພາຍໃນ ແລະຕ່າງປະເທດເຂົ້າມາທ່ຽວຊົມເປັນຈຳນວນຫຼວງຫຼາຍ, ເປັນວັດທີ່ເກົ່າແກ່ຂອງຫຼວງພະບາງທີ່ມີສະຖາປັດຍະກໍາແບບລ້ານຊ້າງດັ່ງເດີມທີ່ສວຍງາມຖືກສ້າງຂຶ້ນໃນປີ ພສ 2103 ສ້າງໂດຍພະເຈົ້າໄຊຍະເສດຖາທິລາດກະສັດຜູ້ປົກຄອງອານາຈັກລ້ານຊ້າງ ແລະ ລ້ານນາ ກ່ອນທີ່ພະອົງຈະຍ້າຍ ເມືອງຫຼວງ ຈາກຫຼວງພະບາງ ໄປຢູ່ນະຄອນຫຼວງວຽງຈັນ, ວັດຊຽງທອງມີຄວາມໂດດເດັ່ນຄືມີຫຼັງຄາທັບຊ້ອນກັນເປັນ 3 ຂັ້ນຊຶ່ງດັດ ອ່ອນໂຄ້ງລົງມາເປັນຊັ້ນໆສະລັບສັບຊ້ອນຢ່າງນ່າສະດຸຕາຕາມແບບ ສະບັບຂອງສີມລ້ານຊ້າງດັ່ງເດີມ ນັ້ນເອງ, ດ້ານກາງຫຼັງຄາປະດັບດ້ວຍຊໍ່ຍອດຟ້າເຖິ່ງ

17 ຊໍ່ ຊຶ່ງບົ່ງ ບອກໄດ້ວ່າເປັນວັດທີ່ຖືກສ້າງຂຶ້ນ ໂດຍກະສັດຂອງລາວໃນເມື່ອ ກ່ອນ, ບໍລິເວນວັດຊຽງທອງຍັງມີ ສິ່ງກໍ່ສ້າງທີ່ສວຍງາມເຊັ່ນ: ຫໍຫຼວງ (ຫໍມ້ຽນພະໂກບເຈົ້າມະຫາຊີວິດ ສີສະຫວ່າງວົງ) ສ້າງຂຶ້ນເມື່ອ ພສ 2505 ຫຼັງການສີ້ນພະຊົນຂອງ ເຈົ້າມະຫາຊີວິດສີສະຫວ່າງວົງ ເປັນອາຄານທີ່ມີຫຼັງຄາສູງປະດັບດ້ວຍງານແກະສະລັກຢ່າງງົດງາມ, ວິຫານແດງ ຫຼື ຫໍໄຫວສີກຸລາບ ພາຍໃນມີພະພຸດທະຮູບຂະໜາດ ນ້ອຍຈຳນວນຫຼາຍພັນອົງຕິດຕາມ ຝາຜະໜັງພາຍໃນວິຫານເປັນທີ່ ແປກຕາຕໍ່ຜູ້ໄດ້ມາພົບເຫັນ, ຫໍພະມ່ານໄດ້ຮັບການບູລະນະຂຶ້ນມາ ໃໝ່ໃນຊ່ວງທ້າຍສະຕະວັດທີ 21 ເປັນທີ່ປະດິດສະຖານຂອງພະມ່ານ,ແລະຍັງມີວັດວາອາຮາມຫຼາຍຢ່າງໃຫ້ທ່ຽວຊົມໃນບໍລິເວນອ້ອມຂ້າງຂອງວັດຊຽງທອງ.

ສະໜັບສະໜຸນໂດຍ: ສ່ວນບຸກຄົນ

  ເນື່ອງຈາກວັດຊຽງທອງເປັນສະຖານທີ່ທ່ອງທ່ຽວອັນສຳຄັນຂອງຫຼວງພະບາງທີ່ໃນແຕ່ລະວັນມີແຂກທັງພາຍໃນ ແລະຕ່າງປະເທດເຂົ້າມາທ່ຽວຊົມເປັນຈຳນວນຫຼວງ ຫຼາຍ, ວັດຊຽງທອງ ຖືເປັນ ຈຸດທ່ຽວຊົມວິຖີທາງພຸດທະສາສະໜາເອກະລັກທາງດ້ານສີລະປະສະຖາປັດຍະກຳແບບລ້ານຊ້າງ ເຮັດໃຫ້ມີນັກທ່ອງທ່ຽວເຂົ້າໄປທ່ຽວຊົມໄດ້ຕະຫຼອດທັງປີເອົາເປັນ ວ່າທ່ານໃດມີຄວາມສົນໃຈຢາກຈະ ໄປສຳພັດຄວາມສວຍງາມທາງດ້ານສີລະປະວັດທະນະທຳແບບ ລ້ານຊ້າງກໍ່ຢ່າລືມເຂົ້າໄປທ່ຽວຊົມເກັບພາບໄວ້ເປັນທີ່ລະນຶກເຊື່ອວ່າທ່ານຈະບໍ່ຜິດຫວັງຢ່າງແນ່ນອນ.

ສະໜັບສະໜຸນໂດຍ: HONDA

-----------------

ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์