ນັກກີລາປັນຈັກສີລັດລາວ ກຽມພ້ອມຮ່ວມຊີເກມ ທີ່ຟິລິບປິນ

   ສະຫະພັນກີລາປັນຈັກສີລັດ ແຫ່ງຊາດລາວ ຄັດເລືອກທັບນັກ ກີລາປັນຈັກສີລັດທີມຊາດລາວ ຈຳນວນ 12 ຄົນ, ຍິງ 2 ຄົນ ຈາກ 9 ລາຍການທີ່ກຽມສົ່ງເຂົ້າ ຮ່ວມການແຂ່ງຂັນງານມະຫະກຳ ກີລາຊີເກມ ຄັ້ງທີ 30 ທີ່ປະເທດຟິລິບປິນ ເປັນເຈົ້າພາບ ຊຶ່ງຈະຈັດ ຂຶ້ນລະຫວ່າງວັນທີ 30 ພະຈິກ ຫາ 12 ທັນວາ 2019.

ຂະນະທີ່ນາງ ນ້ອງອ້ອຍ ວົງພັກດີ ເຈົ້າຂອງຫຼຽນເງິນກີລາອາຊຽນເກມ 2018 ຮຸ່ນນໍ້າໜັກ 60 ກິໂລກຣາມ ເປີດເຜີຍຄວາມຮູ້ສຶກ ວ່າ: ສຸດເສຍດາຍທີ່ບໍ່ສາມາດຊ່ວຍ ທີມຊາດລາວໄດ້ຍ້ອນຮຸ່ນທີ່ຕົນ ເອງລົງແຂ່ງຂັນບໍ່ມີບັນຈຸໃນການ ແຂ່ງຂັນແຕ່ຈະບຸກບືນເກັບຕົວຝຶກຊ້ອມຂຶ້ນເພື່ອກຽມຮ່ວມງານໃຫຍ່ ໃນປີ 2020, ປະຈຸບັນນັກກີລາປັນ ຈັກສີລັດທີມຊາດລາວຈຳນວນ 12 ຄົນ ແມ່ນໄດ້ເກັບຕົວຝຶກຊ້ອມຢູ່ທີ່ສູນຝຶກກີລານະຄອນໂຮ່ຈິມິນ ສສ ຫວຽດນາມ ໃນລະຫວ່າງວັນທີ 8 ຕຸລາ ຫາ 23 ພະຈິກ 2019 ຈຶ່ງສຳເລັດໃນການຝຶກຊ້ອມສ່ວນ ລາຍຊື່ນັກກີລາ 12 ຄົນ, ຍິງ 2ຄົນ ສົ່ງເຂົ້າຮ່ວມຊີເກມທີ່ປະເທດຟິລິບປິນປະກອບມີ: ທ້າວ ທະນະພົນ ສິມພິລາວົງ, ທ້າວ ໂບ້ ທໍາມະວົງສາ, ທ້າວ ມິໂນ່ ວົງພັກ ດີ, ທ້າວ ສຸກສະຫວັນ ຈັນທິລາດ, ທ້າວ ອໍາພົນ ຂຸນຈະເລີນ, ທ້າວ ອາລິສັກ ສິງສຸວົງ, ທ້າວ ວິລະໄຊ ພັນໃບ, ທ້າວ ແຟ້ງ ວົງພັກດີ, ທ້າວ ວັນໄຊ ບຸນນາວົງ, ນາງ ມ໊ອດລະຍາ ວົງພັກດີ, ນາງ ອໍລະໄທ ສູນທະວົງ, ທ້າວ ປຸກກີ້ ສະ ເຫຼີມບຸນຕາ.

ງານມະຫະກຳກີລາຊີເກມ ຄັ້ງ ທີ 30 ນີ້ ແມ່ນໄດ້ສົ່ງນັກກີລາເຂົ້າ ຮ່ວມການແຂ່ງຂັນທັງໝົດ 9 ລາຍການຄື: ປະເພດຕໍ່ສູ້ຊາຍຮຸ່ນນໍ້າ ໜັກ 50 ກິໂລກຣາມ, ຮຸ່ນນໍ້າໜັກ 55 ກິໂລກຣາມ ແລະຮຸ່ນນໍ້າໜັກ 60 ກິໂລກຣາມ, ສ່ວນປະເພດຍິງ ມີຮຸ່ນນໍ້າໜັກ 50 ກິໂລກຣາມ ແລະຮຸ່ນນໍ້າໜັກ 55 ກິໂລກຣາມ, ປະເພດຟ້ອນດ່ຽວຍິງ-ຊາຍ, ແລະ ທີມຊາຍ.

------------------

 ໜັງສືພິມເສດຖະກິດ-ສັງຄົມ

แชร์